AYUB 1:5 - KITTA' MATANGKASA'

⁵ Punna le'ba' anjo massing pa'gaukanga, tuli ambangung bari'basaki Ayub nampa assare koro'bang untu' tungga'-tunggala' ana'na sollanna nipammopporang ke'nanga ri Batara. Saba' nakana pikkiranna Ayub, gassingka dorakami anjo ana'-ana'na siagang nahinai Allata'ala natanaassenga kalenna.

AYUB 1:5 Iomraidhean Croise

PA'JARIANG 22:3

Ammukona bari'basa', ammisa'-misa'mi kayu Abraham untu' lanapake angngerang koro'bang nampa nasikko' anjo kayua irate ri dongko'na keledaina. A'lampami siagang Ishak kammayatompa rua surona mange ri tampa' Napaua Allata'ala ri ia.

PA'JARIANG 6:5

Naciniki Batara antekamma ja'dala'na sikamma rupataua ri lino. Tuli ja'dala'na ngaseng pikkiranna ke'nanga.

PA'JARIANG 8:20

Appaentemmi Nuh se're tampa' pakkoro'bangngang ri Batara. Nampa angngallemi tassikayu-kayunna massing tassirupaya jangang-jangang siagang olo'-olo' maraengannaya ia hallalaka, nampa napassareang a'jari koro'bang nitunua irate ri anjo tampa' pakkoro'bangnganga.

1 KARAENG-KARAENG 18:31

Angngallei sampulo anrua batu. Massing tasse'rea batu nawakkeli kalase'renna sampuloa anrua suku turunganna Yakub, iamintu tu nisarea areng Israel ri Batara.

1 KARAENG-KARAENG 21:10

Suroi rua tau ja'dala' andallekangi siagang natudui angkanaya le'baki natunrai Allata'ala siagang karaenga. Nampa erangi assulu' ri pantaranganna kotaya, siagang sambilai batu sa'genna mate!”

1 KARAENG-KARAENG 21:13

Nia'mo rua pajaba' ammempo assidallekang siagang Nabot. Na ri dallekanna tujaia nitudumi angkanaya natunrai Allata'ala siagang karaenga. Lanri kammana anjo nierammi assulu' ri pantaranganna kotaya nampa nisambila batu sa'genna mate.

NEHEMIA 12:30

Sikamma anjo imanga siagang tu Lewia appareki upacara mannangkasi kale, nampa mae ri ra'yaka, mae ri sikamma pakke'bu' lompoa siagang anjo tembo' kalli'na kotaya.

AYUB 1:11

Mingka ebara' angkana Kialle ngasengi anjo sikontu kakalumanynyanganna mattantu lanatunrai memang maKi' lalang silalonna.”

AYUB 1:4

Anjo lapung tujua ana' bura'nena napa'biasai a'le'ba'-le'basa' massing appare' pa'gaukang ri balla'na. Na naundang todong anjo tallua ana' bainena Ayub mae ri anjo pa'gaukanga. Nampa assama ke'nanga angnganre siagang angnginung-nginung ngaseng.

AYUB 2:9

Nakanamo bainenna mae ri ia, “Antekamma batenu tuli lajarre' ija tappa'nu mae ri Allata'ala? Tunrai lalomi, nunampa mate!”

AYUB 27:10

Mustina nakkuki ri kassannangang battua ri Allata'ala, siagang tena mangnganna appala' doang mae ri Ia.

AYUB 41:25

Punna ammentengi, manna tau kaminang gassinga tappela' ngaseng kabaranianna, a'jari tenamo dayana lanri sanna' malla'na.

AYUB 42:8

Jari, angngalleko kamma-kamma anne tuju kayunna sapi laki siagang tuju kayunna bembe laki, nampa a'lampako mange ri Ayub. Passareang ngasengi anjo sikammaya, a'jari koro'bang untu' kalennu. Lappala' doangi Ayub untu' ikau ngaseng, nampa laKupilangngeri pappala' doanna. Tena nalaKupakasirikko, manna nusiratang annarima hukkungang. Teai kammatojenga nupau ri passala'na KalengKu, mingka Ayub napaui kammatojenga.”

AYUB 6:14

Lalang ri pa'risi' kammaya anne, kuminasai sahaba' sitojennaya. Apaka tuli jarre' iji tappakku yareka kubawang-bawangngammi Kaminang Koasaya.

AYUB 8:4

Gassingka ana'-ana'nu doraka mae ri Ia, jari siratangi nihukkung ke'nanga ri Ia.

PAMMUJI 5:3

Kijampangi pakkiokku na Kitulunga', o Karaengku siagang Allata'alaku.

KALAPPASSANG 18:12

Nampa angngerang Yitro siapa are koro'bang nitunu siagang koro'bang nipolong, a'jari passare mae ri Allata'ala. Battumi Harun siagang sikontu pamimpinna bansa Israel na sipangnganreang siagang Yitro lalang kahaderanNa Allata'ala.

KALAPPASSANG 19:10

Kamma-kamma anne buntulimi ke'nanga, siagang suromi ke'nanga anne alloa siagang ammuko ampasadiai kalenna untu' anggaukangi ibadana. Musti nasassai pakeanna ke'nanga.

KALAPPASSANG 24:5

Nampa nasuro Musa siapa are tau rungka, siagang assaremi ke'nanga koro'bang nitunu untu' Batara; kammayatompa ammolommi ke'nanga siapa are sapi untu' a'jari koro'bang passiamakkang.

KATO'BA 9:10

Jamai sikontu tugasa'nu sipagassing-gassinnu. Saba' tenamo sallang pikkirang yareka jama-jamang. Tenamo pangngassengang yareka kacara'dekang ri linona tau matea. Na iami anjo lanumangei.

YEREMIA 4:14

Yerusalem, pelaki kaja'dallanga battu ri atinnu sollannu nipasalama'. Siapapi sallona anjo pikkirang-pikkirang ja'dalaka lanuboli' ri atinnu?

YEHEZKIEL 14:14

Manna pole nania' Nuh, Danel siagang Ayub ammantang anjoreng ri tampaka, anjo kabajikanna tau tallua poro nyawa kalenna tonji ke'nanga lasalama'. INakke, Batara Kaminang Tinggia anne akkana.

LUKAS 1:75

kitamalla'-mallaka, kituli anynyomba ri Ia, ampakasannangi atinNa lalang sikontu tallasatta.

LUKAS 18:7

Jari, maka tena naNasarei Allata'ala ammeta lalang ri kara-karana umma'Na, punna allo bangngi appala' tulung umma'Na?

YOHANES 11:55

Anjo wattua a'birimmi narapi' allo passua'-suarranna Allo Lompo Paskana tu Yahudia. Jaimi tau battu ri desa-desaya a'lampa mange ri Yerusalem ero' anggaukang pannangkasi kalea, ri tenanapa narapiki anjo allo passua'-suarranga.

LAMPA-LAMPANA 21:26

Jari a'lampami Paulus siagang anjo appaka tau. Ammukona, appare'mi acara ke'nanga sollanna akkulle massing natangkasi ngaseng kalenna ke'nanga. Le'baki anjo antama'mi ke'nanga ri Balla'Na Batara ero' ampaui angkanaya pirangallopi nampa le'ba' anjo acara pannangkasi kalea. Kammayatompa angngerammi ke'nanga koro'bang, eroka massing napassareang ke'nanga.

LAMPA-LAMPANA 8:22

Lanri kammana, bokoimi anjo pikkirang ja'dala'nu, nampa nupala' ri Batara sollanna Napammopporangi anjo pikkirang ja'dala'nu.

1 KORINTUS 4:5

Lanri kammana, nasaba' tenapa narapiki wattunna, teako akkaro-karo dudui ampattantui angkanaya salai yareka tena nasala se'rea tau. Tayangi sa'genna battu sallang Batara. Iami lassungke ngasengi sikontu rahasia taccokkoa lalang ri sassanga. Iami lampakacinikang ngasengi sikontu apa le'baka narancana lalang ri massing atinna taua. Iapi anjo wattua nampa massing lannarima taua pujiang siratannaya battu ri Allata'ala.

2 KORINTUS 11:2

Nakkuka' mae ri kau ngaseng, sangkamma KalenNa Allata'ala nakku' tongi mae ri kau ngaseng. Sanrapangko se're tulolo, le'bakamo kujanji lakupa'nikka siagang sitau bura'ne, iamintu Almasi.

EFESUS 6:18

Gaukang ngasemmi anjo kammaya, nanuappala' doang siagang appala' tulung mae ri Allata'ala. Ri sikamma kasampatang niaka, appala' doangko situru' panrurunganNa RohNa Allata'ala mae ri kau. Paralluko tuli jaga-jaga, siagang teako eroki ampappibetangi kalennu. Tuli pappala' doangangi sikontu Umma'Na Allata'ala.

1 SAMUEL 16:5

Appialimi Samuel angkana, “Iyo kammatojengi. Battua' mae untu' assare koro'bang mae ri Batara. Jari tangkasi ngasengi kalennu sollannu akkulle amminawang ri anjo pa'gaukang koro'banga.” Isai siagang ana'-ana'na nasuro ngaseng tommi massing antangkasi kalenna, siagang naundang mange ri anjo pa'gaukanga.