AYUB 1:21 - KITTA' MATANGKASA'

²¹ “Nilassukkanga' natena apa-apangku, siagang punna matea' tena todong apa-apangku. Batara assarea' nampa Batara todong angngallei ammotere'. Nipujimi arenNa!”

AYUB 1:21 Iomraidhean Croise

PA'JARIANG 3:19

Laballasakko anjama siagang lammattiki songo'nu nanampa nia' wassele'na anne buttaya, sa'gennu ammotere' poleang a'jari butta, nasaba' battu ri buttayako nipare'. Battu ri buttayako nipare', na nulammotere' a'jari butta.”

PA'JARIANG 30:2

Larromi Yakub ri Rahel na nakana, “Inakke anne teaiya' Allata'ala. Iami ampa'jariko tanggappaya ana'.”

PA'JARIANG 45:5

Teako mallakki siagang teako sassali kalennu ngaseng, lanri le'bakku nubalukang. Sikontutojenna KalenNa Allata'ala angngeranga' mae anrinni, a'jappa riolo untu' ampasalamaki tau jaia.

2 SAMUEL 16:12

Gassingka Naparhatikangi Batara anne kapa'risanga nampa Nabarakkakia' salaku sambenna anjo pattunraia.”

1 KARAENG-KARAENG 12:15

Tena najampangi pappala'na ra'yaka. Mingka anjo memang ero'Na Batara. Apa le'baka Napau Batara tete ri Na'bi Ahia battu ri Silo ri passala'na Yerobeam ana'na Nebat, musti kajariangi.

2 KARAENG-KARAENG 20:19

Appialimi Karaeng Hizkia angkana, “Baji' tongi anjo pasanNa Batara nupabattua mae ri nakke.” Appiali kammai anjo lanri nakana pikkiranna: “Assala' tulusu' sannangi siagang amangi kakaraengangku lalang attallasakku.”

NEHEMIA 9:5

Passambayanganga anjo alloa napakaramulai tu Lewi, iamintu: Yesua, Kadmiel, Bani, Hasabneya, Serebya, Hodia, Sebanya, siagang Petahya. Nakana ke'nanga, “Ammentengko nampa nipuji Karaeng Allata'alata! Mammujiko mae ri Ia sa'genna satunggu-tungguna! Nipujimi arenNa sukkuka ri kala'birang, hebaki arenNa, la'biangngangi nasikontu pammujia!”

AYUB 1:11

Mingka ebara' angkana Kialle ngasengi anjo sikontu kakalumanynyanganna mattantu lanatunrai memang maKi' lalang silalonna.”

AYUB 2:10

Appialimi Ayub angkana, “Sangkammako tau dongoka a'bicara! Masa' bajikaji bawang ero' nitarima battu ri Allata'ala, nampa kodia lanitollaki?” Jari, manna pole nanituju Ayub ri sikontu anjo balaya, mingka tena nappasulu' kana-kana ambaliangi Allata'ala.

AYUB 9:12

Punna anrampasaki, inai barani ampisangkai? Yareka barani akkuta'nang angkana, ‘He, apa Nupare'?’

PAMMUJI 34:1

Pammujina Daud, ri wattunna assara-sarai tasilolongang pikkiranna ri dallekanna Abimelekh, sa'genna nibongka a'lampa.

PAMMUJI 34:2

Erokka' appala' sukkuru' ri Batara lalang sikontu wattua, tena ammariku mammuji-muji mae ri Ia.

PAMMUJI 39:9

Kilappassang laloa' battu ri sikontu dosaku, TeaKi' balang parekangia' nicau-cau ri tau dongoka.

PAMMUJI 49:17

Teako mallakki punna nia' tau a'jari kalumanynyang, na pila' katambang pa'barang-baranganna.

KATO'BA 12:7

Tubuta lammotereki, a'jari limbu'bu ri buttaya Nappasa' tallasatta lammotereki mae ri Allata'ala. Ia assareki' a'jari passare kalammoranNa.

KATO'BA 5:14

Ri wattunta nilassukang assolarakki'; kamma tomminjo punna nibokoi linoa anne, tena apa-apa battu ri wassele' posota nierang.

KATO'BA 5:15

Anjo kammaya teai sipato' appakasi'nana! A'lampaki' sangkamma ri wattunta battu. Nimangngangngi kalenta untu' angngondang anging, nampa apa wassele'na?

KATO'BA 5:19

Nabonei Allata'ala sa'genna rassi pa'mai'na taua anjo siagang karannuang; jari tena nalussa' annawa-nawai ri passala' sinampe'naja anne tallasaka.

YESAYA 24:15

na tau niaka ri bageang iraya lamammuji mae ri Ia. Pandudu' niaka ri biring tamparanga lanapakala'biriki Batara, Allata'alana Israel.

YESAYA 42:24

Inai ampassareangi Israel untu' nirampasa'? Sai KalenNa tonji Batara? Ri Ia maki' doraka, tena nittallasa' situru' parentaNa, siagang tena nimannuruki ri ajaranNa.

YESAYA 45:7

INakke ampa'jari singaraka siagang sassanga, iNakke ampabattui barakkaka siagang balaya. INakkemi Batara anggaukang ngasengi anjo sikammaya.

PIRAUNG 3:38

Anjo bajika siagang ja'dalaka nigaukangi lanri parentaNa bawang Batara.

AMOS 3:6

Maka latena nannekkere' tau ri kotaya punna nalangngere' sa'ra tarompe' tanra pa'bundukanga? Maka akkullei natuju bala se'rea kota, punna tena Napabattui Batara?

MATIUS 20:15

Apa takkullea' angngatoroki pa'barang-barangangku situru' apa nakaerokia nyawaku? Yareka assereatiko lanri lammoro' pa'maikka'?’ ”

LAMPA-LAMPANA 4:28

Asse'remi ke'nanga ero' a'gau' sangka' rupa, situru' apa le'baka Kipattantu angkanaya lakajariang memangi anjo kammaya. Na lanri koasa KalenTa siagang ero' KalenTa naKipattantu anjo apa lakajarianga.

EFESUS 5:20

Lalang ri apa-apa mamo, paralluko tuli appala' sukkuru' mae ri Allata'ala Manggea, lalang arenNa Isa Almasi, Batarata.

1 TESALONIKA 5:18

Lalang yangasenna katallassannu paralluko tuli appala' sukkuru'; nasaba' iaminjo Nakaerokanga Allata'ala mae ri kau salaku tau ampakase'reai katallassanna siagang Isa Almasi.

1 TIMOTIUS 6:7

Nasaba' tena sikali apa-apa nierang antama' ri anne linoa. Kammayatompa tena sikali todong apa-apa akkulle nierang punna nibokoi anne linoa!

YAKOBUS 1:17

Sikontu passare bajika siagang hadia sukkuka, sangnging battu ngaseng ri suruga, nipaturunga ri Allata'ala, ampa'jariai sikontu apa-apa singaraka ri langika. Iami Allata'ala tamamminraya, tenaya Nammoli' bayang-bayang lanri pamminroanna apa-apaya.

YAKOBUS 5:11

Nigallara'mi ke'nanga tau sunggu, lanri sa'bara'na ke'nanga. Nulangngere' tommi kasa'barranna Ayub, siagang nuasseng tommi antekamma batena nibarakkaki ri Batara, ri kale'bakkanna. Nasaba' teai sipato' baji' pa'mai'Na siagang lompo pangngamaseanNa Batara.

RUT 1:21

Ri wattungku a'lampa anrinni anggannaki katallassangku, mingka kamma-kamma anne Naeranga' Batara ammotere' tena apa-apangku. Jari tea' mako arengia' pole Naomi, nasaba' le'ba'ma' Nahukkung Batara Kaminang Koasaya siagang jai kapa'risang!”

1 SAMUEL 2:7

Nia' tau Napa'jari kasi-asi dudu, nia' todong Napa'jari kalumanynyang. Nia' tau Napakatuna, nia' todong Napakatinggi.

1 SAMUEL 2:8

Battu ri pa'risi' Naangka' tu tenaya apa-apanna, battu ri sessa Nalappassang tu tunaya. Nipa'jari ke'nanga aganna tu mala'birika, na Nasare empoang kalompoang. Pa'lapara'na buttaya Batara pata, irateanganna Nabangung linoa.

1 SAMUEL 3:18

Nampa napau ngasemmo Samuel mae ri Eli. Tena manna se're nacokkoi. Nampa nakanamo Eli, “Iami Batara, boli'mi kamma Nagaukang apa Nakanaya baji'.”