AYUB 21:33 - KITTA' MATANGKASA'

³³ Assa'bui tau a'jappa anrurungangi maya'na; nampa nitambungi baji'mo ri butta.

AYUB 21:33 Iomraidhean Croise

PA'JARIANG 3:19

Laballasakko anjama siagang lammattiki songo'nu nanampa nia' wassele'na anne buttaya, sa'gennu ammotere' poleang a'jari butta, nasaba' battu ri buttayako nipare'. Battu ri buttayako nipare', na nulammotere' a'jari butta.”

AYUB 17:16

Punna kunaung ri linona tau matea, tenamo pa'minasangku.”

AYUB 21:32

Nierangi mae ri jeraka, nipantamaki ri kali'bong kuburuka; nijagai siagang niparakai jera'na.

AYUB 24:24

Poro sinampe'ji tallasa' mate'ne, mingka ri boko a'lampami untu' satunggu-tungguna. Kalumengi rapang ruku' tenaya matu-matunna; rapang bulere' ase nikere' battu ri batanna.

AYUB 3:22

Nampami akkulle nikasia' mate'nea punna matemo ke'nanga na nitarawang.

AYUB 30:23

Kuassengi, angkana Kieranga' mange ri lino kamateanga, tampa'na nipasse're sikamma apa attallasaka.

KATO'BA 1:4

Ammumbai sossorang se'rea na lanynya' sossorang maraenga, mingka linoa tuli kammana.

KATO'BA 12:7

Tubuta lammotereki, a'jari limbu'bu ri buttaya Nappasa' tallasatta lammotereki mae ri Allata'ala. Ia assareki' a'jari passare kalammoranNa.

KATO'BA 8:8

Tena manna sitau akkulle antahangi yareka ampamonoki wattu kamateanna. Anjo parjuangang kammaya takkulleai naliliang, takkulleai ta'lappasa' battu ri ia, manna pole appare' akkala' yareka annipu.

IBRANI 9:27

Le'ba'mi Napattantu Allata'ala angkanaya sikaliji bawang mate rupataua. Le'baki anjo niadelimi ri Allata'ala.