AMOS 4:8 - KITTA' MATANGKASA'

⁸ Ri siapa area kota pandudu'na lammami napakamma turere, a'boya je'ne' ri kota maraenga, mingka tanggannakkai je'neka anjoreng. Mingka manna nakamma, tena tongijapa nuero' ammotere' mae ri Nakke.

AMOS 4:8 Iomraidhean Croise

1 KARAENG-KARAENG 18:5

Nakana Ahab ri Obaja, “Umba naki'lampa angnginroi sikontu anne pa'rasanganga siagang a'boya timbuseng je'ne' yareka binanga. Gassingka akkulleki' anggappa ruku' untu' ampasalamaki jaranta siagang keledaita, sollanna tenaja naparallu nibuno olo'-olo' katuota manna pole sikayu.”

YESAYA 9:12

Tena ijapa nassesse' lalang bansa Israel, manna pole nanihukkummo ri Batara Kaminang Makoasaya; tena ijapa natoba' ke'nanga mae ri Ia.

YEREMIA 23:14

Mingka Kuciniki ri Yerusalem na'bi-na'bia nagaukangi la'bi ja'dalaka pole. A'balle-ballei ke'nanga siagang a'gau' bawangi, kammayatompa naturukiangi taua a'gau' ja'dala', sa'genna manna sitau tania' ero' toba'. Untu' iNakke yangasenna anjo ke'nanga ja'dalaki sangkamma pandudu'na Sodom siagang Gomora.”

YEREMIA 3:3

Lanri kammana minjo natattahang je'neka battu ri langi', siagang tena battu-battuna bosia ri wattu baraka. Sanrapangko pasundala', siagang tena siri'nu.

YEREMIA 3:7

Kukana ri pikkirangKu angkana punna le'ba'mo nagaukang ngaseng anjo sikammaya, lammotereki mae ri Nakke. Mingka tammoterai mae ri Nakke, ba'lalo a'lampai mange assundala'. Lanri kammana minjo naKutallaki siagang Kubongkai. Yehuda, sari'battanna Israel, tenaya namajarre' pa'mai'na, nacini' ngasengi anjo sikammaya, mingka tena na'jari malla'. Ba'lalo amminawang tongi a'jari pasundala',

YEREMIA 5:3

Sikontutojenna ia Natuntuka Batara iamintu pa'mai' tamamminraya. Natunrungko Batara, mingka tena nujampangi. Nalicakko, mingka taerokako niajara'. Kapala batuko, siagang taerokako toba' battu ri dosa-dosanu.

HOSEA 11:5

Mingka taerokai tu Israel ammotere' mae ri Nakke; lanri kammana anjo musti ammotereki ke'nanga mange ri Mesir, siagang bansa Asyur lamparentai ke'nanga.

HOSEA 7:10

A'nassai nicini' katampoanna tu Israel siagang iaminjo a'jari butti mae ri kasalanna ke'nanga. Manna pole nakajariang ngasemmo anjo sikammaya, tena tongijapa naboyA' ke'nanga yareka ammotere' mae ri Nakke, Karaeng Allata'alana ke'nanga.

AMOS 4:6

INakkemi ampitujui kotanu bala kacipurang, mingka tammoterako mae ri Nakke.

MIKHA 6:14

Langnganreko, mingka talabassorako – ba'lalo tuli cipuru'nu. Langngengkakko barang-barang, mingka takkulleako ampakaamangi. Apa-apa mamo nupakaamanga laKuancuruki lalang pa'bundukang.

HAGAI 1:6

Appakioro' mako jai bine, mingka sike'de'ji alle polenu. Nia' kanrenu, mingka tanggannakkai untu' ambassori battannu. Nia' anggoro'nu, mingka tanggannakkai untu' ampassukkuki pakkasia'nu. Nia' care-carenu, mingka tanggannakkai untu' angkammuki kalennu. Siagang gaji nagappaya kuli'-kulika tanggannakkai untu' ansambungi tallasa'na ke'nanga.

HAGAI 2:17

AppaturungA' anging bambang siagang bosi batu untu' angngancuruki sikontu wassele' kokonnu, mingka tena tongijapa nuero' ammotere' mae ri Nakke.