AYUB 10:9 - KITTA' MATANGKASA'

⁹ Kiu'rangi angkana battu ri butta pi' nakiparekka'! Masa' laKipa'jari limbu'buka' ammotere'?

AYUB 10:9 Iomraidhean Croise

PA'JARIANG 2:7

Nampa angngalle Karaeng Allata'ala sike'de' butta, naNapare' a'jari se're tau, nampa natui' so'bolo' ka'murunna siagang nappasa' assarea katallassang; nattallasa'mo anjo taua.

PA'JARIANG 3:19

Laballasakko anjama siagang lammattiki songo'nu nanampa nia' wassele'na anne buttaya, sa'gennu ammotere' poleang a'jari butta, nasaba' battu ri buttayako nipare'. Battu ri buttayako nipare', na nulammotere' a'jari butta.”

AYUB 10:10

Lanri pangngellainTa nakkulle manggeku ampa'jaria' Kipakalompoa' lalang ri battanna ammakku.

AYUB 17:14

Jerakku kuarengi ‘Manggeku’, na gallang-gallang angkanreai tubuku kusa'buki ‘Ammakku’ siagang ‘Sari'battang baineku.’

AYUB 33:6

Mae ri Allata'ala, ikau siagang inakke tena sisalata battu ri butta pi' ngaseng jaki' nipa'jari.

AYUB 34:15

mate ngasemmi sikontu apa a'nyawaya, na'jari limbu'bu'mo taua ammotere' kamma ri assala'na.

AYUB 4:19

La'bipa apa attallasa' nipareka battu ri butta pi', limbu'buka nipare', akkullea niti'rasa' rapang alitana!

AYUB 7:21

Tenaka naKikkulle ampamopporangi dosaku? Tenaka oloTa ampamopporangi salangku? Sinampe' mami nakunra'bamo lalang ri kuburanga, na punna Kiboya' sallang, tenamo naKigappa'.”

AYUB 7:7

U'rangi, o, Allata'ala, tallasakku poro pa'maikang nappasa'ji; tappelaki kate'neangku, tena sikali bate-batena.

PAMMUJI 103:14

Saba' Naassengi Batara angkana battu ri apaki' nipa'jari, Nau'rangi angkana poro limbu'bu' buttajaki' bawang.

PAMMUJI 104:29

Punna a'gilingKi', mallaki ke'nanga; punna Kialle nappasa'na ke'nanga, possoki, nampa ammotere' a'jari limbu'bu' butta sangkamma riolo.

PAMMUJI 106:4

Kiu'rangia', o, Batara, lanri kabajikanTa mae ri ummatTa, Kitulung tonga' punna Kipasalama' ke'nanga.

PAMMUJI 22:15

Tenamo kagassingangku sanrapang je'ne' tattumpaya, sikontu bukungku sangkamma ta'lappasa' ngasemmi ri lesoanna, assolommi atingku sanrapang liling.

PAMMUJI 25:18

Kiparhatikangi sessaku siagang kasukkarrangku, siagang Kipammopporangi sikontu dosaku.

PAMMUJI 78:39

Nau'rangi angkana anjo ke'nanga poro lamate ngasenji, sanrapang anging numalo tammotera.

PAMMUJI 89:47

Sa'genna siapa salloTa laccokko, o, Batara? Sa'genna siapa sallona la'rinra kamma pepe' kalarroanTa?

PAMMUJI 90:3

Kisuroi rupataua ammotere' mange ri assala'na, a'jari limbu'bu' butta sangkamma riolo.

KATO'BA 12:7

Tubuta lammotereki, a'jari limbu'bu ri buttaya Nappasa' tallasatta lammotereki mae ri Allata'ala. Ia assareki' a'jari passare kalammoranNa.

YESAYA 45:9

Cilakai tau eroka a'gea' siagang Mappa'jarina; rapangi uring butta angngewayai tumappare'na. Maka akkuta'nangi butta pika mae ri papare' uring buttaya, angkana, “Apa antu nupare'?” Maka akkunrarengi anjo uringa angkanaya tena kacara'dekanna anjo tumappare'na?

YESAYA 64:7

Tenanniakka appala' doang mae ri Katte, yareka appala' pannulung battu ri Katte, saba' Kicokkoi rupanTa battu ri kambe, na Kilappassang ikambe nipanraki ri dosana ikambe.

YESAYA 64:8

Mingka iKatte, o Batara, iKatte Manggena ikambe, ikambe butta pi' ji bawang, na iKatte ampareki ikambe; ikambe yangasenna bate pare' limanTa.

YEREMIA 18:6

“He ummakKu, maka latena nakkulle Kugaukang sangkamma anjo apa nagaukanga papare' uringa battu ri butta pi'na? Rapang butta pi' lalang ri limanna papare' uringa, kamma tommako anjo lalang limangKu.

ROMA 9:21

Sai ero'-ero'na todong anjo taua antekamma tanja'na anjo pammantangang bungaya napareka? Battu ri sikangkang butta pi' anjo taua akkullei napare' ruang rupa anjo pammantangang bungaya: se're baji', namaraenganga tena nabaji' dudu.

2 KORINTUS 4:7

Mingka anjo pa'barang-barangang rohani ga'gaya, ikambemi anne angngerangi, iami antu tubu tenaya anggaranna lanri buttaji nipare'. Lanri kammana, ma'nassami angkanaya anjo koasa malompoa niaki ri Allata'ala, jari tena nania' ri kambe.