AYUB 10:12 - KITTA' MATANGKASA'

¹² Kisarea' katallassang; Kikamaseanga', Kijagai nyawaku lalang pammarakainTa.

AYUB 10:12 Iomraidhean Croise

PA'JARIANG 19:19

Memang, sanna'mi bateta antulunga' siagang kipasalama'mi nyawaku Karaeng. Mingka anjo monconga teai sipato' bellana. Gassingka narapikanga' anjo balaya nakumatemo lalang tenanapa kunrapi' mange anjoreng.

AYUB 10:11

Kipareki tubuku a'jari buku-buku siagang ura'-ura'; Kisarei bukungku dageng nampa Kiroko' bukkuleng.

AYUB 33:4

RohNa Allata'ala ampa'jaria' siagang assarea' tallasa'.

MATIUS 6:25

Lanri kammana, u'rangi laloi anne; teako ranggaselai ri passala'na katallassannu. Angkanaya apa lanukanre siagang apa lanuinung, kammayatompa apa lanupake ri batangkalennu. Sai la'bi paralluangangi anjo tallasaka naanjo kanrea? Siagang anjo batangkalea naanjo care-carea?

LAMPA-LAMPANA 17:25

Tena todong Naparallu ri pannulunna rupataua, nasaba' Iami assarei katallassang siagang nyawa, kammayatompa assarei sikontu apa-apa rupataua!

LAMPA-LAMPANA 17:28

Kamma biasaya napau taua angkana, ‘Akkulleki' nia', attallasa', siagang a'gio' ri anne linoa lanri kakoasanNa Allata'ala.’ Sangkamma tonji siagang apa napaua tu cara'de'nu, angkanaya, ‘Ikatte ngaseng, ana'-ana'Naki' Allata'ala.’