AMOS 3:9 - KITTA' MATANGKASA'

⁹ Pa'la'bangi pabattu mae ri tau ammantanga ri balla' karaenga ri Mesir siagang Asdod angkana, “A'rappung ngasengko ri moncong-moncong tammulilina Samaria, siagang parhatikangi karicuang lompoa kammayatompa pammaccokang nigaukanga anjoreng.”

AMOS 3:9 Iomraidhean Croise

2 SAMUEL 1:20

Dasi-dasi natanalangngera tu Gat anjo kabaraka. Dasi-dasi sepe'-sepe' Askelon tanagappayai kabara'na anjo passalaka. Gassingka akkio' rannui bai'-baine tu Filistin gassingka suaraki akkio' baine kapereka.

PANGNGEBARANG 1:13

Niallei barang-barang ka'jala'na ke'nanga, sollanna rassi ballatta siagang barang-barang nirampasa'.

PANGNGEBARANG 11:16

Baine bajika akkala'na lanipakalompoi; tau pallaka lappasse'rei kakalumanynyangngang.

KATO'BA 4:1

Nampa kuparhatikang pole sikamma apa tenaya naadele', ia kajarianga ri anne linoa. Angngarruki tau nijallakkanga, natena tau ero' antulungi ke'nanga. Tena manna sitau ero' ambantui, lanri lompona koasana anjo sikamma tau anjallakkangai ke'nanga.

YEREMIA 31:5

Lapparekko koko anggoro' ri moncong-monconna Samaria, siagang ia a'lamunga lanagappai rapponna.

YEREMIA 46:14

“Yeremia, pa'la'bangi nupau anne kabaraka mae ri kota-kota Mesir, iamintu ri Memfis, Migdol siagang Tahpanhes, angkana, ‘Pasadiai kalennu untu' attahang, lanri sikontu apa-apa niaka ri kau lanipanraki lalang pa'bundukang!

YEREMIA 50:2

“Attannangko pammatei siagang pa'la'bangi pau mae ri bansa-bansa angkanaya tu'guru'mi Babel! Teako rahasiakangi anjo passalaka! Merodakh, rewatana, niancuruki, siagang patung-patunna lalea reppe'mi tassimbung-simbung, kammayatompa sikamma barhalana sanna'mi batena nihina-hina.

YEHEZKIEL 36:8

Mingka mae ri kau Kukana he moncong-monconna Israel, poko'-poko'nu laccu'laki siagang la'rappo poleangi untu' ummakKu Israel tenayamo nasallo nammotere'.

YEHEZKIEL 37:22

LaKupa'jari se'rei ke'nanga bansa anjoreng pa'rasanganga, ri daera monconna Israel. Laniparentai ke'nanga ri se're karaeng, siagang tenamo nalata'bage pole ke'nanga a'jari rua bansa yareka kakaraengang.

HOSEA 7:1

Nakana Batara, “Sampang eroki Kupammolle ummakKu Israel siagang Kupakabaji' ammotere' pattallassanna ke'nanga ia tuli Kucinika iamintu kaja'dallanna siagang dosana bawang ke'nanga. Assitipui para ia ke'nanga, antamaki ri balla'na taua a'lukka', siagang angngellaki ke'nanga ri aganga.

AMOS 1:8

Pandudu'na siagang pamarentana kota Asdod kammayatompa Askelon laKupabellai. Kota Ekron laKuhukkungi, siagang sikontu tu Filistin tassesaya laKupanraki.”

AMOS 4:1

Pilangngeri, he sikamma bai'-bainea ri Samaria pila' co'moka rapang sapi-sapi co'moka ri Basan! Nujallakkangi tau tenaya pakkullena, nupaccoki tu kasi-asia, siagang nutuntuki bura'nennu sollanna tuli napasadiangko inungang terasa'!

AMOS 5:11

Nujallakkangi tu kasi-asia siagang nurampasaki gandunna. Lanri kammana anjo talammantangnga mako lalang ri balla'-balla' ga'ganu, anjo le'baka nubangung. Tenamo nulangnginung anggoro' battu ri koko-koko anggoro' le'baka nulamungi.

AMOS 6:1

Cilakako ikau ngaseng attallasa' nyamanga ri Sion, siagang amanga pakkasia'na ri Samaria – ikau ngaseng he pamimpinna tau jaia ri anne Israel porea, ikau ngaseng sarroa nibattui ri ra'yaka untu' nipappalakki pannulungang!

AMOS 6:3

Nupatterassangi angkanaya anjo allo angngeranga bala bella iji, mingka anjo sikamma panggaukannu poro pila' napa'jari linta'ji kabattuanna anjo allo kapallakkanga.

AMOS 8:6

Gandung panraka akkullei nibalukang tinggi ballinna. A'boyaki' tu kasi-asi tenaya nakkulle ambayaraki inranna, manna pole nainrang sipammalli sandala' bawang, na niballi a'jari atanta.”

MIKHA 6:10

Ri balla'na sikamma tau ja'dalaka nia' barang-barang wassele' pannipuang. Ammakei ke'nanga pa'baku' tenaya natojeng, iamintu panggaukang Kukabirisia. Inai-nai tau anggaukangi anjo kammaya laKuhukkungi.

1 SAMUEL 5:1

Le'ba'na narampasa' tu Filistin Patti ParjanjianNa Allata'ala, naerammi ke'nanga battu ri Eben-Haezer mange ri kotana ke'nanga, iamintu Asdod.