AMOS 2:7 - KITTA' MATANGKASA'

⁷ Najallakkangi ke'nanga tau tenaya pakkullena siagang lammaya, kammayatompa napakabellai tu kasi-asia. Manggea siagang anaka nagauki se'rea ata baine narua-ruai, sa'genna nara'massi areng matangkasakKu.

AMOS 2:7 Iomraidhean Croise

2 SAMUEL 12:14

Mingka lanri kihinana Batara battu ri anjo panggaukanta, anjo ana' bura'neta beru lassuka lamatei.”

1 KARAENG-KARAENG 21:4

Lussa'mi siagang larromi pa'mai'na karaenga nalangngere'na anjo kananna Nabot ri ia. Ammotere'mi nampa anra'ba ri katinroanna taeroka assaile siagang taerokai angnganre napakamma.

PANGNGEBARANG 28:21

Tabajikai nipasimmara'-maraeng taua; mingka nia' todong haking ero' a'gau' jekkong lanri ero'na anggappa sike'de' doe'.

YESAYA 10:1

Cilakako kau appareka hukkung tenaya naadele' untu' anjallakkangi bansaKu.

YESAYA 10:2

Kammaminjo caranu anrompai tu kasi-asia anggappai ha'na siagang kaadelanga, siagang nurampasa' apa-apanna sikamma jandaya siagang ana' kukanga.

YESAYA 3:14

Langngallei tindakang Batara salaku Haking mae ri sikamma pamimpinna umma'Na. Naia tuduhanNa Batara mae ri ke'nanga, iamintu: “Ikau ngasemmi angngellaki sikamma wassele' koko anggoroka; balla'nu rassi siagang barang nurampasaka battu ri tau kasi-asia.

YESAYA 3:15

Angngapa nanujallakkang ummakKu siagang nupacco' tu kasi-asia? INakke anne, Batara Kaminang Tinggia siagang Kaminang Koasaya, a'bicara mae ri kau ngaseng.”

YEHEZKIEL 22:11

bainenna paranna tau, yareka mintunna, yareka andi' aona.

YEHEZKIEL 36:20

Manna kemae lampana ke'nanga, tuli nara'massinna arengKu matangkasaka. Nasaba' akkanai taua kamma anne, ‘Anne bansaya umma'Na Allata'ala, mingka musti nabokoi butta Napassareanga Allata'ala mae ri ke'nanga.’

HOSEA 4:14

Mingka tena nalaKuhukkung anjo panggaukanna ke'nanga, nasaba' manna ikau a'lampa tonjako mange ri sikamma pasundala' niaka ri balla' rewataya, siagang assiagang ngasengko ke'nanga assare koro'bang mae ri rewata-rewataya. Annaba tojengi kana-kana angkanaya, ‘Bansa tenaya pammahanna ri passala'na Allata'ala laruntungi.’

KAIMANGNGANG 18:15

Teako assikatinroangngi siagang ana' mintunnu

KAIMANGNGANG 18:21

Teako passareangngi kalase'renna ana'nu untu' nikoro'bangkang lalang ri panynyombanga mae ri Rewata Molokh, lanri anjo panggaukang kammaya nahinai arenNa Allata'ala, Bataranu.

KAIMANGNGANG 18:8

Teako hinai manggenu lanri assikatinroannu siagang kalase'renna bainenna maraenga.

KAIMANGNGANG 20:3

Inai-nai angkoro'bangkangi ana'na mae ri Rewata Molokh, nara'massi KemaKu siagang nahinai areng matangkasakKu. LaKuhukkungi siagang tenamo nalaKubilangi anggota ummakKu.

AMOS 4:1

Pilangngeri, he sikamma bai'-bainea ri Samaria pila' co'moka rapang sapi-sapi co'moka ri Basan! Nujallakkangi tau tenaya pakkullena, nupaccoki tu kasi-asia, siagang nutuntuki bura'nennu sollanna tuli napasadiangko inungang terasa'!

AMOS 5:11

Nujallakkangi tu kasi-asia siagang nurampasaki gandunna. Lanri kammana anjo talammantangnga mako lalang ri balla'-balla' ga'ganu, anjo le'baka nubangung. Tenamo nulangnginung anggoro' battu ri koko-koko anggoro' le'baka nulamungi.

AMOS 5:12

Kuassengi antekamma lompona kaja'dallannu siagang antekamma jaina dosanu. Nujallakkangi tau bajika; annarimako doe' nipacoco' siagang nubalang parekangi tu kasi-asia nigau' taadele' ri pangadelanga.

AMOS 8:4

Pilangngeri, he ikau ngaseng anjallakkangai tu kasi-asia ri anne pa'rasanganga sa'genna panra' ke'nanga!

MIKHA 2:2

Punna ero' ke'nanga ri se'reang koko, narampasaki ke'nanga. Punna eroki ke'nanga ri se'reang balla' naalle passai. Baji' barang-baranga kammayatompa kaluargaya tena nia' amang.

MIKHA 2:9

Tubai'-bainea ri ummakKu nubongkai battu ri balla' nakarimangngia, siagang nurampasaki sa'genna satunggu-tungguna barakka' Kupassareanga mae ri ana'-ana'na ke'nanga.

ZEFANYA 3:3

Sikamma tumalompona anjo kotaya rapangi singa ammarrung-marrunga sa'ranna. Sikamma hakinga rapangi serigala-serigala cipuruka; sanna' angngoana ke'nanga, sa'genna manna sipappaka buku tenamo nasesa untu' ammuko.

ROMA 2:24

Nia' tattulisi' lalang ri Kittaka, angkanaya, “Passabakkang ikau tu Yahudia, nanira'ma'-ra'massimo arenNa Allata'ala ri tangnga-tangngana bansa-bansa maraenga.”

1 KORINTUS 5:1

Sikontutojenna battumi mae ri nakke kabara'na angkanaya nia' tau ta'liwa'-liwa' batena a'gau' bawang ri tangnga-tangnganu; nia' tau assalimara' siagang amma' aona. Manna tau kapereka ta'gau' kammayai!