AYUB 18:8 - KITTA' MATANGKASA'

⁸ A'jappai lalang sikko', takkai'mi bangkenna.

AYUB 18:8 Iomraidhean Croise

ESTER 3:9

Punna tenaja kikabattallangi, appasulu' maki' sura' parenta untu' amputtai ke'nanga. Siagang punna erokki' antarimai panggappaku, akkullei anne atanta appantama' la'bi ri 340.000 kilo battala'na doe' pera' ri pammoneang doetta karaeng.”

ESTER 6:13

Nacaritami mae ri bainenna siagang sikamma aganna apa le'baka nagaukang. Jari nakanamo bainenna siagang sikamma anjo agang-aganna appikkiri' bajika, “Appakkaramula mako nabeta gassing Mordekhai. Ia tu Yahudi, nampa takkulleako angngewai. Mattantu lanabetako.”

ESTER 7:10

Kammaminjo nanigentummo Haman ri panggentungang le'baka napare' untu' anggentungi Mordekhai. Le'bappi anjo nampa naung larrona karaenga.

ESTER 7:5

Jari akkuta'nammi Karaeng Ahasyweros ri Ratu Ester angkana, “Inai barani appanggaukang kamma anjo? Kemae taunna?”

AYUB 18:9

Niallei kacunu'na ri sikko', sa'genna nijakkala'mo.

AYUB 19:6

Assengi angkanaya inakke Nasessa' Allata'ala, siagang Najakkalaka' lalang ri sikko'Na.

AYUB 22:10

Lanri kammana minjo narassimo sikko' ri tammulilinu, siagang ti'ring nitongko'mi ri pakkasia' malla' atinnu.

AYUB 5:5

Apa nakattoa ke'nanga ri kokonna, la'busuki nikanre ri tau tenaya bone batanna. Ba'lalo gandung niaka ri tangnga rompo' la'busu' ngaseng napattasa' tau cipuru'. Apa napatanga siagang kakalumanynyangnganna ke'nanga, tuli niodo'mi ri tau angngoaya ri barang-barang.

PAMMUJI 35:8

Boli'mi kamma ke'nanga nituju ri posso' tena nasanna-sannai ke'nanga. Boli'mi kamma nijakkala' ke'nanga ri sikko' napareka kalenna nampa tu'guru' na posso'.

PAMMUJI 9:15

sollangku mammuji ri Katte ri dallekanna pandudu' Yerusalem. Lakkio'-kiokka' ma'rannu-rannu lanri Kipasalamakka'.

PANGNGEBARANG 29:6

Tau ja'dalaka niallei ri sikko' lanri dosana, tau lambusuka sannangi nakasia' siagang mate'nei.

PANGNGEBARANG 5:22

Anjo dosana tau ja'dalaka sanrapangi sikko' tattannanga untu' kalenna tonji ke'nanga.

YESAYA 24:17

Pilangngeri, he sikontu pandudu'na buttaya! Kagegerang, tado' siagang sikko', niaki antayangko.

YESAYA 24:18

Tau laria battu ri anjo kagegeranga latu'guruki antama' ri sikko' tattannanga, na tau ta'lappasaka battu ri sikkoka laniallei ri tado'. Bosi lompoa latattumpai battu rate ri langika, nampa dapara'na buttaya lata'goccangi.

YEHEZKIEL 32:3

Ri wattunna a'rappung bansa-bansaya, laKujakkalakko siagang jalaKu, siagang laKulappassangi anjo bansa-bansaya anre'resangko mae ri bontoa.

1 TIMOTIUS 3:7

Musti tau nipau bajika arenna lalang ri tangnga-tangngana tau jaia; nasaba' punna tena nakamma, gassingka lanihinaji ri taua, sa'genna tu'guru' antama' ri kalo'bang natannanga Billisika.

1 TIMOTIUS 6:9

Mingka inai-nai ero' a'jari kalumanynyang, nigodami siagang nijarro'mi ri a'rupa-rupa kacinnang dongoka siagang ammanrakia. Iaminjo sikammaya kacinnanna ke'nanga ampa'jari ancuruki siagang ampa'jari cilakai ke'nanga.

2 TIMOTIUS 2:26

Lalang kammana anjo, akkullemi angngu'rangi ammotere' ke'nanga, siagang ta'lappasa'mi battu ri sikko'na Billisika, ia angngalleai pangngainna ke'nanga siagang ampassayai ke'nanga anturukiangi ero'na.