AYUB 32:13 - KITTA' MATANGKASA'

¹³ Antekamma bateta langkana ngaseng angkana kigappami kacara'dekanga? Lanri tarpassa nibeta ngaseng maki', akkullea ampiali Ayub, Allata'ala bawang.

AYUB 32:13 Iomraidhean Croise

PA'JARIANG 14:23

angkanaya talakualleai apa-apannu, ba'lalo manna silawara' bannang yareka manna pole sipolong otere' sandala'nu. Sollanna tena nalanukana sallang, ‘Inakke ampa'jari kalumanynyangi Abram.’

AYUB 1:21

“Nilassukkanga' natena apa-apangku, siagang punna matea' tena todong apa-apangku. Batara assarea' nampa Batara todong angngallei ammotere'. Nipujimi arenNa!”

AYUB 19:21

He agang-agangku, kamaseang laloa', saba' nitunrunga' ri limanNa Allata'ala.

AYUB 19:6

Assengi angkanaya inakke Nasessa' Allata'ala, siagang Najakkalaka' lalang ri sikko'Na.

AYUB 2:10

Appialimi Ayub angkana, “Sangkammako tau dongoka a'bicara! Masa' bajikaji bawang ero' nitarima battu ri Allata'ala, nampa kodia lanitollaki?” Jari, manna pole nanituju Ayub ri sikontu anjo balaya, mingka tena nappasulu' kana-kana ambaliangi Allata'ala.

AYUB 31:40

lappassammi teai ase siagang gandung attimbo ri koko, passangalinna rompo' katinting siagang rea.” Sikammaminjo kana-kananna Ayub.

AYUB 32:12

Kuparhatikang bajiki; kulangngereki tena kikullei. Takkulleai kipa'nyata kasalang niaka lalang ri kana-kananna Ayub.

AYUB 32:14

Ikatte napa'bicarai Ayub, teai inakke, mingka tena kulappiali kamma ikatte ngaseng.

AYUB 4:9

Sanrapang anging puttusu', kammaminjo larroNa Allata'ala ampanraki ke'nanga sa'genna cappu'!

AYUB 6:4

Pana battua ri Kaminang Koasaya natarrusuki kalengku; a'la'bangi racunna ri sikontu nyawa siagang batangkalengku. KahebakkanNa Allata'ala sanna' appakamalla'na, na battu ambakkaia' sanrapang pasukang musu.

YESAYA 48:5

Jari battu riolo iji naKutappu memang; ri tenanapa nakajariang, le'ba' memammi Kupau; sollanna tena nanungkana, angkanaya anjo panggaukanna patung-patung barhalanu.

YESAYA 48:7

Kamma-kammapi anne naKupa'jari, teai riolo; tale'bakapi nulangngere' anjo passalaka, sollanna takkulleako angkana, angkanaya sikontuna nuasseng ngasengi.

YESAYA 5:21

Cilakako kau tau nukanaya kalennu cara'de' siagang sanna' porenu!

YEREMIA 9:23

Nakana Batara, “Tau cara'deka takkulleai lompo pa'mai' lanri kacara'dekanna, tau gassinga lanri kagassinganna, siagang tau kalumanynyanga lanri kakalumanynyangnganna.

YEHEZKIEL 28:3

Nukapangi kalennu la'bi cara'dekangngangko na Danel, sa'genna tena rahasia kacokkoang mae ri kau.

ZAKHARIA 12:7

INakke, Batara, lauru-uru assarei pammetang tantara Yehuda, sollanna tena nalompoangngang kala'birang natarimaya jari-jarina Daud siagang pandudu' Yerusalem, nakala'birang natarimaya pandudu'na Yehuda maraenga.

YOHANES 19:11

Appialimi Isa Nakana, “Punna taNasareako' Allata'ala anjo koasanu, tena sikali koasanu mae ri Nakke. Lanri kammana, lompoangangi dosana tau ampassareangai KalengKu mae ri kau, kala ikau.”

1 KORINTUS 3:18

Tea' laloko niakki antipui kalennu. Punna nia' tau ri tangnga-tangnganu nakana kalenna nia' pangngassenganna situru' pangngukkuru'na anne linoa, anjo taua musti a'jari dongoki, sollanna akkulle a'jari tau niaka tojeng pangngassenganna.

HAKING-HAKING 7:2

Nakanamo Batara ri Gideon, “Jai dudui taunnu. Tena Kuero' assarei pammetang mae ri tu Midianga. Nasaba' nakana sallang ke'nanga, ammetai lanri kagassingang kalenna ke'nanga, sa'genna teaimi Nakke napakalompo.