AYUB 21:25 - KITTA' MATANGKASA'

²⁵ Mingka nia' todong tau mate sanna' pa'risi'na, tena le'baka nakasia' mate'nea.

AYUB 21:25 Iomraidhean Croise

2 SAMUEL 17:8

Tantu kiassengi karaeng angkanaya anjo Daud siagang ana' buana sangnging pajuang barani. Pallaki ke'nanga rapang beruang tappelaka ana'na. Nampa pole anjo Daud iami tantara jai pangalamanna, tenaya nale'ba' sipa'bangngiang siagang ana' buana.

1 KARAENG-KARAENG 17:12

Appialimi anjo jandaya angkana, “Lanri Batara, Allata'ala mattallasaka, Ia kisombaya, assumpa' angkanaya tena rotiku. Ia niaka poro sikangkang mami tarigu lalang mangko', siagang sike'de' minynya' zaitun lalang ri botolo'. Appasse'rea' anne kayu tunuang untu' ampallui anjo bahang sike'deka, sollangku akkulle siagang anakku angnganre. Iaminjo kanre kala'busanna ikambe; le'baki anjo attayang mami ikambe untu' mate.”

AYUB 10:1

Lanrea' siagang erokka' ta'langnge kukasia' ri tallasakku, nakupasulu' ngasemmo pa'risi'na nyawaku.

AYUB 20:23

Ri wattu sibu'na ambonei battanna, sanna'mi larroNa Allata'ala nampa nihukkung.

AYUB 21:26

Mingka ri jeraka, para anra'bai ke'nanga; nikatulung ri olo' siagang gallang-gallang.

AYUB 3:20

Angngapa natulusu' nibalang parekang pa'risi' tallasa'na rupataua? Angngapa nanipassareang singaraka mae ri susaya?

AYUB 7:11

Lanri kammana anjo takkullea' a'mereki! Takkulleai kuboli' pa'risikku siagang pacceku. Musti kusungkei bawaku, siagang kupasulu' bone atingku.

AYUB 9:18

TaNapa'biangnga' a'mai' manna sinampe'ja; ba'lalo Napitambungianga' pa'risi' lompo.

PANGNGEBARANG 14:10

Susaya siagang rannua niaki niboli' lalang ri pa'maika; tau maraenga takkulleai amminawang angkasiaki.

KATO'BA 6:2

Nia' wattunna naNasare Allata'ala kakalumanynyangngang, kalompoang siagang barang-barang se're tau, sa'genna tenamo apa-apa maraengang nakaeroki. Mingka tena Nikellai ri Allata'ala anjo taua angkasiaki baji'na anjo sikontu passarena. Kabalekanna, tau tenaya Naassengi langkabajikangi anjo kakalumanynyanganna. Jari, yangasenna anjo poro sia-siaji bawang, siagang appakasi'naji pa'mai'.

YEHEZKIEL 12:18

“He tau, annekkerekko ri wattunnu angnganre, siagang annekkerekko napakamma malla' ri wattunnu angnginung.