AMOS 3:12 - KITTA' MATANGKASA'

¹² Rapang sitau pakalawaki anggappayai ammotere' bangkenna mami yareka sipolong mami tolinna gimbala'na le'baka nikanre ri singa, kamma tomminjo sike'de' dudu mami lammantang battu ri pandudu'na Samaria attinro baji'-bajika pakkasia'na ri katinroang ga'gana.”

AMOS 3:12 Iomraidhean Croise

1 KARAENG-KARAENG 20:30

Sikamma tau lappasaka, lari mange ri kota Afek, mingka rumbangi tembo'na anjo kotaya, na nia' 27.000 tau ri ke'nanga nituju. Lari tommi Benhadad mange anjoreng ri kotaya nampa accokko ri se'reang balla' ri kamara' bageang lalang.

1 KARAENG-KARAENG 20:34

Nampa nakanamo Benhadad ri ia, “Lakupoterangi mae ri katte kota-kota le'baka narampasa' manggeku battu ri manggeta. Akkulle tongki' ambangung tampa' pa'danggangang ri kota Damsyik sangkamma nagaukanga manggeku ri Samaria.” Appialimi Ahab angkana, “Battu ri anjo janjinta nakulappassangki'.” Le'baki anjo appare'mi Ahab parjanjiang siagang Benhadad, nampa nalappassang Benhadad.

1 KARAENG-KARAENG 22:25

Appialimi Mikha angkana, “Sinampe' nuciniki buttina, ri wattunnu antama' ri se'reang kamara' untu' accokko.”

2 KARAENG-KARAENG 16:9

Naturukimi karaeng Tiglat-Pileser anjo pappala'na Ahas, nampa nabunduki siagang naempoi Damsyik. Pandudu'na naengkaki a'jari tunitahang mange ri Kir, nampa karaenna iamintu Rezin, nabunoi.

ESTER 1:6

Anjo paranglakkenga nibelo-beloi siagang gordeng kaeng lenang gauka nipare' siagang kaeng lenang kebo'. Nampa nisikko' anjo kaeng gordenga siagang otere' kaeng lenang halusu'. Le'baki anjo nipasai'mi ri ponto-ponto niaka nipasang ri benteng-benteng tembo' accillaka. Irawanganna nia' niboli' siapa are koi bulaeng siagang koi pera', ia ta'dongkoka irate ri dapara' tembo' laccuka na kebo'. Anjo daparaka nibelo-beloi tanja'na. Na anjo belo-belona sanrapangi nicini' kaca eja a'lisereka, siagang kuli' mutiara accilla', kammayatompa paramata gau'.

ESTER 7:8

Tappu' minasami Haman, nampa nabuang kalenna ri katinroanna Ester, untu' appala' popporo'. Mingka sitabang le'baki anjo wattua ammotere'mi karaenga battu ri koko balla' karaenga. Nacini'na Haman appakamma anjo, ammarammi karaenga nakana, “Apa? Barani ijako pole anggau' salai bainengku anrinni, ri dallekangku siagang balla' kakaraengang kalengku?” Tasalloai le'ba'na akkana kamma karaenga, battumi sikamma palayang balla' karaenga ambomboki ulunna Haman.

PAMMUJI 132:3

Nakana, “Tena kulammari-mari ri ballakku yareka attinro ri tampa' katinroangku,

YESAYA 17:7

Anjo wattua sallang, lammotere'mi taua mange appala' tulung ri Mappa'jarina, iamintu Allata'ala matangkasa'na Israel.

YESAYA 31:4

Nakana Batara ri nakke, “Rapang singa ammoppoka eroka anjagai apa eroka nakanre, natakkullea nipakamalla' ri sa'ra lompo yareka sa'ra ammarrang battua ri siapa are jaina pakalawaki eroka angngewai, kamma tomminjo la'bundukKa' ero' ampartahangkangi Bulu' Sion.

YESAYA 8:4

Saba' ri tenanapa nalompo-lompo antu anaka nakkulle angkana ‘Bapa'’ siagang ‘Amma'’, sikontu kakalumanynyangnganna Damsyik siagang sikontu barang narampasaka tu Samaria lanilalingi ri karaeng Asyur.”

AMOS 6:4

Cilaka ngasengko attinroa irate ri ranjang ga'ga-ga'gaya siagang angnganre lompoa dageng sapi siagang gimbala' rungka!

AMOS 9:8

INakke, Batara Kaminang Tinggia, amparhatikangi anne kakaraenganna Israel dorakaya, siagang laKupa'lanynyaki ke'nanga battu ri buttaya. Mingka jari-jarina Yakub tena nalaKupanraki ngaseng. INakke, Batara, anne akkana.