AYUB 24:4 - KITTA' MATANGKASA'

⁴ Narompai tu kasi-asia anggappai ha'na, jari tarpassa accokkomi tukamase-masea.

AYUB 24:4 Iomraidhean Croise

AYUB 24:14

Ambangung subui battu ri tinrona pabuno-bunoa, nampa assulu' ammuno tukamase-mase, siagang ri tenanapa nabari'basa', a'dikki-dikkimi sangkamma palukka'.

AYUB 29:12

Saba' kutulungi tu kasi-asi appalaka bantuang; kubantui ana' kukang tenaya antallassi.

AYUB 29:16

Mae ri tu kasi-asia inakke a'jari rapang mangge; mae ri tubattu-battua, inakke angngalleangangi.

AYUB 30:25

Sai sipangngarrukanga' siagang tau susaya, siagang kukamaseangi tau kakuranganga?

AYUB 31:16

Tenale'bakai takutulunga tau kamase-masea, yareka kubalang parekang janda tappu' minasaya ri tallasa'na.

AYUB 31:19

Punna kucini' tau kakuranganga, ta'liwa' kasi-asi untu' ammalli pakeang,

PAMMUJI 109:16

Saba' anjo taua tale'bakai nau'rangi untu' ampappicinikangi mangamaseanga. Nasessai tu kasi-asia siagang tau pa'risika, siagang nabunoi tau tenaya pakkullena.

PAMMUJI 41:1

Untu' pamimping pakelong. Pammujina Daud.

PANGNGEBARANG 14:31

Inai a'gau' baji' mae ri tu kasi-asia, napakala'biriki Allata'ala; inai anjallakkangi tau lammaya, nahinai Tumappare'na.

PANGNGEBARANG 22:16

Inai ero' a'jari kalumanynyang na najallakkang tu kasi-asia na nasare hadia tau nia'-niaka kale'bakkanna lasurokaui.

PANGNGEBARANG 28:12

Punna tau baji' ammarenta, sannang ngasengi taua, punna tau ja'dala' ammarenta, accokkoi ra'yaka.

PANGNGEBARANG 28:28

Punna tau ja'dala' koasa, accokkoi ra'yaka; punna panra' tau ja'dalaka, tau adeleka lammarenta siagang laluasa.

PANGNGEBARANG 30:14

Nia' tau amboyai dalle'na sanna' palla'na batena; sanna' sekke'na siagang napaccoki tu kasi-asia siagang tau lammaya.

YESAYA 10:2

Kammaminjo caranu anrompai tu kasi-asia anggappai ha'na siagang kaadelanga, siagang nurampasa' apa-apanna sikamma jandaya siagang ana' kukanga.

YEHEZKIEL 18:12

Nangai annipu tu kasi-asi, angngella', naalle barang-barang napappita'gallanga taua mae ri ia. A'lampai mange ri balla' rewatana tau tenaya natappa' ri Batara siagang anynyombaya barhala appakaringi'-ringi'.

YEHEZKIEL 18:18

Kabalekanna, manggena nangaia annipu, angngella' siagang anggaukangi kaja'dallang maraengannaya, lamatei lanri dosa-dosa nagaukanga kalenna.

YEHEZKIEL 22:29

Sikamma tau kalumanynyanga annipui siagang angngellaki. Appaero'-eroki ke'nanga appanggaukang mae ri tau kasi-asia siagang napangngallei passawallang bansa maraeng annumpanga.

AMOS 2:7

Najallakkangi ke'nanga tau tenaya pakkullena siagang lammaya, kammayatompa napakabellai tu kasi-asia. Manggea siagang anaka nagauki se'rea ata baine narua-ruai, sa'genna nara'massi areng matangkasakKu.

AMOS 4:1

Pilangngeri, he sikamma bai'-bainea ri Samaria pila' co'moka rapang sapi-sapi co'moka ri Basan! Nujallakkangi tau tenaya pakkullena, nupaccoki tu kasi-asia, siagang nutuntuki bura'nennu sollanna tuli napasadiangko inungang terasa'!