AYUB 11:7 - KITTA' MATANGKASA'

⁷ Masakang akkullei nuselangngi bone mailalanNa Allata'ala? Masakang akkulleko ampahangi koasaNa?

AYUB 11:7 Iomraidhean Croise

AYUB 22:12

Sai langi' tinggia pammantanganNa Allata'ala, na accini' naung, ri sikamma bintoeng tinggi dudua?

AYUB 26:14

Mingka yangasenna anjo kammaya poro pammateiji ri kakoasanNa poro pa'bici'naji battua mae ri tolinta. Tamaka sike'de'na pammahanta ri passala' kahebakkanna koasaNa Allata'ala!”

AYUB 27:11

Lakuajari ngasengko ri passala' kalompoang koasaNa Allata'ala, kupauangko rancanaNa Kaminang Koasaya.

AYUB 33:12

He Ayub, sala sikali antu panggappanu! Saba' lompoangangi Allata'ala na rupataua.

AYUB 33:13

Angngapa nanusalakang Allata'ala angkanaya taNajampangiai kunrarenna rupataua?

AYUB 35:5

Ciniki langika siagang parhatikangi antekamma tinggina rammanga.

AYUB 36:26

Tamaka mala'biri'Na Allata'ala, takkulleai niselangngi yareka nirekeng siapa sallona taunNa.

AYUB 37:23

Tamaka lompona koasaNa Allata'alata; takkulleaki' anreppesi, tuli lambusu'Na siagang adele'Na; tale'bakai Najallakkang rupataua.

AYUB 37:5

Lanri parentaNa Allata'ala, na'jarimo apa appakalannasaka, iamintu apa-apa tenaya nakkulle nipahang ri akkalatta.

AYUB 42:3

Kikuta'nanga' angkana angngapa kubarani ranggasela ri kacara'dekanTa nampa inakke kalengku tena apa-apa kuasseng. Kupaui apa-apa tenaya nakupahangi, apa-apa sannaka appakalannasa'na ri kalengku anne.

AYUB 5:9

Yangaseng bate pare'Na Allata'ala tamaka heba'na; takkulleai nipahang. Gau'-gau' appakalannasa' Napareka, takkulleai nibilang na tena la'busu'na.

PAMMUJI 139:6

Tamaka lantanna mae ri nakke anjo pangngassenganTa, tanirapikai ri pikkirangku.

PAMMUJI 145:3

Saba' malompoi Batara siagang sanna' nipujiNa takkulleai nitarrusu' kalompoanNa.

PAMMUJI 77:19

A'gamarrungi gunturuka, akkilaki kilaka, ta'goccangi siagang annekkereki buttaya.

PANGNGEBARANG 30:4

Tau kereanga le'ba' nai' naung ri suruga? Le'bakika angngangkang anging lalang limanna, siagang anroko' je'ne' lalang ri bajunna, yareka ampattantui pa'baeng-baenna linoa? Inaika anjo taua, siagang inai ana'na? Mattantu nuassengi!

KATO'BA 3:11

Ia ampattantui wattu kaminang cocoka untu' sikontu apa-apaya. Ia assareki' kaerokang untu' angngassengi allo lanidallekanga, mingka tanikulleai ampahangi gau'Na Allata'ala battu ri pakaramulanna sa'genna kala'busang.

KATO'BA 7:24

Inai akkulle anggappai battuanna anne tallasaka? Tamaka lantanna untu' akkulle nipahang!

YESAYA 40:28

Maka tanuassengai siagang tanulangngerai? Batarami Allata'ala mannannungang, ampa'jari sikontu buttaya. Tale'bakai mangngang yareka poso; takkulleai niselangngi pikkiranNa.

MATIUS 11:27

Nampa Nakana Isa, “Yangaseng-ngasenna le'ba'mi Kipassareang mae ri Nakke. Tenanniakka manna sitau angngassengi AnatTa, pantaranganna iKatte. Tenanniakka todong angngassengKi', pantaranganna AnatTa, siagang sikamma tau le'baka Kupauang.

ROMA 11:33

Teai sipato' heba'na kakalumanynyanganNa Allata'ala! Teai sipato' tinggina kacara'dekanNa siagang pangngamaseanNa! Maka inai akkulle ampappilajari sikamma apa le'baka Napattantu? Maka inai akkulle ampahangi cara-caraNa anjama?

1 KORINTUS 2:10

Mingka le'ba'mi Napappiassengang RohNa Allata'ala mae ri katte. Iami anjo RohNa Allata'ala ansalidiki ngasengi sikontu apa-apaya, sa'genna pole rancanaNa Allata'ala kaminang taccokkoa.

1 KORINTUS 2:16

Nasaba' nia' tattulisi' lalang ri Kittaka angkanaya, “Maka inai akkulle ampahangi pikkiranNa Batara? Siagang inai akkulle ampakaingaki?” Mingka ikatte niaki pikkiranNa Almasi ri katte!

EFESUS 3:8

Ri sikontu umma'Na Allata'ala, inakkemi anne kaminang tuna. Mingka Nasarema' Allata'ala anne pangngamaseanga: Iamintu jama-jamang untu' ambirittakangi mae ri bansa-bansa maraenga Kabara' Bajika, iamintu kakalumanynyanganNa Almasi tenaya la'busu'na;