AYUB 3:15 - KITTA' MATANGKASA'

¹⁵ Attinroa' sangkamma ana' bura'ne karaeng, amboneai balla'na siagang pera' na bulaeng.

AYUB 3:15 Iomraidhean Croise

1 KARAENG-KARAENG 10:27

Lalang jammang pamarentahanna Salomo, ri Yerusalem anjo peraka sangkammaji barang-barang biasa sangkamma batua. Siagang kayu camara Libanon alla'bi-la'bi jaina sangkamma kayu ara biasaya.

AYUB 12:21

Napakasiriki tau nipakalompoa; Naallei kakoasanna tau koasaya.

AYUB 22:25

Boli'mi kamma na Kaminang Makoasaya a'jari bulaennu, siagang a'jari pera'nu sannaka lompona anggaranna.

AYUB 3:16

Angngapa natena memang natappu' nyawaku ri wattungku nilassukang sollanna nyamang siagang sannang tinroku?

PAMMUJI 49:18

Saba' ri wattunna mate takkulleai angngerang apa-apa, talanaerang tongi pa'barang-baranganna naung ri kiburuka.

YESAYA 2:7

Pa'rasanganna rassi pera' siagang bulaeng, na barang-baranna teai sipato' jaina. Sanna' jaina jaranna, karetana tanila'busai nirekeng napakamma jaina.

ZEFANYA 1:18

Ri anjo wattu allo hebaka, laNapa'nyatai larroNa Batara, na sikontu bulaenna siagang pera'na ke'nanga takkulleai ampasalamaki kalenna ke'nanga. Sikontu buttaya laancuruki assolong, nitunu ri pepe' kalarroanNa. Ti'ring laNabi'buki sikontu nyawa niaka ri tompo'na anne buttaya.

ZAKHARIA 9:3

Le'ba'mi Tirus ambangung benteng-benteng untu' kalenna siagang appatambung tamaka jaina bulaeng siagang pera' sa'genna a'jari sangkammami barang biasa sangkamma kassi' siagang butta peoka ri aganga.

PAMMILANGNGANG 22:18

Mingka appiali Bileam angkana, “Manna pole nasikontu peraka siagang bulaenga ia niaka lalang ri balla' kakaraenganna Karaeng Balak napabayara' mae ri nakke, talaerokka' andakkai parentaNa Batara, Allata'ala kusombaya. Manna sike'de' dudu taerokka' angngewai Allata'ala.