AYUB 16:10 - KITTA' MATANGKASA'

¹⁰ Tassungke lompoi bawana taua ancau-caua'; naborongia' siagang natempa ka'rang pilisikku.

AYUB 16:10 Iomraidhean Croise

1 KARAENG-KARAENG 22:24

Jari majumi Na'bi Zedekia nampa a'reppese' ri Mikha na natempa ka'rang rupanna siagang nakana, “Antekamma olona laNabokoia' RohNa Batara nampa a'bicara ri kau?”

2 PATTOTTORANG 18:23

Namajumo Na'bi Zedekia a'reppese' mae ri Mikha nampa natempaka'rang rupanna siagang nakana, “Antekamma olona lakkulle RohNa Batara ambokoia' siagang a'bicara mae ri mae ri kau?”

AYUB 16:11

Napassareanga' Allata'ala mae ri tau dorakaya; Natu'guranga' antama' ri limanna tau kodi sipaka.

AYUB 30:12

Nabakkaima' anjo garombolanga battu ri dallekang, le'ba' narancanami ke'nanga katu'gurangku.

PAMMUJI 22:13

Sanrapangi tedong romang jaia, musua angkatulunga', sanrapang tedong romang liara' battu ri Basan angkatulunga'.

PAMMUJI 22:14

Tassungkei bawana ke'nanga andallekanga', sanrapang singa ammarrunga sa'ranna ero' angngokko'.

PAMMUJI 3:7

Tamallakka' ri musu assa'bua makkuliling ri nakke battu ri kemae-kemae.

PAMMUJI 35:15

Mingka ri wattungku susa, sannangi pa'mai'na ke'nanga, siagang a'rappungammi ambalianga'. A'jappa keppang-keppangi ke'nanga untu' ancau-caua'.

PAMMUJI 35:21

Ammarrang-marrangi ke'nanga mae ri nakke angkana nacini'mi ke'nanga apa le'baka kugaukang.

PAMMUJI 56:6

Sila'busu' alloi musua angkacoi parkaraku tulusu' usahana ke'nanga ero' ancilakaia'.

PAMMUJI 94:21

Assikongkoloki ke'nanga ambaliangi tau lambusuka, siagang anghukkung matei tau tenaya salana.

YESAYA 50:6

Kutannangngangi dongkokku tau eroka amba'jia'; na pilisikku mae ri tau eroka ambi'buki janggokku. Tena nakugilingi rupangku ri wattungku nihina siagang nipi'rui.

PIRAUNG 2:16

Sikontu musunnu birisi' kabusu' ancinikiko, nabebeiko siagang nakakkaliko ke'nanga. Nakana ke'nanga, “Anjo kotaya le'ba'mi niputta ri kambe! Kale'bakkanna narapi'mi anjo wattu salloamo nitayang!”

PIRAUNG 3:30

Manna kinipakkanai siagang nitempaka'rang, parallui nitarima ngaseng anjo kammaya.

MIKHA 5:1

Nakana Batara, “He Betlehem Efrata, ikau kalase'renna kota kaminang ca'dia ri Yehuda! Mingka battu ri kaumi laKupammumba sitau makoasaya untu' Israel, naia assala'na battu riolo duduji.”

MATIUS 26:67

Massing battumi ke'nanga ampi'rui rupanNa Isa, nampa nasessa naba'ji. Nia' tommo antempaka'rangi,

YOHANES 18:22

Ri wattunna akkana kamma anjo Isa, nia'mo sitau pangawala' antempaka'rangi siagang nakana, “Nubarani kamma akkana kammanjo mae ri imang lompoa!”

LAMPA-LAMPANA 23:2

Ri wattunna akkana kamma Paulus, nisuro tempa ka'rammi bawana Paulus ri Imang Lompo Ananias ri anjo tau ammentenga ri sa'rinna Paulus.

LAMPA-LAMPANA 4:27

Nasaba' memang, a'rappungammi sipa'bicara Herodes, Pontius Pilatus, sikamma tu tenaya naassengi Batara, siagang tu Israel anrinni ri kotaya. A'rappungammi ke'nanga ero' angngewai Isa, Ana' matangkasatTa, le'baka Kiangka' a'jari Karaeng Mappasalama'.

2 KORINTUS 11:20

Nubalang parekangi kalennu punna nipare' atako ri taua, yareka napaccokko siagang napassawalliko, kammayatompa nakana kalenna tinggiangangi na ikau, nampa barani antempaka'rangko!