AYUB 19:3 - KITTA' MATANGKASA'

³ Nupa'mole-moleia' nuhina, siagang nusessa' tena siri'nu.

AYUB 19:3 Iomraidhean Croise

PA'JARIANG 31:7

Mingka manna nakamma kammaji naballe-balleiku siagang napinrai sa'genna pissampulo gajiku. Mingka tena nilappassangi ri Allata'ala a'gau' ja'dala' mae ri nakke.

PA'JARIANG 42:7

Ri wattu nacini'na Yusuf anjo sikamma daenna, narupami ke'nanga. Mingka sara-sarai tanaassenga ke'nanga. Kasara'mi bicaranna ri ke'nanga. Akkuta'nangi angkana, “Ikau ngaseng anne tu battu kemaeko?” Appialimi ke'nanga angkana, “Ikambe tubattu ri Kanaan. Battui ikambe untu' ammalli apa lanakanrea ikambe.”

NEHEMIA 4:12

Mingka anjo tu Yahudi niaka ammantang siampi' siagang ke'nanga, a'mole-molemi battu mae ri kambe untu' ampabattui anjo rancanana musua.

AYUB 11:14

Pelaki dosaya battu lalang ri atinnu siagang pakabellai kaja'dallanga battu ri balla'nu!

AYUB 11:3

Ayub, nukanaka takkulleai ikambe ampialiko? Nukapangi angkana lammakkangi ikambe lanri pacau-caunu?

AYUB 19:17

Turiballakku eroki ta'langnge angngaraki rasanna napasakku, sari'battang tangkakku taerokai a'reppese' ri nakke.

AYUB 19:4

Ebara' angkana sala panggaukangku, tena olona ikau ngaseng lanapakarugi.

AYUB 20:3

Anjo kana-kanannu anghina sikali, mingka kuassengi apa pialinna.

PAMMUJI 69:8

Saba' lanri iKattemi nakunihina, lanri iKattemi nakunicalla.

DANIEL 1:20

Sampang nia' napabattu karaenga passala', iamintu parallua nipakasingara' siagang nitangara', naassemmi karaenga angkanaya panggappana siagang pappitangara'na anjo appaka turungka a'lappi sampuloi baji'na nasikamma panggappana siagang pappitangara'na sikontu pacinika siagang sanro cara'deka ri sikontu kakaraenganna.

KAIMANGNGANG 26:26

Lakala'busangko ri kanre, sa'genna punna nia' sampulo baine, se're mami pattunuang roti naparalluang untu' antunui roti niaka ri ke'nanga. Lanipakammai ransung anjo kanrea, siagang punna le'baki nukanre, tulusu' cipuru'nu ija.

PAMMILANGNGANG 14:22

angkanaya manna sitau anne sikamma taua tena lattallasa' untu' antama' ri pa'rasangang le'baka Kupa'janjiang mae ri boe-boena ke'nanga. Nasaba' taerokai ke'nanga mannuruki mae ri Nakke, siagang tulusu' ero'na ke'nanga ampaccoba-cobaiA'. Nampa le'ba'mi nacini' ke'nanga sioro'na cayaKu, siagang gau'-gau' malompo Kugaukanga ri Mesir siagang ri parang lompoa.