AYUB 2:11 - KITTA' MATANGKASA'

¹¹ Anjo bala antujuai Ayub nalangngere'mi tallua aganna, iamintu Elifas, battu ri Téman, Bildad tu Suah, siagang Zofar tu Naamah. Assamaturu'mi ke'nanga ero' mange antoaki siagang ansaleori Ayub.

AYUB 2:11 Iomraidhean Croise

PA'JARIANG 25:2

Anjo bainenna allassukammi ana', ia massing niarenga: Zimran, Yoksan, Medan, Midian, Isybak, siagang Suah.

PA'JARIANG 36:15

Na iaminne sikamma kapala suku turunganna Esau: Elifas, ana'na Esau toaya, boe-boena anne suku-suku kammaya: Téman, Omar, Zefo, Kenas,

PA'JARIANG 37:35

Sikontu ana'na, baji' bura'ne yareka bainea battu ngasemmi ansaleori, mingka taerokai nisaleori. Nakanamo, “Sa'gengku mate tuli lakukarrukinna anjo anakku.” Kammaminjo tuli susana lanri ana'na Yusuf.

1 PATTOTTORANG 1:32

Abraham nia' baine maraenna niarenga Ketura. Battu ri ia anjo baine maraenna nanaia' ana'-ana' bura'nena massing niarenga: Zimran, Yoksan, Medan, Midian, Isybak, siagang Suah. Yoksan nia' ana'-ana' bura'nena niarenga: Syeba siagang Dedan.

1 PATTOTTORANG 7:22

Siapa are sallona sangnging susa manggena ke'nanga, sa'genna battumo sikamma sari'battanna ansaleori.

AYUB 11:1

Nakanamo Zofar, “Tenaka nanipiali anjo bicara kosonga? Appaka musti nipattojengi anjo tau jaia je'ne' bawana?

AYUB 13:4

Saba' nutongko' ngasengi katoloannu siagang balle-balle, tena sisalana sanro paballe-ballea.

AYUB 15:1

Appialimi Elifas angkana, “Bicara kosong, Ayub, tena tojeng bua'-bua'na bicarannu. Tena tau cara'de' appiali kamma ikau anne, talanapattojengai kalenna ri kana-kana tenaya battuanna.

AYUB 16:20

Kunicau-cau siagang nikakkali ri bela-belaku; angngarruka' andallekang ri Allata'ala appala' bantuang.

AYUB 18:1

Appialimi Bildad angkana, “He Ayub, angngapapi nule'ba' a'bicara? A'mere' mako, na nupilangngeri kamma-kamma anne ikambe ero' a'bicara.

AYUB 19:19

Punna nacinikka', sanna' malla'na bela bajikku; nibokoia' ri sikamma tu kukamaseanga.

AYUB 19:21

He agang-agangku, kamaseang laloa', saba' nitunrunga' ri limanNa Allata'ala.

AYUB 4:1

A'bicarami Elifas angkana, “Ayub, maka tenaja nubirisi' punna akkana'? Takukulleai a'mereki la'bi sallo.

AYUB 42:11

Sikontu daenna siagang sari'battang bainena Ayub, sikontu passiassengang sallona, battumi angkunjungi, nampa assua'-suara' siagang ia ri balla'na. Massing napaumi ke'nanga angkana turu' tongi susa ke'nanga lanri sikontu susa le'baka Napabattu Batara mae ri kalenna, nampa nasaleori Ayub. Massing assaremi ke'nanga ri Ayub siapa are jaina doe' siagang tasse'rena cincing bulaeng.

AYUB 42:7

Le'ba'na a'bicara Batara mae ri Ayub, Nakanamo Batara mae ri Elifas, “LarroA' ri kau siagang ruaya agannu, lanri teai apa sitojennaya nupau ri KalengKu. Mingka atangKu Ayub tena nakamma anjo.

AYUB 42:9

Nagaukammi Elifas, Bildad siagang Zofar, anjo apa Napassuroanga Batara, siagang Natarimami Batara pappala' doanna Ayub.

AYUB 6:14

Lalang ri pa'risi' kammaya anne, kuminasai sahaba' sitojennaya. Apaka tuli jarre' iji tappakku yareka kubawang-bawangngammi Kaminang Koasaya.

AYUB 6:19

Tau lalang pa'jappang battu ri Syeba siagang battu ri Tema a'boya je'ne' siagang narannuanna.

AYUB 8:1

Nakanamo Bildad, “Siapapi sallonu la'bicara kamma antu? Kana-kanannu sanrapangi anging ammarrung.

PANGNGEBARANG 17:17

Se'rea sahaba' tuli tamamminrana mae ri aganna, se'rea sari'battang amminawang tongi antanggongi kasusaanga.

PANGNGEBARANG 18:24

Nia' sahaba' tamamminraya, nia' todong la'bi jarre' na sari'battanga.

PANGNGEBARANG 27:10

Teako kaluppai agannu yareka aganna manggenu. Teako appalakki bantuang ri sari'battannu lalang kasukkarang; a'matu-matuangngangi siampi' balla'nu kala sari'battannu bellaya.

YESAYA 51:19

Nitujuko ri ruang rupa bala; lanri bundu' naancuru' taba sikali pa'rasangannu siagang mate cipuru' ra'ya'nu. Tena angkamaseangko siagang ansaleoriko.

YEREMIA 49:7

Iaminne kananNa Batara Kaminang Koasaya ri ri sesena Edom, angkana, “Apaka tu Edom takkulleai appikkiri' baji'? Apaka sikamma tucara'de'na tena napakaingaki ke'nanga? Lanynya'mi kacara'dekanna ke'nanga!

OBAJA 1:9

Sikamma tubarani battua ri Téman lanabattui malla', siagang sikontu tantarana Edom lamate kabusuki.”

YOHANES 11:19

Jaimi tu Yahudi battu angkunjungi Marta siagang Maria untu' ansaleori ke'nanga lanri matena sari'battanna.

ROMA 12:15

Amminawangko rannu siagang tau rannua; siagang amminawang tongko angngarru' siagang tau angngarruka.

1 KORINTUS 12:26

Punna nia' kalase'renna anjo anggotaya pa'risi', anjo anggota maraenganga nakasia' tommi anjo pa'risika; punna nia' kalase'renna anjo anggotaya nipuji, anjo anggota maraenganga amminawang tommi nakasia' rannua.

IBRANI 13:3

U'rangi tau niaka lalang ri tarungkua, sanrapang angkana nia' tongko lalang ri tarungkua siagang ke'nanga. Kammayatompa u'rangi tongi tau nigau' takamma-kammaya, sanrapang angkana ikau nipakamma tongko anjo.