AYUB 21:18 - KITTA' MATANGKASA'

¹⁸ Le'bakkai ke'nanga rapang rarame siagang limbu'bu' niri'bakang ri anging puttusu' siagang anging allaloa?

AYUB 21:18 Iomraidhean Croise

AYUB 13:25

Inakke poro leko' kayu runanja' niiri' ri anging numalo, angngapa naKipannekkere' kamma'! Inakke poro rarame kalotoro' siagang kalumenja' bawang, angngapa nakkulle Kiondang kamma dudua'!

AYUB 22:16

Niparuntangi ke'nanga ri tenanapa narapiki wattu kamateanna, na nianyukang ri je'ne' aba' antujuai.

AYUB 27:21

Anging battu raya angngangkaki, siagang ambarrasaki battu ri balla'na.

PAMMUJI 1:4

Ta'bale'na ri tu ja'dalaka: rapangi awang niri'bakang ri anging.

PAMMUJI 35:5

Boli'mi kamma niondang ke'nanga ri malaeka'Na Batara, sanrapang awang nipasiara' ri anging.

PAMMUJI 83:13

lanri nakanamo ke'nanga, “Umba naniempoi butta pammantanganNa Allata'ala.”

PAMMUJI 83:14

O, Allata'ala, pasimbung laloi ke'nanga sanrapang limbu'bu', sanrapang rarame niirikanga ri anging.

KALAPPASSANG 15:7

Lanri kala'birang malompoTa Kipanraki sikontu angngewaya ri Katte. A'rinrai larroTa rapang pepe', na natunu ke'nanga rapang rarame.

PANGNGEBARANG 10:25

Punna battu anging lompoa antujui, lanynya'mi tau ja'dalaka; mingka tau lambusuka tuli jarreki satunggu-tungguna.

YESAYA 17:13

Majui ke'nanga rapang a'ba sannaka lompona. Mingka Niancangi ke'nanga ri Allata'ala, nampa lari ke'nanga sa'genna bella lampana. Niondangi ke'nanga rapang awang niri'bakang ri anging nai' ri buluka, yareka rapang limbu'bu' nitui' ri anging lompoa.

YESAYA 29:5

Mingka sikontu bansa maraeng pallaka anjo, lalalanynya' ngasengi rapang limbu'bu' yareka awang niri'bakang ri anging. Ti'ring battui siagang tanisanna-sannayai kabattuanna.

YESAYA 40:24

Rapangi ke'nanga lamungang lolo, beru accu'laka aka'na. Punna Napatui' Batara anginga, kalotoro'mi ke'nanga na niri'bakang rapang rarame.

YESAYA 5:24

Nutollaki ajaranNa Batara Kaminang Koasaya, na nuhina parentaNa Allata'ala matangkasa'na tu Israel. Lanri kammana anjo, rapang rarame siagang ruku' kalotoro' la'busu' nakanre pepe', kamma tomminjo aka'-aka'nu la'jari bottoki, bunga-bungannu la'jari kalotoroki na la'busu' nairi' anging.

YEREMIA 13:24

LaKupasisa'la'-sa'lakko rapang awang niirika ri anging battua ri paranga.

HOSEA 13:3

Lanri kammana anjo lalanynya' kabusuki anjo taua rapang allung yareka saliuka ri wattu bari'basa'na alloa. Lasanrapangi ke'nanga limbu'bu' niri'bakang ri anging ri panggilingang gandunga, siagang sanrapang umbu assuluka battu ri rateanna pattunuanga.

NAHUM 1:10

Lanitunuko rapang rarame kalotoro' kontu rompo' akkatinting sikalasaka.

HABAKUK 3:6

Punna ammantangKi', amme'bereki buttaya; punna anjanjangKi', gegereki bansaya napakamma malla'. Moncong-moncong salloa reppe'-reppe' kabusuki; bulu'-bulu' salloa a'jari lappara' todong, anjoremmi anjo ri bulu'-buluka Kioloa a'jappa baku' riolo dudu.

MATIUS 3:12

Nia'mi pa'dinginga lalang limanNa, eroka Napake antapi sikontu berasaka sa'genna tangkasa'. Sikontu berasaka laNaboliki lalang ri pammolikanna, mingka sikamma awanga laNatunui lalang ri pepe' tenaya nalammari rinrana.”

1 KORINTUS 3:12

Nia' ammake bulaeng ambangung irateanna anjo pondasia, nia' ammake pera', nia' ammake batu paramata, nia' ammake kayu, nia' todong ammake ruku' yareka batang ase.