AYUB 27:13 - KITTA' MATANGKASA'

¹³ Nakanamo Zofar, “Kammaminne bateNa Allata'ala Kaminang Koasaya anghukkungi tau tenaya naadele' siagang tau dorakaya.

AYUB 27:13 Iomraidhean Croise

AYUB 27:12

Mingka, kalennu ngasemmi le'ba' anciniki. Jari, angngapa nussare pappakainga' tenaya anggaranna?”

AYUB 31:2

Apa kutadeng Nagaukang Allata'ala mae ri katte? Antekamma Nabalasa' panggaukanna rupataua?

AYUB 31:3

Cilaka siagang susa ma'nassa Napabattu mae ri tau a'gau' ja'dalaka!

PAMMUJI 11:6

Nahukkungi tu ja'dalaka siagang bala lompo, siagang pepe', batu a'rinra siagang anging appakamutunga.

PAMMUJI 12:5

angkanaya, “Makoasai ikambe siagang lilana ikambe! Manna apa akkulleji napau ikambe, na tena akkulle anrompai!”

KATO'BA 8:13

Kabalekanna, tau ja'dalaka anggappai jai kasukkarrang. Lintaki allalo tallasa'na rapang bayang-bayang. Lamatei ri wattu rungkana lanri tena namannuruki mae ri Batarana.

YESAYA 3:11

Mingka cilakai tau ja'dalaka! Lanihukkungi ke'nanga kamma nigaukanga mae ri tau maraenga.

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

2 PETRUS 2:9

Jari Naassengi Batara angkanaya antekamma batena ampasalamaki tau eroka mannuruki ri ero'Na, punna nadallekangi sikamma paccobaya. Siagang Naassengi Batara angkanaya antekamma batena amboliki sikamma tau ja'dalaka, sollanna akkulle nisessa sallang ri Allonna Pangadelanga,