AYUB 11:10 - KITTA' MATANGKASA'

¹⁰ Punna Najakkalakko siagang Naerangko mange ri pangadelanNa, inai maka labarani anrompai eroka Nagaukang?

AYUB 11:10 Iomraidhean Croise

AYUB 11:9

KoasaNa Allata'ala la'bi luaraki na linoa, la'bi la'baki na tamparang lompoa.

AYUB 12:14

Apa le'baka Narumbang takkulleai nibangung poleang inai Natahang takkulleai bebasa' ammotere'.

AYUB 34:29

Punna tappu' a'merekiji bawang Allata'ala, manna sitau tabarani ancallai. Punna Nacokko rupanNa, manna sitau takkulle ambuntuluki.

AYUB 38:8

Inaika antongkoki pakke'bu'na untu' antahangi je'ne' tamparanga, ri wattunna assulu' je'neka battu lalang ri battanna buttaya?

AYUB 5:18

Saba' Allata'ala amma'risi, Ia todong ammallei. LimanNa annunrung, limanNa todong appakabaji' ammotere'.

AYUB 9:4

Allata'ala sanna' cara'de'na siagang sanna' koasana; inai akkulle attahang ambaliangi?

PAMMUJI 31:8

Rannua' na kuma'reja-reja saba' tuli Kikamaseanga'. IKatte anciniki pa'risikku na Kiparhatikang kasusaangku.

YESAYA 14:27

Le'ba'mi Natappuki Batara Kaminang Makoasaya untu' laNagaukang kammaya anjo. LaNapajonjoi limanNa untu' assare hukkungang, siagang tena manna sitau akkulle ampisangkai.

YESAYA 41:27

INakke, Batara, uru angkabarrangi mae ri Sion; iNakke akkiring tau angngerang kabara' baji' mae ri Yerusalem.

DANIEL 4:35

Bansa-bansaya ri lino tena anggaranna. Allata'ala makoasa mae ri malaekaka ri suruga siagang pandudu'na buttaya. Tena manna sitau akkulle ambaliangi ero'Na, tena barani ampakuta'nangngangi apa Nagaukanga.”

PAOLE 32:30

Kemae lakkulle sitau langngondang tau sisa'bu, siagang rua tau langngondang sampulo sa'bu tau? Batara, Allata'alana ke'nanga, le'ba' ambalukangi ke'nanga, nibokoimi ke'nanga ri Allata'ala malompoa.

PAPPICINI' 3:7

“Untu' mae ri malaeka'na jamaah ri Filadelfia, tulisiki kamma anne: Iaminne pappasang battu ri Ia matangkasaka siagang kontutojenga. Iami anta'galaki konci battua ri Daud; punna Nasungkei pakke'buka, tena manna sitau akkulle antongkoki, siagang punna Natongkoki, tena manna sitau akkulle ansungkei.