AYUB 11:8 - KITTA' MATANGKASA'

⁸ KoasaNa la'bi tinggi na langika; takkulleai nurapi' siagang nukayao. KoasaNa la'bi lantangi na linona tau matea, takkulleai nupahang ngaseng.

AYUB 11:8 Iomraidhean Croise

2 PATTOTTORANG 6:18

Mingka o Allata'ala, maka ma'nassa ero' tojenjaKi' ammantang ri anne tompo'na buttaya, ri tangnga-tangngana rupataua? Manna sikontu langika tagannaki luara'na untu' Kipammantangngi, la'biangampa naanne balla' sambayang kubangunga!

AYUB 11:9

KoasaNa Allata'ala la'bi luaraki na linoa, la'bi la'baki na tamparang lompoa.

AYUB 22:12

Sai langi' tinggia pammantanganNa Allata'ala, na accini' naung, ri sikamma bintoeng tinggi dudua?

AYUB 26:6

Ri dallekanNa Allata'ala, tassungkei linona tau matea, tena tattongko' sa'genna Nacini'.

AYUB 35:5

Ciniki langika siagang parhatikangi antekamma tinggina rammanga.

AYUB 37:23

Tamaka lompona koasaNa Allata'alata; takkulleaki' anreppesi, tuli lambusu'Na siagang adele'Na; tale'bakai Najallakkang rupataua.

AYUB 38:17

Niakka tau le'ba' ampicinikiangko pakke'bu' lompoa ri dallekanna lino kamateang sassang makkapuka?

AYUB 7:9

Sanrapang rammang ta'bayang nampa lanynya', taua lamate tongi, talammoterai. Sikontu tau le'baka angngassengi anjo taua, takkaluppami mae ri ia, tenamo angngu'rangi.

PAMMUJI 103:11

Mingka antekamma tinggina langika battu ri buttaya, kammaminjo lompo pangngamaseanNa mae ri tau mappilangngeria.

PAMMUJI 148:13

Bajiki mammuji ngaseng ke'nanga ri arenNa Batara, saba' arenNa la'bi lompoangngangi na sikontu arenga; kalompoanNa la'biangngangi na langika siagang linoa.

PAMMUJI 36:6

O, Batara, pangngamaseanTa santinggi langika, tamamminraTa sa'genna rammanga.

PANGNGEBARANG 30:4

Tau kereanga le'ba' nai' naung ri suruga? Le'bakika angngangkang anging lalang limanna, siagang anroko' je'ne' lalang ri bajunna, yareka ampattantui pa'baeng-baenna linoa? Inaika anjo taua, siagang inai ana'na? Mattantu nuassengi!

YESAYA 55:9

Kamma tinggina langika battu ri buttaya, kamma tomminjo tinggina pikkirangKu rateanna pikkirannu, siagang oloangKu rateanna oloannu.

AMOS 9:2

Manna pole annarrusu' ke'nanga antama ri linona tau matea laKukayao tonji ke'nanga. Manna pole nanai' ke'nanga ri langi', laKupanaungi ke'nanga battu rate.