AYUB 23:11 - KITTA' MATANGKASA'

¹¹ Majarreka' mannuruki mae ri Ia; tena kule'ba' ammengka battu ri oloang Napattantua.

AYUB 23:11 Iomraidhean Croise

AYUB 10:7

Sitojenna Kiassengi siagang Kipahangi, angkana tena kusala, mingka annaba'. Kiassengi angkana manna sitau tania' akkulle ampasalamaka' battu ri limanTa.

AYUB 17:9

Tau bajika siagang tau tenaya salana, pila' tappa'mi angkana ningai ri Allata'ala batena attallasa' ke'nanga.

AYUB 31:7

Ebara' angkana ammengkama' battu ri oloang tojenga, yareka nibeso'mi pa'maikku mae ri apa ra'masaka, punna ra'masa' limangku lanri dosa,

AYUB 6:10

Akkulleangangi anjo kammaya a'jari panynyaleori ri nakke; la'jogeka' ri tangngana pa'risikku. Sikontu parentaNa Allata'ala Kaminang Koasaya kuturukimi siagang tulusu' kuparhatikangi.

PAMMUJI 119:51

Tau borroa sanna' nahinaTa, mingka inakke tena nakudakkai hukkunTa.

PAMMUJI 125:5

Mingka tau a'gau' jekkonga poro nihukkung laloi ri Batara siagang tau ja'dalaka. Poro salewangang lalo ummatTa!

PAMMUJI 17:5

Tuli kuturuki pappijo'jotTa lalang tallasakku tena kule'ba' ammengka sala ri anjo oloanga.

PAMMUJI 36:3

Nakanai kalenna sanna' heba'na, sa'genna tanaassenga kasalanna, siagang tena nakabirisi.

PAMMUJI 44:18

Yangasennami anjo antujui ikambe manna natenaja natakkaluppa ikambe mae ri Katte yareka angkaluppai parjanjianTa siagang ikambe.

PAMMUJI 44:19

Tena natakkaluppa atinna ikambe mae ri Katte; tena nadakkai ikambe parentaTa.

PANGNGEBARANG 4:5

A'jariko tau cara'de siagang tau tarang pikkirannu! Tuli u'rangi sikamma pappakaingakku siagang teako pelakki.”

ZEFANYA 1:6

LaKupanraki ke'nanga tau tenaya nabattu mae ri Nakke yareka tenaya naero' Kururungang kammayatompa ma'bokoa mae ri Nakke siagang tenayamo naero' amminawang mae ri Nakke.”

ROMA 2:7

Nasarei Allata'ala katallassang sitojennaya siagang mannannunganga tau jarreka anggaukangi kabajikanga, sollanna nagappa katallassang mala'birika, katallassang malompoa siagang satunggu-tunggua.

2 KORINTUS 1:12

Lompomi pa'mai'na ikambe lanri tappa'na ikambe, angkanaya sikamma apa nagaukanga ikambe ri anne linoa, la'biangampa pole nagaukanga ikambe mae ri kau ngaseng, akkullemi nagaukang ikambe siagang lambusu' pa'mai' kammayatompa ati maci'nong. Yangasenna anjo nagaukangi ikambe, teai lanri kacara'dekanna ikambe, mingka lanri pakkulle Napassareanga Allata'ala mae ri kambe.

1 TESALONIKA 2:10

Matangkasaki, tojengi, siagang tena callanna katallassanna ikambe mae ri kau ngaseng, ikau matappakamo mae ri Almasi. Ikau ngasemmi siagang Allata'ala, a'jari sa'bina ikambe.