AYUB 20:5 - KITTA' MATANGKASA'

⁵ karannuanna tau ja'dalaka poro sinampe'ji bawang, siagang kasannanganna tau dorakaya sipakkida mataji?

AYUB 20:5 Iomraidhean Croise

2 SAMUEL 18:14

Nakanamo Yoab, “Sudamo. Poro tappela'-pela'ji wattua angngagangku a'gea'.” Nampa angngalle Yoab tallu poke na'lampa ampacokai antama ri barambanna Absalom attallasaka ija anjo wattua siagang ta'gentunga ri poko' kayua.

2 SAMUEL 18:15

Nampa nia'mo sampulo ana' buana Yoab amborongi siagang ambunoi.

ESTER 7:10

Kammaminjo nanigentummo Haman ri panggentungang le'baka napare' untu' anggentungi Mordekhai. Le'bappi anjo nampa naung larrona karaenga.

AYUB 21:28

Akkuta'nangko angkana, ‘Kemae balla'na makoasaya anggaukangai panggaukang dorakaya?’

AYUB 27:8

Maka nia' panrannuanna tau kumbalaka ri wattunna Natuntu' Allata'ala nyawana?

AYUB 34:30

Na tanakulleamo bansa-bansaya untu' antahangi makoasa anjallakangi tau ja'dalaka.

AYUB 5:3

Le'baka' accini' tau tolo; teai sipato' baji'na tallasa'na nicini'. Mingka ti'ring mami kutunrai tampa' pammantanganna.

AYUB 8:19

Iyo, kasannanganna tau ja'dalaka iaji anjo bawang; battui tau maraenga nampa nisambeang.

PAMMUJI 37:10

Tau ja'dalaka lanipa'lanynyaki linta', taenami, punna niboyai.

PAMMUJI 94:3

O, Batara, sa'genna siapa sallona larannu tau ja'dalaka? Sa'genna siapa sallona, o, Batara?

PAMMUJI 94:4

Appasuluki ke'nanga kana-kana kasara', na napattampo-tampoang kaja'dallanna ke'nanga.

MATIUS 7:21

“Tayangasenga tau akkioka ri Nakke angkana, ‘O, Batara, o, Batara,’ la'jari umma'Na Allata'ala; mingka iaji bawang tau anggaukangai ero'Na ManggeKu ri suruga.

GALATIA 6:4

Parallui taua massing naparessa kalenna, maka bajiki panggaukanna yareka tena. Punna ma'nassa baji' tojeng kalenna, akkullemi lompo pa'mai'na. Mingka teami napareki kalenna pa'baku' mae ri panggaukanna tau maraenga.

YAKOBUS 4:16

Mingka kamma-kamma anne a'jari tampo mako siagang lompomi bicarannu. Anjo bicara lompo kammaya sala ngasengi.