AYUB 21:19 - KITTA' MATANGKASA'

¹⁹ Nukana ngaseng, ‘Nihukkungi anaka ri Allata'ala lanri dosana manggena.’ Mingka inakke kukana: Tau dorakaya, iatommi nihukkung ri Allata'ala, sollanna sadara' ke'nanga angkana lanri dosana ke'nanga, Nappabattu hukkungang Allata'ala.

AYUB 21:19 Iomraidhean Croise

PA'JARIANG 4:7

Punna baji' apa nugaukanga, mattantu ta'muriko. Mingka punna kodi apa nugaukanga, attayammi dosaya untu' antama' ri atinnu. Eroki dosaya angkoasai kalennu, mingka musti nubetai.”

2 SAMUEL 3:39

Manna inakke anne nipilea' ri Allata'ala a'jari karaeng, mingka kamma-kamma anne tena kusa'ring kagassingangku. Anjo ana'-ana'na Zeruya teai sipato' palla'na. Takukulleai kukoasai ke'nanga. Dasi-dasi nanihukkung ri Karaeng Allata'ala anjo ke'nanga tau ja'dalaka, situru' panggaukanna ke'nanga.”

AYUB 22:24

Pela'mi bulaennu kaminang ti'noka; pasambilai antama' ri binanga tenayamo je'ne'na.

PAMMUJI 54:5

Saba' bansa maraenga ambangummi ero' ambundukia', eroki tau tampoa ambunoa', tena najampangi ke'nanga Allata'ala.

KALAPPASSANG 20:5

Teako anynyombai ri patung kammaya anjo, nasaba' iNakkeji Karaeng Allata'alanu, siagang taerokA' nipasangkamma manna apa-apa mamo. Sikamma tau mangngabirissia mae ri Nakke Kuhukkungi sa'genna jari-jari lapisi' makatalluna siagang makaappa'na.

YESAYA 14:21

Lanipakaramulami pammunoanga! Ana'-ana' bura'nenu lamatei lanri dosana boe-boena ke'nanga. Tena manna sitau battu ri ke'nanga lammarenta ri lino yareka ambangung kota-kota.”

YEREMIA 31:29

Ri anjo wattua tenamo tau lakkana, ‘Tau toaya angnganre rappo kacci, na giginna ana'na tilu nasa'ring,’

YEHEZKIEL 18:14

Ebara' angkana anjo tau a'gau' jaia kaja'dallang nia' ana'na, nampa anjo anaka naciniki anjo sikontu panggaukanna manggena, mingka tena naturuki.

YEHEZKIEL 18:2

“Angngapai anne paruntu' kanaya natuli nipau ri pa'rasangang Israel? ‘Tau toaya angnganre rappo anggoro' kacci kasia'na, mingka ana'-ana'na tilu nasa'ring giginna.’

MALEAKHI 3:18

Lanaciniki pole ummakKu passimmaraenna dalle'na tau bajika siagang tau ja'dalaka, tau anynyombaya ri Nakke siagang tau tenaya nanynyomba ri Nakke.”

PAMMILANGNGANG 14:18

‘INakke, Batara, tena Kulinta' larro. Kupappicinikangi pangngamaseangKu siagang tamamminraKu malla'bi-la'bia. Kupammopporangi tau dorakaya siagang tau angngewayA'. Mingka manna nakamma, kasalanna tau toaya laKubalasaki mae ri ana'-ana'na siagang cucu-cucunna, sa'genna jari-jari lapisi' makatalluna siagang makaappa'na.’

MATIUS 16:27

Tasalloami Nabattu Ana' Ma'rupataua siagang kakoasanNa ManggeNa, nirurungang ri malaeka'-malaeka'Na. Iaminjo wattua naNabalasa' massing panggaukanna rupataua.

ROMA 2:5

Mingka kapala batu ngasengko siagang taerokako ampinrai gau'nu. Jari battu ri kau ngaseng tonji napila' battala' hukkungang lanugappaya sallang punna Allo Kiama', iamintu punna Napa'nyata sallang pangngalarroiNa Allata'ala siagang Napabattu hukkunganNa adeleka.

2 KORINTUS 5:21

Tena dosaNa Almasi, mingka nipipisangiangi ri Allata'ala sikontu dosata mae ri Ia, sollanta akkulle assibajiki siagang KalenNa, lanri asse'retamo mae ri KalenNa Almasi.

PAOLE 32:34

Nau'rangi Batara panggaukanna musunna ke'nanga, laNahukkungi ke'nanga punna narapi' wattunna.

PAOLE 32:41

Punna le'ba' Kukantisi' pa'dangKu sa'genna accilla', laKupajappai kaadelanga. La'balasakKa' mae ri sikontu musua; Kuhukkungi tau birisika ri Nakke.

2 TIMOTIUS 4:14

Aleksander, anjo tukang tambagaya sanna' ja'dala'na panggaukanna mae ri nakke. Mingka lanibalasaki ri Batara situru' anjo panggaukanna.

PAPPICINI' 18:6

Appanggaukang mako mae ri ia sangkamma batena appanggaukang mae ri kau ngaseng; balasaki a'lappi rua sikamma apa le'baka nagaukang Bonei mangko'na inungang a'lappi ruaya terasa'na nainungang napasadiaya untu' ikau ngaseng.