AYUB 15:4 - KITTA' MATANGKASA'

⁴ Ebara' nituruki anjo bicarannu, manna sitau tenamo lamalla' yareka appala' doang ri Allata'ala.

AYUB 15:4 Iomraidhean Croise

AYUB 15:5

Kana-kanannu ampa'nyatai angkana salako, mingka nutongkoki kaja'dallannu siagang kaporeannu a'bicara.

AYUB 27:10

Mustina nakkuki ri kassannangang battua ri Allata'ala, siagang tena mangnganna appala' doang mae ri Ia.

AYUB 5:8

Ebara' inakke natuju antu apa nukasiaka, lakkioka' mae ri Allata'ala. Lama'rikonga' mae ri Ia, na kuerang mae ri Ia parkaraku.

AYUB 6:14

Lalang ri pa'risi' kammaya anne, kuminasai sahaba' sitojennaya. Apaka tuli jarre' iji tappakku yareka kubawang-bawangngammi Kaminang Koasaya.

PAMMUJI 119:126

O, Batara, narapi'mi wattunTa angngalle tindakang, lanri nadakkai taua hukkunTa.

HOSEA 7:14

Tena nattojeng-tojeng ke'nanga appala' doang mae ri Nakke. Punna appala' doangi ke'nanga, napatappasaki kalenna naung ri katinroanga, siagang appiraungi ke'nanga sangkamma nagaukanga tau tenaya natappa' mae ri Nakke. Punna appala' doang ke'nanga untu' appala' gandung siagang anggoro', naloko'-lokoki kalenna ke'nanga sangkamma nagaukanga tu anynyombaya mae ri rewataya. Ma'nassa angngewa tojeng-tojengi ke'nanga ri Nakke!

AMOS 6:10

Sitau anggota kaluargana ia tugasaka angngurusuki panguburanna, laniaki battu siagang naerangi assulu' maya'na bijanna. Lakkioki mae ri tau niaka ri bageang bokona anjo ballaka angkana, “Apaka nia' ija maraeng attallasa' pantaranganna ikau?” Na lania'mo sa'ra appiali angkana, “Tenamo!” Anjo anggota kaluarga tugasaka antarawangi anjo mayaka lanakana, “Tea' mako a'bicarai pole! Takkulleaki' ampaui arenNa Batara.”

ZEFANYA 1:6

LaKupanraki ke'nanga tau tenaya nabattu mae ri Nakke yareka tenaya naero' Kururungang kammayatompa ma'bokoa mae ri Nakke siagang tenayamo naero' amminawang mae ri Nakke.”

LUKAS 18:1

Le'baki anjo Nacaritami Isa se'rea pangngebarang, ero' Naajara' ana'-ana' gurunNa sollanna tuli appala' doang siagang tena natappu' panrannuang.

ROMA 3:31

Jari punna tappa' maki' mae ri Isa Almasi, maka lanipela'mi anjo hukkung-hukkung agama Yahudia? Tena sikalia! Ba'lalo, lanri lalang matappattamo, naparallumo nikatutui anjo hukkung-hukkunga.

GALATIA 2:21

Tena nakubalang parekangi anne pangngamaseanNa Allata'ala. Punna a'jari baji' ammotere' passisambunganna taua siagang Allata'ala lanri nagaukanna hukkung-hukkung agamaya, a'jari tenamo matu-matunna kamateanNa Isa mae ri kalenna!