AYUB 24:1 - KITTA' MATANGKASA'

¹ “Angngapa nataNapattantua Allata'ala allo pangadelanga, sollanna anggappa kaadelang tau angngassengai?

AYUB 24:1 Iomraidhean Croise

PA'JARIANG 18:17

Nakanamo Batara lalang ri pa'mai'na, “Tena Kuero' anrahasiakangi mae ri Abraham apa eroka Kugaukang.

PA'JARIANG 7:4

Tuju allopi nalaKupaturung bosia, tenaya nammari-mari patampulo allo patampulo bangngi, sollanna ancuru' ngaseng sikamma apa attallasa' le'baka Kupa'jari.”

AYUB 15:20

Tau ja'dala' anjallakkangai paranna tau, lalussaki lalang sikontu tallasa'na.

PAMMUJI 31:15

Mingka manrannuanga' mae ri Katte, o, Batara, saba' iKattemi Allata'alaku.

PAMMUJI 36:10

IKatte kabattuanna katallassanna sikontu apa attallasaka, lalang singaratTa accini' ikambe singara'.

PAMMUJI 9:10

Batara pa'la'langanna tu nijallakkanga, tampa' pa'la'langanna ri wattu kasusaanga.

KATO'BA 3:17

Kupikkiriki angkana, laNaadeli Allata'ala tau bajika siagang tau kodia, nasaba' tunggala' passala' siagang tunggala' panggaukang, lakajariangi situru' wattu Napattantua Allata'ala.

YESAYA 2:12

Ri anjo alloa laNapakatunai Batara Kaminang Koasaya sikamma tau ampakatinggiai kalenna, na nahukkung tau borroa siagang tau tampoa.

YESAYA 60:22

Ba'lalo manna kaluarga ca'dia siagang tunaya la'jari bansa lompo siagang kassa'. INakke Batara langngalle tindakang linta', ri wattu kaminang bajika.”

YEREMIA 46:10

Mingka inakke, Yeremia kukanamo, iaminne allonNa Karaeng Allata'ala Kaminang Tinggia siagang Kaminang Koasaya; ri anjo alloa Napa'balassi sikontu musu-musunNa. Pa'danNa bassoroki angnganre tau siagang angnginung cera'. Anne alloa Batara Kaminang Koasaya, Nasamballei koro'bang-koro'banga wara', ri anjo birinna Binanga Efrat.

DANIEL 2:21

Iami ampattantui wattua siagang jammanga, Ia antu'gurangi siagang allantiki pamarentaya. Ia todong assarei kacara'dekang, siagang assarei pammahang.

OBAJA 1:15

“Tojeng, a'reppese'mi allongKu, iNakke, Batara untu' angngadeli bansa-bansaya. Apa nagaukanga tu Edom lanibalasaki mae ri kalenna. Lanakasia' tongi apa le'baka nagaukang.

ZEFANYA 1:7

A'reppese'mi allonNa Batara; anjo alloa langngallemi tindakang Allata'ala. Lanri kammana anjo a'mereki mako ri dallekanNa. Sadia-sadiami Batara untu' ambunoi umma'Na rapang koro'bang lanipassareang siagang le'ba'mi Nakio' battu musu-musunna Yehuda. Nakana Batara,

MATIUS 24:38

Ri allo-allo tenanapa nabattu a'ba lompoa, angnganre-nganrei, angnginung-nginungi, siagang a'bunting-buntingi taua. Kammaminjo tuli nagaukanga taua, sa'genna antama' Na'bi Nuh ri biseang lompo napareka.

YOHANES 17:3

Iaminne katallassang mannannungang; sollanna naassengKi' taua Bapa', angkanaya tena ruanTa Allata'ala sitojennaya. Kammayatompa nanaasseng tongi Isa Almasi, iamintu Kisuroa battu antama' ri lino Bapa'.

LAMPA-LAMPANA 1:7

Appialimi Isa Nakana, “KalenNa ManggeKu lampattantui allonna siagang wattunna. Anjo tena naparallu nuasseng, nasaba' anjo lalang koasaNai Manggea.

LAMPA-LAMPANA 17:26

Battu ri se'rea tau Nanapa'jari sikontu bansaya, nampa Nasuro ke'nanga ampammantangi sikontu buttaya. Iatommi ampattantui battu ri uru-uruna angkana kemae sa'genna siagang kemaei akkulle ammantang rupataua.

ROMA 2:5

Mingka kapala batu ngasengko siagang taerokako ampinrai gau'nu. Jari battu ri kau ngaseng tonji napila' battala' hukkungang lanugappaya sallang punna Allo Kiama', iamintu punna Napa'nyata sallang pangngalarroiNa Allata'ala siagang Napabattu hukkunganNa adeleka.

1 TESALONIKA 5:1

Sikamma sari'battangku; tena naparallu natulisi' ikambe angkana ringngapanna wattu sitojennaya nalakajariang anjo passalaka ngaseng.

1 TIMOTIUS 4:1

Naterassimi Napau RohNa Allata'ala angkanaya ri jammang labattua sallang, nia' sipa'gang tau lambokoi siagang lansassali Almasi. Lamminawang turuki sallang ke'nanga mae ri roh-roh salaya, siagang lanapinawangi ajarang-ajarang setanga,

1 TIMOTIUS 6:15

KalenNa Allata'ala lampattantui wattu mattantuna kabattuanNa. Iami Makoasaya tenaya ruanna; Iami mala'biri', Karaenna sikontu karaenga, Batarana sikontu rewataya.

2 PETRUS 2:3

Lanri angngoana anjo guru-guru takontutojenga nalanacaritamo mae ri kau carita-carita napare'-pareka kalenna sollanna akkulle anggappa passawallang battu ri kau. Mingka sallomi nipasadia pangadelang eroka antappuki hukkunganna ke'nanga; kammayatompa sallo tommi attayang kapanrakang le'bakamo nipattantu lanagappaya ke'nanga.