AYUB 10:21 - KITTA' MATANGKASA'

²¹ Tasalloami ku'lampa na kutammoteramo pole, mange ri pa'rasangang sassang siagang anremeng dudua,

AYUB 10:21 Iomraidhean Croise

2 SAMUEL 12:23

Mingka kamma-kamma anne, lalang matenamo, apa matu-matungku tulusu' appuasa? Maka akkullea' ampattallasa' poleangi? Sallang la'lampa tonga' mae ri anjo tampa' napammantangia, mingka kamma-kamma anne tenamo nalammotere' mae ri nakke.”

2 SAMUEL 14:14

Ikatte lamate ngasengki'; ikatte anne rapangki' je'ne' tattumpaya naung ri buttaya siagang tenaya nakkulle nipasse're ammotere'. Manna Allata'ala tena todong nalaNapattallasa' ammotere' tau mateamo; lanri kammana anjo poro kiusahai laloi karaeng sollanna akkulle ammotere' poleang tau nipelaka.

AYUB 10:22

pa'rasangang makkapu', rassi bayang-bayang siagang karicuang, sangkammayaji singaraka siagang sassanga.”

AYUB 16:22

Tenamo siapa tassesa taung-taung tallasakku; sinampe' mami ku'lampa, kutammoteramo.

AYUB 17:13

Lino kamateang bawang kuminasai, anjoremma' lattinro lalang ri sassang.

AYUB 3:13

Ebara' angkana ammoteramma' anjo wattua, attinroma' siagang ammari-marima' sannang kusa'ring,

AYUB 3:5

Kipa'jari anjo alloa le'leng pakka', sassang makkapu' siagang anremeng; Kikalimbuki siagang saliu' na rammang, Kitongkoki natanatabaya singara'na alloa.

AYUB 34:22

Tena nikana sassang, manna pole antekamma pakka'na, akkulle ancokkoi tau dorakaya.

AYUB 38:17

Niakka tau le'ba' ampicinikiangko pakke'bu' lompoa ri dallekanna lino kamateang sassang makkapuka?

PAMMUJI 23:4

Manna kullalo ri ka'bung sassanga, tena kumalla' ri bahaya, saba' iKatte anrurunganga'. IKatte anjagaia' sanrapang pakalawaki anjagai gimbala'na siagang takkang na palu-palu lompo.

PAMMUJI 39:13

Kipilangngeri pappala' doangku, o, Batara, Kiparhatikangi pappalakku; teaKi' ammantangngi a'mereki punna angngarruka'. Sangkamma sikontu boe-boeku, sinampe'ja' bawang annumpang ri Katte.

PAMMUJI 49:20

lanapinawang tonji boe-boena mae ri tampa' sassanga satunggu-tungguna.

PAMMUJI 88:13

Niakka tau angngassengi gau' appakalannasatTa lalang ri sassanga, yareka kabajikanTa ri pa'rasanganna tau nikaluppaia?

PAMMUJI 88:6

Nibokoia' ri alla'na tau matea, sanrapang tunibuno, anra'ba lalang ri kuburuka, sanrapang tau Kikaluppai duduamo, tenayamo naKitulungi.

KATO'BA 11:8

Paralluko appala' sukkuru' punna katambang umuru'nu. Mingka u'rangi, manna salloko attallasa' ri lino, salloangangi wattunnu ri lino kamateanga. Jari, apapi pole laniminasai? Yangasenna tena matu-matunna siagang sia-siaji bawang.

KATO'BA 9:10

Jamai sikontu tugasa'nu sipagassing-gassinnu. Saba' tenamo sallang pikkirang yareka jama-jamang. Tenamo pangngassengang yareka kacara'dekang ri linona tau matea. Na iami anjo lanumangei.

YESAYA 38:11

Kukana, talakucinikami Batara ri linoa anne, yareka accini' tau ri anne linoa.

YEREMIA 2:6

Tenamo najampangiA'; iNakke, le'baka angngului ke'nanga ri aganga, siagang angngerangi ke'nanga assulu' battu ri Mesir allalo ri parang kassika, daera roso' a'lekko-lekkoa, butta kalotoro' siagang jaia bahayana – parang tenaya nanipammantangngi siagang tenaya nanipanumaloi!