AMOS 9:1 - KITTA' MATANGKASA'

¹ Kuciniki Batara ammenteng ri ampi'na tampa' pakkoro'bangnganga. Napassareangi anne parenta kammaya, “Tunrung sarringi sikamma ulu bentenga ri BallakKu sollanna ta'goccang kabusu' pattiro-tiroanga. Rumbang kabusuki anjo sikamma benteng mae ri tuju ulunna taua. Tenaya namate laKubunoi lalang ri pa'bundukanga. Tena manna sitau lakkulle lari yareka ta'lappasa'.

AMOS 9:1 Iomraidhean Croise

2 PATTOTTORANG 18:18

Nakanamo pole Mikha, “Kamma-kamma anne pilangngeri apa Napaua Batara! Kuciniki Batara ammempo irate ri empoang kala'biranNa ri suruga, nampa sikontu malaekaka niaki ammenteng ri ampi'Na.

PAMMUJI 68:21

Allata'alata Iamintu Batara Mappasalamaka, Ia allappassangki' battu ri kamateanga.

PAMMUJI 68:22

Mattantu laNalicaki Allata'ala ulunna musunNa, sikamma tau tulusu' attallasaka lalang dosa.

YESAYA 30:16

Ba'lalo apparekko rancana ero' lari battu ri musua a'dongko' jarang gassinga larina. Baji'mi! Memang musti lariko sinampe'! Nupikkiriki angkana gassingi larina anjo jarannu, mingka sitojenna gassingangngangi larina tau angngondangiako.

YESAYA 6:1

Ri taung kamateanna Karaeng Uzia, kuciniki Batara. Ammempoi rate ri empoang kala'biranNa, irate tampa' tinggia siagang mala'birika. JubaNa natongkoki sikontu Balla'Na Batara ri Yerusalem.

YEREMIA 11:11

Lanri kammana anjo, iNakke, Batara, Kupappakaingakkangi angkanaya lappaturungA' bala mae ri ke'nanga, siagang takkulleai ke'nanga alliliangi. Punna akkio' ke'nanga appala' tulung ri Nakke, teA' ampilangngeri.

YEREMIA 42:16

“Anjo pa'bundukang siagang kacipurang nukamallakkanga lanaondangko sa'gennu mange ri Mesir, siagang lamateko anjoreng ri pa'rasanganga.

YEREMIA 48:44

Tau laria battu ri tau lammunoa, latu'guruki antama' ri kali'bonga, siagang tau akkullea assulu' battu ri kali'bonga laniallei ri sikko'. Yangasenna anjo kammaya lakajariangi ri wattu le'baka Kupattantu untu' angngancuruki Moab.

YEHEZKIEL 1:28

a'rupa-rupa cura'na sangkamma tarawe. Iaminjo singara' accaya, ampa'nyatayai kahaderanNa Batara. Kucini'na anjo sikammaya, tu'guru'ma' attinompang, a'dalle' naung ri buttaya. Nampa nia'mo sa'ra kulangngere' angkana,

YEHEZKIEL 10:4

Caya accilla', iamintu pammatei kahaderanNa Batara, tassioroki battu ri anjo sikamma malaeka' akka'nyika siagang a'letteki mange ri pakke'bu' antamaya ri Balla'Na Batara, sa'genna a'jari singara' sikali paranglakkenna.

YEHEZKIEL 15:7

LaKuhukkungi ke'nanga. Manna pole ta'lappasa'mi ke'nanga battu ri pepeka, mingka ia tonji anjo pepeka lampanraki ke'nanga. Na Naassemmo ke'nanga angkanaya iNakke Batara.

YEHEZKIEL 9:2

Appada-padami ammumba annang tau battu ri pantaranganna pakke'bu' lompo bageang wara'na Balla'Na Batara, massing angngerang sanjata. Nia' naagang ke'nanga tau ammakeang lenang angngerang pakkakasa' untu' annulisi'. Antamai ke'nanga siagang ammentengi ri ampi'na tampa' pakkoro'bangngang tambagaya.

AMOS 3:14

Ri allo Kuhukkunna tu Israel lanri dosana, laKuputtai tampa'-tampa' pakkoro'bangnganga ri Betel. Tunggala' tampa' pakkoro'bangnganga lanitepoki cappa'-cappa'na sa'genna tu'guru' naung ri buttaya.

AMOS 7:17

Nakana Batara angkanaya la'jari pasundalaki bainennu ri agang-agang kotaya, siagang sikamma ana'nu lanibunoi lalang pa'bundukang. Buttanu lanipa'bage-bageangi mae ri tau maraenga, nampa ikau kalennu lamateko ri pa'rasanganna tau tenaya natappa' ri Batara. Pandudu'na Israel ma'nassa laniengkaki mange ri pammelakkanga, bella battu ri pa'rasangang kalenna.”

AMOS 7:9

Tampa'-tampa' napakea jari-jarina Ishak untu' anynyomba laniancuruki. Tampa'-tampa' matangkasa'na tu Israel laniruntungi. LaKuputtai jari-jarina Yerobeam.”

HABAKUK 3:13

A'dakkaKi' maju untu' allappassangi ummatTa siagang untu' ampasalamaki karaeng nipileTa. Kitunrung sa'genna tu'guru' pamimpinna tau dorakaya, Kibarrasa' sa'genna la'busu' sikontu tau amminawanga ri ia.

ZEFANYA 1:12

Anjo wattua langngalleA' sulo, na Kuparessa kota Yerusalem. LaKuhukkungi pandudu'na tamanjampangia siagang nakanaya ganna'mi ri kalenna, siagang appikkirika angkanaya iNakke anne, Batara, tale'baKa' angngalle tindakang kamma anne yareka kamma anjo.

ZEFANYA 2:14

Anjorengi sikontu rupanna olo'-oloka lattinro siagang ammari-mari. La'ru'mungi kokocika ri anjo bangunang panraka siagang lakkio'-kioki battu ri jandela-jandelaya. Jangang-jangang kalaaka lakkao'-kaoki ri dallekang ballaka. Sikamma kayu camaraya ri bangunang-bangunanna anjo kotaya lala'busuki nialle.

YOHANES 1:18

Tenanniakka le'ba' anciniki Allata'ala, pantaranganna Ana' sitau-tauNa Manggea, sangkammaya siagang Manggea, na majarreka ri KalenNa. Iami ampa'nyatai Manggea ri Katte.

YOHANES 1:32

Napabattu tommi Yohanes anne kasa'bianga angkana, “Kuciniki RohNa Allata'ala manurung battu rate ri langika, sangkamma jangang-jangang bodobangkeng, battu ammantang irate ri Ia.

LAMPA-LAMPANA 26:13

Na ri wattungku ri tangngana aganga, Karaeng Tunipakala'birika, kira-kira ri attangngana alloa, nia'mo kucini' singara' battu rate ri langika, singaranganga cayana namatanna alloa. Accayami anjo singaraka angkulilingia' siagang sikamma anjo tau kuaganga a'rurung.

YOSUA 10:18

Nakanamo Yosua, “Gulungi anne batu-batu lompoa mange ri bawana anjo kali'bong batua, siagang suroi tantaraya a'jaga anjoreng,

PAPPICINI' 1:17

Ri wattunna kucini', su'ju'ma' naung ri dallekanNa sangkamma tau matea. Mingka Napadongko'mi lima kananNa ri kalengku nampa Nakana mae ri nakke, “Teako mallakki! INakkemi uru-urua siagang iNakkemi kala'busanga.

PAPPICINI' 8:3

Nia'mo sitau malaeka' maraengang, battu ammenteng ri dallekanna tampa' pakkoro'banganga; angngerangi se're pa'dupang bulaeng. Sanna' jaina kamanynyang nisareangi untu' lanapanaung ri pappala' doanganna sikontu umma'Na Allata'ala, siagang untu' lanipassareanga ri tampa' pakkoro'bangngang bulaenga nipare' ri dallekanna empoang kala'biranga.