AYUB 3:11 - KITTA' MATANGKASA'

¹¹ Angngapa kutamatea lalang ri battanna ammakku, yareka tappu' nyawaku ri wattungku nilassukang?

AYUB 3:11 Iomraidhean Croise

AYUB 3:10

Nitunraimi bangngi cilakaya ri wattungku nilassukang ri ammakku, siagang nibalang parekang antanggongi pa'risika.

AYUB 3:12

Angngapa kuniraka' siagang niriwa ri ammakku, siagang nipasusu ri susunna?

PAMMUJI 58:8

Boli'mi kamma lanynya' ke'nanga sanrapang je'ne' a'rumbua, sanrapang ana' pana pokkolokamo.

PAMMUJI 71:6

Lalang sikontu tallasakku tanjenga' mae ri Katte; iKatte anjagaia' battu ri nilassukangku nakutuli mammuji mae ri Katte.

KATO'BA 4:2

Angngiri mata' angngu'rangi tau salloamo mate, lanri mate'neangngammi ke'nanga kala tau attallasaka ija.

KATO'BA 4:3

Mingka la'bi mate'neangnganga pole, iamintu tau tenayapa nilassukangi, lanri tenanapa naciniki ke'nanga kaja'dallang nigaukanga ri anne linoa.

KATO'BA 6:3

Manna pole nania' sibilangngang ana'na se'rea tau, siagang attallasaki sa'genna toa umuru'na, mingka tena namate'ne nakasia' siagang tena todong nanggappa pa'jerakkang siratannaya; jari turu' panggappaku, bajikangngangi sarenna ana' lolo matea ri lassu'na kala sarenna anjo taua.

KATO'BA 6:5

Tena le'bakai accini' allo, siagang tena tompa napahangi angkana apa anne katallassanga, sa'genna akkullemi sannang anra'ba ri tinrona.

YESAYA 46:3

PilangngeriA', he turunganna Yakub, ikau ngaseng niaka tassesa ri ummakKu. Le'ba' mako Kuparakai baku' nilassukannu.

YEREMIA 15:10

Tojeng, inakke siala' memang tonga'. Untu' apa nanalassukanga' anrongku? Tunggala' tau niaka ri anne pa'rasanganga kuagang ngasengi a'besere' siagang a'gea'. Manna kutale'baka appapiinrang yareka angnginrang, mingka nitunraia ri sikontu taua.

YEREMIA 20:17

Nasaba' tena nanabunoa' ri wattungku nitianangngang ija, sollangku tuli nitianangngang ri ammakku siagang pammanakkanna a'jari jerakku.

HOSEA 9:14

Apami musti kupala' ri Katte untu' sikamma anjo taua? Pa'jari tamanang ngasengi sikamma tubai'-bainena ke'nanga! Pa'jari ke'nanga takkullea ampasusui ana' lolona ke'nanga!