AYUB 20:12 - KITTA' MATANGKASA'

^12-13 Tamaka te'nena kaja'dallanga lalang ri bawana! Kamma nipassayangi lania'lu'; Lanri kammana anjo naboliki rawanganna lilana, sollanna sallo nakasia' nyamanna.

AYUB 20:12 Iomraidhean Croise

PA'JARIANG 3:6

Naciniki anjo bainea angkanaya antekamma ga'gana anjo poko' kayua, siagang nyamangi nikanre rapponna. Na napikkiriki angkanaya teai sipato' baji'na punna a'jari bajiki pangngassenganna. Jari naallemi rapponna anjo poko' kayua, nampa nakanre. Nampa nasare todong bura'nenna, na nakanre todong bura'nenna.

2 SAMUEL 11:12

Nampa nakanamo Daud, “Sudamo, ammari-mari mako pole anne alloa anrinni. Ammukopi bari'basa' nampa kukellaiko a'lampa.” Jari ammantammi Uria ri Yerusalem anjo alloa. Ri allo ammukona nikio'mi ri Daud untu' sipangnganreang.

AYUB 15:16

Sarroangampa rupatau panraka siagang ra'masaka, angnginunga kaja'dallang sanrapang angnginung je'ne'.

PAMMUJI 10:7

Tulusu' mattunrana, anggaratta' siagang annipu, kana-kananna sangnging kabirisang siagang kaja'dallang.

PANGNGEBARANG 19:28

A'jari sa'bi balle-balle, sangkammai nibawangngang hukkunga; ambalai taua, bajiki kasia'na ri tau ja'dalaka.

PANGNGEBARANG 20:17

Barang-barang wassele' nitipua, uru-uruna bajiki kasia'na, mingka kale'bakkanna sanrapangi batu-batu kasia'na.

KATO'BA 11:9

Kasia' baji'mi wattu karungkannu, he ikau tau rungkaya! Rannu mako ilalang lolonu ija. Rupaimi sikamma nakaerokia nyawanu, gaukamma sikontu naniakkanga pa'mai'nu. Mingka u'rangi, Allata'ala niaka ri suruga, langngadeli ngasengi sikontu apa nugaukanga.

YEREMIA 2:19

Kaja'dallannu tonji anghukkungi kalennu, nisessako lanri nusorongbokoA', iNakke, Allata'alanu. Kamma-kamma anne kasia'mi pai'na siagang paccena punna nubokoiA' siagang tena nupakalompoA'. INakke, Karaeng Allata'alanu anne le'ba' a'bicara; iNakkemi Karaeng Allata'ala Kaminang Tinggia siagang Makoasaya.”