AYUB 20:21 - KITTA' MATANGKASA'

²¹ Punna angnganrei napa'la'busu' ngasengi sikamma niaka lanri kammana anjo tenamo nattahang kala'bianna.

AYUB 20:21 Iomraidhean Croise

AYUB 15:21

Sa'ra-sa'ra hebaka lanreppeki tolinna; ri wattu amanga battui paellaka ambakkai.

AYUB 15:29

Latappela'mi kakalumanynyanganna anjo taua natenamo bate-batena; la'busu' taba sikali barang-baranna.

AYUB 18:19

Tenamo ana'na na turunganna; ri bori' parang lakkenna tenamo tassesa manna sitau.

YESAYA 5:8

Cilakako sikamma ammallia balla' siagang angngalle passaya koko untu' antambai barang-barannu! Tenamo nasallo nacappu' tampaka untu' tau maraenga sa'genna ikau mami ammantang ri anjo pa'rasanganga.

YESAYA 5:9

Kulangngereki Batara Kaminang Makoasaya assumpa angkana, “Anne sikamma balla' lompoa siagang ga'gaya lakosong ngasengi tena bonena.

YEREMIA 17:11

Rapang jangang-jangang anggoppoki bayao teai bayaona, kammaminjo tau jekkonga anggappa pa'barang-barangngang. Ri attangnga umuru'na latappela' ngasengi barang-baranna. Ri kala'busang tallasa'na a'butti angkana ia tau dongo' sikali.

AMOS 3:10

Nakana Batara, “Sikamma anjo taua nabonei balla'-balla' karaenna ke'nanga siagang barang-barang nagappaya battu ri gau' ammacco' siagang gau' palla'. Ba'lalo tena sikali nangngasseng ke'nanga anggaukangi gau' lambusuka.

AMOS 3:11

Lanri kammana anjo lanikurungi pa'rasanganna ke'nanga ri musu, lania'moroki pattahanganna, siagang laniellaki sikamma balla' karaenna ke'nanga.