AMOS 7:4 - KITTA' MATANGKASA'

⁴ Anggappa' se're paccini' pole battu ri Batara Kaminang Tinggia. Kuciniki sadia-sadia untu' anghukkungi umma'Na siagang pepe'. Anjo pepeka nalepaki tamparanga sa'genna la'busu' irawa ri buttaya siagang appakkaramulami napammutung kokoa.

AMOS 7:4 Iomraidhean Croise

YESAYA 27:4

Tenamo naKularro. Ebara' angkana nia' ruku' yareka rompo' katinting, laKupa'lanynyaki, laKutunui sa'genna cappu' ngaseng.

YEREMIA 4:4

Ta'gala' jarreki janjinnu siagang iNakke, Batara, siagang sa'laki kalennu untu' iNakke, he pandudu' Yehuda siagang Yerusalem. Punna tena, lallumpai larroKu siagang la'rinrai rapang pepe' tenaya nakkulle nibuno manna pole ri nai. Yangasenna anjo kammaya lanatujuko lanri panggaukang-panggaukang ja'dala'nu.”

YEHEZKIEL 21:3

angkanaya iNakke, Batara, akkana kamma anne, ‘INakke anne musunnu. LaKubi'buki pa'dangKu nampa Kubuno ngasengko, tau ja'dalaka siagang tau bajika.

YO"EL 1:19

Appala' tulunga' ri Katte, o Batara lanri sikamma parang rukuka ammutung ngasemmi na kalotoro' poko'-pokoka kalotoro' tommi na mate kontui nakanrea pepe'.

YO"EL 2:30

Jai gau' malompo laKugaukang ri langika siagang ri buttaya. Lania' cera' assolong, pepe' a'rinra siagang umbu a'gompo.

KAIMANGNGANG 10:2

Jari Napabattumi Batara pepeka antunui ke'nanga sa'genna mate ri KemaNa Batara.

AMOS 1:4

lanri kammana anjo lakkiringA' pepe' mange ri balla' karaenna Karaeng Hazael, siagang laKutunui sa'genna putta sikamma pattahanganna Karaeng Benhadad.

AMOS 1:7

Lanri kammana anjo lakkiringA' pepe' mae ri tembo'-tembo'na Gaza, siagang Kutunu sa'genna cappu' sikamma pattahanganna.

AMOS 2:5

Lanri kammana anjo, lakkiringA' pepe' mange ri Yehuda siagang Kutunu sa'genna cappu' sikamma pattahanganna Yerusalem.”

AMOS 4:11

Sipa'gang battu ri kau laKupanrakiko sangkamma Kupanrakinna kota Sodom siagang Gomora. Ia niaka ija attallasa' battu ri kau rapangi cappa' kayu tunuang niallea battu ri pepeka. Mingka manna nakamma tena tongijapa nummotere' mae ri Nakke.

AMOS 5:6

Ammotere' mako mae ri Batara, na nulattallasa'. Punna tammoterako mae ri Ia, labattui kontu pepe' a'le'lereka siagang antunui sa'genna cappu' sikontu tu Israel. Ri Betel tena manna sitau akkulle ambunoi anjo pepeka.

AMOS 7:1

Anggappa' se're paccini' battu ri Batara Kaminang Tinggia. Kuciniki appare' sanna' jaina katimbang ri wattu le'ba'na taua ampangngalleangi ruku' karaenga, siagang appakkaramula attimbo poleang ruku' berua.

AMOS 7:7

Anggappa' pole se're paccini' maraeng battu ri Batara. Kuciniki ammenteng ri sa'rinna se'reang tembo' nibangunga siagang ammake otere' pa'ladung lambusu' battu irate naung. Nata'galaki ri limanNa anjo otere' ladunga untu' anciniki apaka anjo temboka ammenteng lambusuki yareka tena.

MIKHA 1:4

Assolongi sikamma buluka irawa ri pala' bangkenNa kontui liling lalang pepe' a'rinraya; la'boroki buttana antama ri ka'bung-ka'bunga, rapang je'ne' irate bulu' a'lo'loro' naung.

NAHUM 1:6

Inai akkulle attahang punna larro Batara? Inai akkulle ta'lappasa' battu ri pangngalarroinNa? Napa'betteseki larroNa a'rinraya ancuruki batua a'jari limbu'bu' ri dallekanNa.

PAMMILANGNGANG 16:35

Nampa appabattumo pepe' Batara na nakanre sa'genna ammutung anjo 250 tau assarea dupa.

PAOLE 32:22

A'rinrai larroKu rapang pepe' ampakamutungi sikamma apa niaka mattompo' butta; a'le'lereki pepeka sa'genna sirinna langika, antunui monconga sa'genna aka'-aka'na.

IBRANI 1:7

Ri sesena sikontu malaekaka, akkana kammai anne Allata'ala, “Napa'jari kammai anging malaeka'-malaeka'Na Allata'ala, siagang Napa'jari kammai pepe' palayang-palayanNa.”

PAPPICINI' 4:1

Le'baki anjo anggappama' pole paccini'. Accinikka' se're pakke'bu' tassungke ri suruga. Nampa kulangngere'mo pole anjo sa'ra le'baka kulangngere' a'bicara mae ri nakke, sangkammaya tarompe' sa'ranna. Nakana anjo sa'raya, “Naikko mae anrinni. Erokko Kupicinikiang apa lakajarianga sallang.”