AYUB 2:8 - KITTA' MATANGKASA'

⁸ Nampa ammempomo ri ampi'na pa'loroanga, siagang angngallei reppe' kaca untu' napake appagaru ri kalenna.

AYUB 2:8 Iomraidhean Croise

2 SAMUEL 13:19

Nampa naboneimo au ulunna Tamar, nakekkeki jubana, siagang natongko'mi rupanna siagang rua limanna nampa angngarru' pacce nyawana.

ESTER 4:1

Nalangngere'na Mordekhai anjo apa kajarianga, nakekke'mi pakeanna, nampa ammake kaeng karung, a'jari pammatei angkana si'nai. Nakiorimi au ulunna, nampa a'jappa ri kotaya angngarru' lompo appakadinging-dinging pa'mai'.

ESTER 4:3

Kammayatompa ri sikontu daera propinsia, appiraung ngasemmi nalangngere'na nipa'la'bang parentana karaenga. Appuasami ke'nanga, angngarru' siagang akkunrareng, siagang jaimi ri ke'nanga ammake kaeng karung siagang attinro rate ri aua.

AYUB 2:9

Nakanamo bainenna mae ri ia, “Antekamma batenu tuli lajarre' ija tappa'nu mae ri Allata'ala? Tunrai lalomi, nunampa mate!”

AYUB 42:6

Lanri kammana anjo, tu'guru' siri'-sirika' punna kuu'rangi sikamma kana-kanangku na kusassala' kalengku ammempoma' lalang ri limbu'buka siagang aua.”

PAMMUJI 38:5

Tallanga' lalang ri a'ba kasalangku, teai sipato' battala'na eranganna dosaku.

PAMMUJI 38:7

A'dundua' siagang a'bukkuka', sila'busu' alloa susa siagang si'na.

YESAYA 61:3

untu' assarei karannuang siagang kate'neang pa'mai' sikamma tau si'naya siagang tau susaya; untu' ampinrai si'nana ke'nanga a'jari kelong pammuji. Larapangi ke'nanga poko' kayu nilamunga ri KalenNa Batara. Lanagaukangi ke'nanga apa bajika siagang annabaya, sa'genna nipakala'biri' Batara.

YEREMIA 6:26

Nakana Batara ri umma'Na, “Ammakeko pakeang karung nampa anggulung-gulungko ri aua. Susa tukamateang mako siagang angngarru' mako pacce nyawanu, rapang tau appiraunga angkarruki ana' sitau-tauna, nasaba' ti'ring labattumi tulammanrakia ambundukiko.”

YEHEZKIEL 27:30

Nakarruki ke'nanga sarennu, akkunrareng nappiraung pacce nyawana. Appakioroki au ri ulunna ke'nanga anggulung ri limbu'bu' tanra susana.

YUNUS 3:6

Ri wattunna nalangngere' karaeng Niniwe anjo kabaraka, karo-karomi naung battu ri empoang kakaraenganna. Nala'gasa'mi juba kakaraenganna siagang ammakemi kaeng karung, nampa ammempo irate ri aua.

MATIUS 11:21

“Cilaka mako ikau ngaseng tau niaka ammantang lalang ri Korazim! Kammayatompa ikau ngaseng tau niaka ammantang lalang ri Betsaida, cilaka ngaseng tommako! Ebara' angkana le'ba' tommi nigaukang anjo gau'-gau' appakalannasaka ri tangnga-tangnganu ri Tirus siagang Sidon, ma'nassa sallomi le'ba'na toba' siagang nasassala' kalenna tau niaka anjoreng.