AMOS 5:2 - KITTA' MATANGKASA'

² Tu'guru'mi Israel anjo tuloloa ija, talambangungami ammotere'! Irate ri butta kalenna nibalang parekang, tena ambantui ammenteng nai'.

AMOS 5:2 Iomraidhean Croise

2 KARAENG-KARAENG 15:29

Ri wattu ammarentana Pekah, naallei karaeng Asyur iamintu niarenga Tiglat-Pileser kota-kota Iyon, Abel-Bet-Maakha, Yanoah, Kedes, Hazor, daera Gilead, Galilea siagang Naftali. Pandudu'na niengkaki mange ri Asyur a'jari tunitahang.

2 KARAENG-KARAENG 17:16

Nadakkai kabusuki sikamma hukkunNa Batara, Allata'alana ke'nanga siagang appareki ke'nanga ruang kayu sapi tambaga untu' nasomba. Appareki ke'nanga patung Dewi Asyera, anynyombai bintoeng siagang mae ri Rewata Baal.

YESAYA 14:21

Lanipakaramulami pammunoanga! Ana'-ana' bura'nenu lamatei lanri dosana boe-boena ke'nanga. Tena manna sitau battu ri ke'nanga lammarenta ri lino yareka ambangung kota-kota.”

YESAYA 24:20

Bundala'na linoa lata'royong-royongi rapang tau nasa'ring, ta'ge'goso' rapang balla' kepo lalang ri anging lompoa. Laruntungi buttaya lanri battala'na dosana. Ancuruki siagang takkuleai ambangung ammotere'.

YESAYA 3:8

Tojeng, tu'guru'mi Yerusalem! Runtummi Yehuda! Saba' sikontu kana-kananna siagang panggaukanna naewai Batara siagang nabaliangi kakoasanNa.

YESAYA 37:22

Nakana Batara, “Lanakakkaliko siagang lanacau-cauko kota Yerusalem, ikau Sanherib!

YESAYA 43:17

Nasuroi tantaraya siagang sikamma perwirana a'bundu', na maju ke'nanga siagang kareta nirenreng ri jarang. Mingka tu'guruki ke'nanga, takkuleami ambangung poleang, matemi ke'nanga rapang sulo mateamo rinrana.

YEREMIA 14:17

Nasuroa' Batara ampauangi si'naku mae ri umma'Na. Musti akkana' kamma anne, “Boli'ma' tenammariku angngarru', allo bangngi ammatti' je'ne' matangku. Nasaba' loko' sanna'mi bansaku siagang teai sipato' sessana

YEREMIA 18:13

Nakana Batara, “Pakkuta'nangngangi mae ri tunggala' bansaya, angkanaya apaka le'baki kajariang passala' kammaya anne? Le'ba'mi nagaukang umma' Israel apa appakaringi'-ringika!

YEREMIA 2:27

Lanipakasirikko, lanri sipolong kayu nukio' bapa' siagang se're batu nukio' amma'. Tena nubattu mae ri Nakke, passangalinna nubokoiA'. Mingka punna battu kasukkaranga, nampami iNakke nukio' untu' battu ampasalamakko.

YEREMIA 31:4

Bansanu laKupa'jari porei sangkamma riolo. Sikalipi pole langngalleko rabana, siagang a'jogekko napakamma rannu.

YEREMIA 4:20

Ma'mole-molei battu balaya angngancuruki sikontu pa'rasanganga. Ti'ring nipanraki kemaku, nikae-kaei kaenna.

YEREMIA 50:32

Anjo bansanu tinggi langgaya latatto'roi na tu'guru'. Tena manna sitau lantulungko ampabangungko. Kota-kotanu laKutunui, siagang sikontu apa niaka ri tammulilina laKuancuruki.”

YEREMIA 51:64

nampa nukana, ‘Kammaminne lakajarianga mae ri Babel. Anne pa'rasanganga latallangi siagang talammumbayami ammotere' lanri bala Napabattua Batara mae ri ia.’ ” Sa'genna anrinni kana-kananna Yeremia.

YEREMIA 8:4

Nasuroa' Batara ampaui anne kammaya mae ri umma'Na, “Punna tu'guru' taua, tantu lambangungi nai' ammotere', siagang punna sala oloangi taua, tantu lammotereki mae ri oloang annabaya.

YEREMIA 9:21

Antama'mi kamateanga ri tontonganga, annarrusu' antama' ri balla' karaenga; nabakkai ana'-anaka ri aganga kammayatompa turungkaya ri paranga.

YEREMIA 9:9

Antekamma anjo bansa kammaya taKupitujui hukkungang siratanga? LaKubalasaki panggaukanna ke'nanga; iNakke, Batara, anne akkana!”

PIRAUNG 2:13

O Yerusalem, Kota Sion ningaiku, rapangi tamparang lompoa sanna'na runtunnu. Apami kutadeng lakukana untu' assareko panynyaleori? Nasaba', tena niakkapa tau ballasa' sangkamma ikau. Sitojeng-tojenna tenamo tau akkulle assareko kabajikang.

HOSEA 14:1

Samaria musti nihukkungi lanri angngewana ri Nakke. Lamatei ra'ya'na lalang pa'bundukanga; ana'-ana' lolona lanilissaraki, siagang bai'-baine tiananga lanipuei battanna.”

HOSEA 6:2

Lalang anne rua yareka tallungalloa laNapa'jari bajikki' ammotere', nakilattallasa'mo ammotere' irawa ri la'lanNa.

AMOS 8:14

Sikamma tau assumpaya lanri barhala Samaria angkana, ‘Lanri rewatana bansa Dan’ yareka ‘Lanri rewatana Bersyeba’ – latu'guru' kabusuki siagang tambangungami pole.”

AMOS 9:11

Nakana Batara, “Lanarapiki wattunna naKupoterang kakaraenganna Daud. Kamma-kamma anne anjo kakaraenganga kontumi balla' rumbanga. Mingka laKupakabajiki ammotere' tembo'-tembo'na siagang laKubangungi ammotere' sa'genna a'jari sangkamma riolo.