AYUB 2:2 - KITTA' MATANGKASA'

² Akkuta'nammi Batara ri lapung Panggoda angkana, “Battu kemaeko?” Appialimi lapung Panggoda angkana, “Battua' a'la'bang ri kere-keremae, anjappai sikontu linoa.”

AYUB 2:2 Iomraidhean Croise

PA'JARIANG 16:8

Nakanamo anjo malaekaka, “O Hagar, atanna Sarai, battu kemaeko siagang la'lampa kemaeko?” Appialimi Hagar angkana, “Laria' ambokoi Sarai, ibuku.”

AYUB 1:7

Akkuta'nangi Batara mae ri anjo lapung Panggoda angkana, “Battu kemaeko?” Appialimi lapung Panggoda angkana, “Silalonna atanTa a'lampa a'la'bang kere-keremae, anjappai sikontu linoa.”

AYUB 2:1

Andallekammi pole ri Batara sikamma apa attallasaka ri suruga, na nia' todong lapung Panggoda ri alla'na ke'nanga.

AYUB 2:3

Akkuta'nammi Batara angkana, “Apaka le'ba'mi nuparhatikang atangKu Ayub? Ri sikontu linoa, tena tau sangkamma baji' pa'mai'na siagang majarre'na tappa'na. Anynyombai mae ri Nakke, siagang tena sikali na'gau' kodi. Tuli majarre'na tappa'na mae ri Nakke, manna pole le'ba'Ma' nunyonyo' ampitujui bala, manna natena passabakkanna.”

YOHANES 14:30

Tenamo nalajai dudu Kubicara mae ri kau ngaseng, nasaba' narapi'mi wattunna labattu pamarentana anne linoa. Mingka tena koasana mae ri KalengKu.

2 KORINTUS 4:4

Barhala ja'dala' niaka ri lino antongkoki pikkiranna tau tenaya natappa' ri anjo Kabara' Bajika. Iaminjo barhalaya anrompa-rompai ke'nanga sollanna tanacinika singara' battua ri anjo Kabara' Bajika, ri sese kalompoanNa Almasi, a'jaria pammatei rupanNa Allata'ala.

1 PETRUS 5:8

Paralluko tuli tutu siagang a'jaga-jaga! Nasaba' anjo Billisika iami musunnu. A'lampai anrai'-kalau' sanrapang singa nye'nyereka amboyai apa akkullea nalollong.