AYUB 23:10 - KITTA' MATANGKASA'

¹⁰ Mingka Naassengi sikontu jappaku kammayatompa tunggala' dakkaku. Punna sanrapanga' bulaeng kuniuji, la'nyatami angkana ti'noki pa'maikku.

AYUB 23:10 Iomraidhean Croise

PA'JARIANG 18:19

Ia le'ba'mi Kupile sollanna naparentakang mae ri sikamma ana'-ana'na siagang turunganna untu' amminawang turu' ri Nakke kammayatompa nagaukang panggaukang bajika siagang adeleka. Punna nagaukangi ke'nanga anjo passalaka, sikontu janjingKu mae ri Abraham laKurupai ngasengi.”

2 SAMUEL 22:22

Kuturuki parentaNa Batara, na tena kuma'boko battu ri Allata'alaku.

2 KARAENG-KARAENG 20:3

“O Batara, Kiu'rangi laloi angkanaya le'ba'mi kupare' ata kalengku mae ri Katte, majarreka' siagang tulusuki pa'maikku mae ri Katte. Tuli kuusahai anggaukangi apa Kikaerokia.” Nampa angngarru' Hizkia sanna' si'nana nasa'ring nyawana.

AYUB 10:7

Sitojenna Kiassengi siagang Kipahangi, angkana tena kusala, mingka annaba'. Kiassengi angkana manna sitau tania' akkulle ampasalamaka' battu ri limanTa.

AYUB 23:7

Tena kusala, siagang akkullei kupattojeng kalengku ri dallekanNa, jari lanilappassanga' sa'genna satunggu-tungguna.

AYUB 31:4

Mattantu Naassengi Allata'ala sikontu panggaukangku; Nacini' ngasengi sikamma dakkaku.

AYUB 31:6

Lappassamma' Natimbang Allata'ala irate ri timbangang annabaya, na laNaasseng angkana tena nakusala.

AYUB 33:9

Nukana, ‘Tangkasakka', tena kasalang kugaukang. Tena callangku siagang tena kodi gaukku.

AYUB 6:29

Teako a'gau' tenai naadele', angngu'rangiko! Teako callaia', ma'nassa tena tojeng kusala.

AYUB 7:18

Tunggala' bari'basa' tuli Kisalidiki, siagang tunggala' wattu tuli Kiuji.

PAMMUJI 1:6

Saba' tu mannurukia niului siagang nijagai ri Batara, mingka tu ja'dalaka mangngolo mange ri possoka.

PAMMUJI 11:5

Naso'ri Batara tu bajika siagang tu ja'dalaka, Nakabirisi tu nangaia katerassanga.

PAMMUJI 17:3

Punna Kiso'ri pa'maikku na Kibattu amparessa' ri wattu bangngi, laKiassemmi ati maci'nongku, kana-kanangku situruki nawa-nawangku.

PAMMUJI 66:10

O, Allata'ala, le'ba'mi Kiso'ri ikambe sanrapang tau eroka ampakati'noki peraka lalang ri pepeka.

PAMMUJI 7:9

IKatte angngadeli umma' rupataua; Kisarea' kaadelang, o Batara, saba' tena kusala.

PANGNGEBARANG 17:3

Bulaeng siagang pera' niuji' ri pepeka, mingka atinna taua niuji ri Batara.

YEREMIA 12:3

Mingka iKatte, o Batara, Kiassenga'. Kiciniki apa kugaukanga, siagang Kiassengi antekamma pa'maikku mae ri Katte. Kiembai anjo sikamma tau ja'dalaka assulu', erangi ke'nanga rapang gimbala' mange ri pamolonganga. Kijagai ke'nanga sa'genna narapi' wattunna nipolong ke'nanga.

ZAKHARIA 13:9

Bage talluna mami lasalama'. Siagang anjo ke'nanga laKupakatangkasaki rapang pera' nipakati'noka siagang pepe'. LaKuuji ke'nanga rapang tau angngujia bulaeng. Nampa lappala' doang ke'nanga mae ri Nakke, siagang laKupiali pappala'na ke'nanga. LaKupauangi ke'nanga angkanaya iami ke'nanga ummakKu, nampa ke'nanga lamangaku tongi angkanaya iNakkemi Karaeng Allata'alana ke'nanga.”

YOHANES 21:17

Akkuta'nammi pole Isa makapintallunna ri ia, Nakana, “Simon, ana'na Yona, maka nukamaseangA'?” A'jari si'nami atinna Petrus, lanri pintallummi akkuta'nang Isa ri ia. Jari appialimi pole Petrus nakana, “O Batara, sikamma apa-apaya Kiasseng ngasengi Batara. Kiassengi angkanaya kukamaseangKi' Batara!” Nakanamo pole Isa ri ia, “Parakaimi gimbalakKu ngaseng.

1 KORINTUS 3:15

Mingka punna akkanrei anjo bangunang najamaya, larugimi anjo taua; kalenna lasalamaki, mingka sanrapangi tau ta'lappasaka battu ri pepeka.

PAOLE 8:2

U'rangi! Patampulo taungko Napimping Karaeng Allata'alanu lalang pa'jappang bella ammalo ri parang lompoa. Erokko Naso'ri Batara ilalang ri anjo pa'jappanga, sollanna akkulle Nacini' apa niaka lalang ri atinnu, siagang apaka lanuturukiji parenta-parentaNa yareka tena.

2 TIMOTIUS 2:19

Mingka anjo pammentengang makassa' le'baka Napare' Allata'ala takkulleai nipata'ge'goso'. Irateanganna nia' tattulisi' angkanaya, “Naassengi Batara sikamma taunNa,” siagang “Inai-nai nakana kalenna taunNa Batara, musti ammarimi anggaukangi gau' salaya”.

IBRANI 11:17

Lanri tappa'na todong, nanapassareammo Abraham ana'na, iamintu Ishak, a'jari koro'bang, ri wattunna niso'ri tappa'na ri Allata'ala. Le'ba'mi nijanji Abraham ri Allata'ala mingka narellakang tonji Abraham anjo ana' sitau-taua.

YAKOBUS 1:12

Maupaki tau sa'baraka ri wattunna nataba paccoba. Nasaba' punna akkullemi attahang lalang ri anjo paccobaya, lanatarimami passawallanna, iamintu katallassang le'baka Napa'janjiang Allata'ala mae ri sikamma tau mangngamaseanga ri Ia.

1 PETRUS 1:7

Matu-matunna ngaseng anjo iamintu sollanna akkulle a'butti katappakkang tojeng-tojennu mae ri Batara yareka tena. Manna bulaeng akkullea panra' niuji tonji siagang pepe'. Jari, anjo katappakkannu la'bi lompoangangi anggaranna na bulaenga; jari musti niuji tongi sollanna a'jari jarre'. Siagang lanri kammana, lanipuji mako siagang lanipakala'biri' mako, kammayatompa lanipakatinggi mako sallang ri allo kabattuanNa ammotere' Isa Almasi.