AMOS 3:10 - KITTA' MATANGKASA'

¹⁰ Nakana Batara, “Sikamma anjo taua nabonei balla'-balla' karaenna ke'nanga siagang barang-barang nagappaya battu ri gau' ammacco' siagang gau' palla'. Ba'lalo tena sikali nangngasseng ke'nanga anggaukangi gau' lambusuka.

AMOS 3:10 Iomraidhean Croise

AYUB 20:21

Punna angnganrei napa'la'busu' ngasengi sikamma niaka lanri kammana anjo tenamo nattahang kala'bianna.

PAMMUJI 14:4

Nakana Batara, “Tenaka nangngu'rangi anjo sikamma tu ja'dalaka? Lalang tallasa'na narampasaki ummakKu siagang tena le'bakai appala' doang mae ri Nakke.”

PANGNGEBARANG 1:13

Niallei barang-barang ka'jala'na ke'nanga, sollanna rassi ballatta siagang barang-barang nirampasa'.

PANGNGEBARANG 11:16

Baine bajika akkala'na lanipakalompoi; tau pallaka lappasse'rei kakalumanynyangngang.

PANGNGEBARANG 28:5

Kaadelanga tanapahangngai tau dorakaya, mingka tau anynyombaya ri Batara, napahang tojeng-tojengi.

KATO'BA 4:1

Nampa kuparhatikang pole sikamma apa tenaya naadele', ia kajarianga ri anne linoa. Angngarruki tau nijallakkanga, natena tau ero' antulungi ke'nanga. Tena manna sitau ero' ambantui, lanri lompona koasana anjo sikamma tau anjallakkangai ke'nanga.

YEREMIA 4:22

Nakana Batara, “tolo sikali anjo ummakKu, tamangngassengai ke'nanga ri Nakke. Rapanji ke'nanga ana'-ana' tenaya namappilangngeri tenaya pammahanna manna sike'de'; cara'deki ri kaja'dallanga, tena apa-apa nakulle ri kabajikanga.”

YEREMIA 5:4

Kupikkiriki angkanaya, “Ah, anjo ke'nanga poro ra'ya' biasaji bawang tenaya apa-apa naasseng. A'gau' toloi ke'nanga, lanri tanaassengai apa Nakaerokia siagang Natuntuka Karaeng Allata'ala battu ri ke'nanga.

YEHEZKIEL 18:7

Tale'bakai annipu yareka angngella'. Barang-barang napappita'gallanga taua mae ri ia tuli napoterangi. Tau cipuruka nasarei kanre na tau tenaya bajunna nasarei baju.

YEHEZKIEL 22:29

Sikamma tau kalumanynyanga annipui siagang angngellaki. Appaero'-eroki ke'nanga appanggaukang mae ri tau kasi-asia siagang napangngallei passawallang bansa maraeng annumpanga.

YEHEZKIEL 8:17

Nakana Batara ri nakke, “He tau, nuciniki anjo mae? Anne tu Yehuda tenapa nasangga nasa'ring punna iaja anjo bawang apa appakaringi'-ringika nagaukang siagang panggaukang-panggaukang tenaya pangngamaseanna ri sikontu pa'rasanganga. Ba'lalo nagaukang tongi ke'nanga anrinni, lalang ri BallakKu siagang pila' natambai pole larroKu. Ciniki antekamma batena ke'nanga anghinA', ta'liwaka kodina.

HOSEA 7:1

Nakana Batara, “Sampang eroki Kupammolle ummakKu Israel siagang Kupakabaji' ammotere' pattallassanna ke'nanga ia tuli Kucinika iamintu kaja'dallanna siagang dosana bawang ke'nanga. Assitipui para ia ke'nanga, antamaki ri balla'na taua a'lukka', siagang angngellaki ke'nanga ri aganga.

AMOS 4:1

Pilangngeri, he sikamma bai'-bainea ri Samaria pila' co'moka rapang sapi-sapi co'moka ri Basan! Nujallakkangi tau tenaya pakkullena, nupaccoki tu kasi-asia, siagang nutuntuki bura'nennu sollanna tuli napasadiangko inungang terasa'!

AMOS 5:7

Cilaka ngasengko, ikau tau amputara' balekai kaadelanga siagang tau anjallakkangai ha'na taua!

AMOS 6:12

Maka akkullei lari jaranga irate ri bulu' batua? Niakka tau le'ba' ampa'jekoi tamparanga siagang sapi? Mingka ikau ngaseng le'ba'mi nuputara' bale' kaadelanga a'jari racung ammunoa, siagang annabaya a'jari sala.

AMOS 6:3

Nupatterassangi angkanaya anjo allo angngeranga bala bella iji, mingka anjo sikamma panggaukannu poro pila' napa'jari linta'ji kabattuanna anjo allo kapallakkanga.

AMOS 6:8

Naterassimi Batara Kaminang Koasaya siagang Kaminang Tinggia ampassareangi pappakainga' kammaya anne: “Birisiki nyawaKu mae ri katampoanna umma' Israel; tena nasannang nyawaKu mae ri sikamma balla' karaeng ga'gana ke'nanga. Ibukotana ke'nanga siagang sikontu bonena laKupassareangi mae ri musua.”

MIKHA 6:10

Ri balla'na sikamma tau ja'dalaka nia' barang-barang wassele' pannipuang. Ammakei ke'nanga pa'baku' tenaya natojeng, iamintu panggaukang Kukabirisia. Inai-nai tau anggaukangi anjo kammaya laKuhukkungi.

ZEFANYA 1:9

LaKuhukkungi sikontu tau anggaukangai ibadaya sangkamma tau tenaya natappa' mae ri Nakke, siagang tau a'lukkaka kammayatompa tau ammunoa untu' ampirassi balla'na pinggawana ke'nanga siagang barang-barang nirampasa'.”

2 PETRUS 3:5

Napakkunjungiangi taeroka ke'nanga angngassengi angkanaya langika siagang buttaya nipa'jari la'bi riolo tete ri kananNa Allata'ala; angkanaya je'ne' siagang battu ri je'neki nipa'jari buttaya;