AYUB 24:13 - KITTA' MATANGKASA'

¹³ Nia' tau antollaki singaraka siagang namusui, tanaassengai siagang tanaturukiai ke'nanga oloanna.

AYUB 24:13 Iomraidhean Croise

1 KARAENG-KARAENG 3:20

Ri tangngana bangngia, lalang attinroku, ambangummi nampa naalle ana' loloku battu ri sa'ringku. Nampa naboli' anjo ana' loloku ri katinroanna, nampa anjo ana' lolona mateamo naboli'mi ri katinroangku.

AYUB 24:12

Ri kota-kotaya kalangngerang sa'ra kunrarenna tau lamate duduamo, tau lokoka akkio' appala' niballei, mingka taNapilangngeriai pappala' doanna ke'nanga; taerokai anjampangi.

AYUB 24:14

Ambangung subui battu ri tinrona pabuno-bunoa, nampa assulu' ammuno tukamase-mase, siagang ri tenanapa nabari'basa', a'dikki-dikkimi sangkamma palukka'.

AYUB 24:16

Palukkaka ammongkaraki balla' ri wattu bangngi; ri wattu allo a'lilimi ri singaraka nampa accokko.

AYUB 38:13

Le'bakko assuroi alloa anta'galaki buttaya siagang nabe'besang tau ja'dalaka battu ri tampa' paccokkoanna ke'nanga?

AYUB 38:15

Ta'lalo singara'na alloa mae ri tau tenaya Batarana, na natahang ke'nanga anggaukangi katerassanga.

AYUB 5:14

Ri wattu singara'na alloa nitujui ke'nanga ri sassang, angngosala' sangkamma ri wattu bangngi.

YOHANES 12:35

Appialimi Isa Nakana, “Poro untu' sinampe'ji lania' anjo singaraka ri tangnga-tangnganu ngaseng. Jari a'jappa mako ilalang nia'na ija anjo singaraka, sollanna tena nanatujuko sassang. Inai-nai a'jappa lalang ri sassanga, tanaassengai angkana kemae lanaolo.

YOHANES 12:40

‘Kupa'jari butai matanna ke'nanga, Kupa'jari ka'doroki atinna; sollanna taccinika matanna, natammahanga pikkiranna. Sollanna taeroka ammotere' mae ri Nakke, nampa Kuballei ngaseng sa'genna baji'.’ ”

YOHANES 15:6

Inai-nai tena natuli asse're siagang iNakke, lanipelaki sanrapang anjo tangkea, nampa a'jari kalotoro'. Anjo tangke-tangke kammaya lanipasse'rei, nampa nibuang antama' ri pepeka, nampa nitunu.

YOHANES 8:31

Nampa Nakana Isa ri tu Yahudi tappakamo ri Ia, “Punna attallasakko situru' ajarangKu, nampa mako amminawang tojeng-tojeng ri Nakke;

YOHANES 8:44

Ia manggenu iamintu Billisika, naia eroka nuturuki iamintu ero'na manggenu. Battu ri uru-urunaji napabuno memang anjo Billisika. Tena le'bakai mae ri katojenganga, lanri tena katojengang ri kalenna. Punna a'balle-balle, anjo biasa memanji ri ia, nasaba' kamma memanjinjo sipa'na. Iami paballe-balle, siagang iami nakabattui sikontu balle-ballea.

ROMA 1:32

Naassenji ke'nanga angkanaya siratangi nihukkung mate situru' hukkunNa Allata'ala tau a'gau' kammaya ngaseng anjo. Mingka manna nakamma nagaukang tonji ke'nanga panggaukang-panggaukang kammaya; ba'lalo nasitujui tongi ke'nanga a'gau' kamma todong tau maraenga.

YAKOBUS 4:17

Lanri kammana, inai-nai angngassengi apa bajika, nanaasseng angkanaya musti nagaukangi anjo apa bajika mingka tena nagaukangi, anjo taua dorakami.

1 YOHANES 2:19

Ia musu-musunNa Almasi, iamintu sikamma tau a'lampayamo ambokoiki', nasaba' anjo ke'nanga teai memangi taunta. Punna taunta anjo ke'nanga, tantu tuli ammantangi assiagang ikatte. Mingka assulu'mi ke'nanga battu ri katte, sollanna a'jari singara'mo angkanaya tena manna sitau battu ri ke'nanga antama' tojeng-tojenga ri golonganta.

YUDAS 1:6

U'rangi tongi sikamma malaeka' eroka appanggaukang allaloangai kakoasanna ke'nanga, sa'genna a'lampa ke'nanga ambokoi pammantanganna. Nisikko'mi ri Allata'ala sikamma anjo malaekaka siagang rante tamattappuka, irawa ri tampa' sassanga rawanganna buttaya. Anjoremmi ke'nanga nitahang turus, sa'genna nitappuki hukkunganna ke'nanga ri Allo sannaka heba'na sallang.