AMOS 4:2 - KITTA' MATANGKASA'

² INakke, Batara Kaminang Tinggia, iamintu Batara matangkasa', siagang le'ba'Ma' a'janji angkanaya lanire'resangko sallang siagang pakkai'; lasinrapang ngasengko juku' ri mata pekanga.

AMOS 4:2 Iomraidhean Croise

PAMMUJI 89:35

Tena Kukaluppai parjanjiangKu siagang ke'nanga, manna se're janjingKu talania' Kukaluppai.

PAMMUJI 89:36

SikalijA' assumpa untu' satunggu-tungguna lanri areng matangkasakKu; tena Kula'balle-balle mae ri Daud.

YESAYA 37:29

siagang Kulangngere'mi ri passala'na anjo kalarroannu siagang katampoannu. Kamma-kamma anne Kusarei pakkai' ka'murunnu siagang Kusarei sa'mang bawanu, nampa Kubesokko ammotere' allalo ri oloang nuoloa ri wattunnu battu.”

YEREMIA 16:16

Nakana Batara, “LakkiokKa' jai paboya juku' untu' anjakkalaki anne taua. Nampa lakkiokKa' jai pasoso' untu' assosoki ke'nanga ri sikamma monconga siagang buluka, siagang ri sikamma leang-leang batua.

YEHEZKIEL 29:4

LaKupitabai pakkai' cango-cangonu siagang laKupadakkiki sikamma jukuka ri sissi'nu. Nampa Kubesokko assulu' battu ri Binanga Nil siagang sikontu anjo juku' a'dakkika ri sissi'nu.

YEHEZKIEL 34:16

Ia tappelaka laKuboyai, ia lingua laKuerangi ammotere', ia lokoka laKurokoki loko'na, ia garringa Kuballei; mingka co'moka siagang gassinga laKupanraki, lanri iNakke pakalawaki anggaukangi apa bajika.

YEHEZKIEL 38:4

LaKupalekkoi, laKupitabai pakkai' cango-cangona, nampa Kupasinta' assulu' siagang sikontu pasukanna. Jai sikali pasukang a'jaranna, ammakeang sangkamma-kammaya. Tunggala' tantarana massing angngerangi pannangkisi' siagang pa'dang.

AMOS 6:8

Naterassimi Batara Kaminang Koasaya siagang Kaminang Tinggia ampassareangi pappakainga' kammaya anne: “Birisiki nyawaKu mae ri katampoanna umma' Israel; tena nasannang nyawaKu mae ri sikamma balla' karaeng ga'gana ke'nanga. Ibukotana ke'nanga siagang sikontu bonena laKupassareangi mae ri musua.”

AMOS 8:7

Batara, Allata'alana Israel, le'baki assumpa angkana, “Tena sikali nalaKukaluppai panggaukang ja'dala'na ke'nanga.