AYUB 22:21 - KITTA' MATANGKASA'

²¹ Jari, Ayub, assiama' mako siagang Batara, sollanna nunggappa kasannangngang. Punna nugaukang kammaya anjo, mattantu anggappako kaupakkang.

AYUB 22:21 Iomraidhean Croise

1 PATTOTTORANG 28:9

Nampa nakana Daud mae ri Salomo, “Anakku, parallui nuakui Allata'ala nasombaya manggenu, salaku Allata'alanu. Musti anynyombako mae ri Ia situlusu'na atinnu. Nasaba' Naasseng ngasengi sikontu pikkiranta siagang apa nakaerokia atinta. Punna nuboyai, lanubuntuluki, mingka punna nubokoi, laNasorongbokoko sa'genna satunggu-tungguna.

PAMMUJI 34:10

Pakala'biriki Batara, he ikau ngaseng umma'Na, nasaba' tena nalakakurangang tu mappilangngeria.

YESAYA 27:5

Mingka punna nia' musu-musunna ummakKu mae ri Nakke a'boya pa'la'langngang, boli'mi kamma assiama' siagang iNakke, Iyo, assiama' siagang iNakke.”

MATIUS 5:25

Ebara'na nia' tau antuntukko mange ri pangadelanga, assibajiki memang mako lalang nia'na ija wattu, lalang tenanapa nubattu mange ri pangadelanga. Nasaba' punna tenapa nussibajiki nanubattu mange ri pangadelanga, tena tanapassareannu anjo taua mange ri hakinga; nampa hakinga ampassareangko mange ri pulisia; nampa napantamakko pulisia ri tarungkua;

YOHANES 17:3

Iaminne katallassang mannannungang; sollanna naassengKi' taua Bapa', angkanaya tena ruanTa Allata'ala sitojennaya. Kammayatompa nanaasseng tongi Isa Almasi, iamintu Kisuroa battu antama' ri lino Bapa'.

LAMPA-LAMPANA 10:36

Nuasseng ngasemmi bonena kabara' Napabattua Allata'ala mae ri bansa Israel. Anjo kabaraka, iamintu ri passala'na Kabara' Baji' passiamakkang lalang ri KalenNa Isa Almasi iamintu Batara mae ri sikontu rupataua.

2 KORINTUS 4:6

Nakana Allata'ala, “Nikellai ammumba singaraka battu lalang ri sassanga,” na KalenNa tommi Allata'ala ampamumbai anjo singaraka lalang ri atinta, sollanna a'jari singara' pikkiranta, nakkulle nipahang caya malompoNa Allata'ala niaka accaya ri rupanNa Almasi.

2 KORINTUS 5:20

Jari ikambemi anne tunisuroNa Almasi. A'bicarami ikambe sangkamma angkanaya KalenNa Allata'ala a'bicara mae ri kau ngaseng lalang ri kalenna ikambe. Lalang arenNa Almasi, nanapala' dudumo ikambe sollanna nujamakkimo limanNa Allata'ala assareako oloang nukkulle assibajiki siagang KalenNa.

FILIPI 4:7

Na Iaminjo Allata'ala takkullea napahang akkala'na rupataua, lassareko katallassang salewangang; siagang langkatutui nyawanu siagang pikkirannu le'bakamo asse're siagang Isa Almasi.