AYUB 3:16 - KITTA' MATANGKASA'

¹⁶ Angngapa natena memang natappu' nyawaku ri wattungku nilassukang sollanna nyamang siagang sannang tinroku?

AYUB 3:16 Iomraidhean Croise

AYUB 10:19

Jari sangkamma' kusa'ring tau tale'ba' nilassukang, saba' lalangija' ri battanna ammakku kunitarawammo.

AYUB 3:15

Attinroa' sangkamma ana' bura'ne karaeng, amboneai balla'na siagang pera' na bulaeng.

AYUB 3:17

Anjoreng, lalang ri kuburuka, tau ja'dalaka tenamo na'gau' ja'dala', pakaresoa cappu'mi kagassinganna akkullemi ammari-mari poso.

PAMMUJI 58:8

Boli'mi kamma lanynya' ke'nanga sanrapang je'ne' a'rumbua, sanrapang ana' pana pokkolokamo.

PAMMUJI 58:9

Boli'mi kamma ke'nanga sangkamma biku assolonga sangkamma urusu', sangkamma ana' lolo matea ri tenanapa naccini' singara'.

KATO'BA 4:3

Mingka la'bi mate'neangnganga pole, iamintu tau tenayapa nilassukangi, lanri tenanapa naciniki ke'nanga kaja'dallang nigaukanga ri anne linoa.

KATO'BA 6:3

Manna pole nania' sibilangngang ana'na se'rea tau, siagang attallasaki sa'genna toa umuru'na, mingka tena namate'ne nakasia' siagang tena todong nanggappa pa'jerakkang siratannaya; jari turu' panggappaku, bajikangngangi sarenna ana' lolo matea ri lassu'na kala sarenna anjo taua.

1 KORINTUS 15:8

Kala'busanna Napappicinikang tommi KalenNa mae ri inakke – inakke sanrapanga' ana' lolo tenayapa narapiki bulanna nanilassukang!