AYUB 15:5 - KITTA' MATANGKASA'

⁵ Kana-kanannu ampa'nyatai angkana salako, mingka nutongkoki kaja'dallannu siagang kaporeannu a'bicara.

AYUB 15:5 Iomraidhean Croise

AYUB 11:6

Siagang dasi-dasi nanipauangko ri Ia, angkanaya anjo kacara'dekanga jai lampa-lampana, siagang takkulleai napahang rupataua. Mingka angngu'rangiko angkana tena nasiapa pa'risi'nu, punna nipasitimbangi hukkungang siratanga nutarima.

AYUB 12:6

Mingka katallassanna paellaka tena niancangi; tau barania ambaliangi Allata'ala, amangi tallasa'na. Na rewataja a'jari panrannuanna ke'nanga, kagassingang kalennaji bawang napattoang.

AYUB 15:4

Ebara' nituruki anjo bicarannu, manna sitau tenamo lamalla' yareka appala' doang ri Allata'ala.

AYUB 22:5

passangalinna lanri jai duduna dosanu, siagang tamaka ja'dala'na tindakannu siagang panggaukannu.

AYUB 32:1

Lanri tappa' duduna Ayub ri annabana kalenna, tenamo nappiali pole anjo tallua aganna.

AYUB 32:2

Mingka anjoreng nia' sitau niareng Elihu, ana'na Barakheel, turungang Bus battu ri golongang Ram. Tanakulleai natahang larrona, lanri Ayub nasalakangi Allata'ala nampa napattojeng kalenna.

AYUB 5:12

Napassalasai rancana akkala' kodia, Napiallei sikko' na Najakkala' tau cara'de' salaya, sa'genna tajaria sikontu usahana ke'nanga, na nitipumo ke'nanga ri akkala' salana tonji.

PAMMUJI 64:3

Kijagai laloa' battu ri passikongkolanna tau dorakaya, battu ri rancana cara'de'na sikamma tau ja'dalaka.

YEREMIA 9:8

Sanna' bahayana kana-kananna ke'nanga, akkullei ammuno rapang pana niaka racunna. Poro balle-balle bawang pau-pauna ke'nanga. Te'nei angngalle pa'mai' kana-kananna ke'nanga, mingka sikontutojenna attannanji sikko' ke'nanga.

LUKAS 6:45

Punna baji' taua, mattantu labaji' tongi kana-kananna, lanri sangnging kabajikang lalang ri atinna. Na punna ja'dala' taua, mattantu laja'dala' tongi kana-kananna, lanri sangnging kaja'dallang lalang ri atinna. Nasaba' apa-apa mamo assulu' ri bawaya ia tomminjo niaka lalang ri atia.”

YAKOBUS 1:26

Punna nia' tau nakana kalenna tutu ri agamaya, mingka tena nakatutui lilana, anjo taua naballe-balleimi kalenna; tenamo matu-matunna sambayanna.