AYUB 12:12 - KITTA' MATANGKASA'

^12-13 Turu' kabara', kacara'dekanga niaki ri tau toaya umuru'na, mingka kacara'dekang siagang kagassingang ri Allata'ala bawang nia'. Nakana taua, pammahanga niaki ri allaloamo umuru'na, mingka pammahang siagang kakoasang ri Allata'alaji bawang nia'!

AYUB 12:12 Iomraidhean Croise

1 KARAENG-KARAENG 12:6

Nampa appala' tangara'mo Rehabeam mae ri tau toa-toaya ia le'baka a'jari tumappakainga'na Salomo, manggena Rehabeam. Akkuta'nangi Rehabeam angkana, “Antekamma musti pappialingku mae ri anjo taua? Antekamma pikkiranta ngaseng?”

AYUB 15:10

Anne kacara'dekanga natarimai ikambe battu ri tau uwanga uu'na; nia' memammi ke'nanga ri tenanapa nilassukangi manggenu!

AYUB 32:6

na nakana, “Inakke rungka ija', ikatte ngaseng toa maki', lanri kammana anjo, mallaka' na kuranggasela ampaui panggappaku.

AYUB 32:7

Kupikkiriki, ikatteji musti a'bicara, ia la'bi toaya musti ambagei kacara'dekanna.

AYUB 8:8

Parallui nuparhatikang tau cara'deka ri jammang riolo, na nunawa-nawa pangalamanna boe-boenu.