AMOS 2:11 - KITTA' MATANGKASA'

¹¹ Le'ba'mi Kupilei siapa are battu ri ana'-ana'nu untu' a'jari na'bi, siagang siapa are turungka untu' a'jari tu Pangawasa'. Sai anjo kammaya annabai, he tu Israel? INakke, Batara, anne akkana.

AMOS 2:11 Iomraidhean Croise

1 KARAENG-KARAENG 17:1

Nia' sitau na'bi niareng Elia. Assala'na tubattu ri Tisbe, iamintu se'reang kota ri daera Gilead. Ri se'reang allo battui mae ri Karaeng Ahab na nakana, “Lanri Batara, Allata'ala mattallasaka, Ia nasombaya tu Israel siagang Ia kulayania, kupabattuangki' angkanaya lalang ruampulo yareka tallumpulo taung labattua anne latena saliu' yareka bosi manna sike'de', pantaranganna punna kukanangi.”

1 KARAENG-KARAENG 18:4

Ri wattunna nabuno Izebel na'bi-na'biNa Batara, nia' 100 tau na'bi natulung Obaja na nacokko ke'nanga lalang ri kali'bong batua – 50 tau lalang se're kali'bong – kammayatompa nasare kanre siagang je'ne' inung ke'nanga.)

1 KARAENG-KARAENG 19:16

Gaukang tommi anjo kammaya mae ri Yehu ana'na Nimsi, sollanna a'jari karaeng Israel. Kammayatompa Elisa ana'na Safat battu ri Abel-Mehola, sollanna a'jari na'bi ansambeangko.

1 KARAENG-KARAENG 20:13

Lalang anjo wattua, nia'mo sitau na'bi mange ri Karaeng Ahab na nakana, “Nakana Batara, ‘Nuciniki anjo tantara jaia? LaKusareko pammetang mae ri ke'nanga anne alloa. Lanuassengi angkanaya iNakkemi Batara.’ ”

1 KARAENG-KARAENG 20:35

Lanri parentaNa Batara, nia'mo sitau na'bi battu ri pa'rappunganna anjo na'bia ansuro ba'ji anjo aganna. Mingka taerokai anjo aganna.

1 KARAENG-KARAENG 20:41

Nasungkemi pa'roko' rupanna anjo na'bia, nampa niassemmo ri karaenga angkanaya na'bi anjo taua.

1 KARAENG-KARAENG 22:8

Appialimi Ahab angkana, “Nia' ija se're, Mikha ana'na Yimla. Mingka birisika' ri ia, nasaba' tena le'bakai natappuanga' apa-apa baji'; tuli apa kodia.” Appialimi Yosafat angkana, “Teako akkana kammai!”

2 KARAENG-KARAENG 17:13

Akkiringi Batara siapa are tunisuro siagang na'bi-na'biNa mae ri umma' Israel siagang Yehuda untu' ampabattui anne pappakainga' kammaya: “Ammarimako a'gau' ja'dala' siagang turukimi parenta siagang hukkung le'baka Kupassareang mae ri boe-boenu siagang mae ri kau tete ri sikamma anjo atangKu, na'bi-na'bia.”

2 KARAENG-KARAENG 6:1

Ri se'reang allo anjo na'bi-na'bi naajaraka Elisa, akkunrarengi ri ia. Nakana ke'nanga, “Anne pammantanganta sanna' seppa'na.

2 PATTOTTORANG 36:15

A'mole-molemi Batara, Allata'alana boe-boena ke'nanga appabattu tunisuro untu' ampakaingaki Umma'Na, lanri NasayanNa ke'nanga siagang Balla'Na.

YEREMIA 11:21

Nakellai sikalia' taua ri kota Anatot sollangku mate. Nakana ke'nanga, “Punna tulusu' nupabattuna pasang-pasanNa Batara mae ri kambe, lanibunoko ri kambe.”

YEREMIA 2:31

He umma' Israel, pilangngeri anne kana-kanangKu. Maka le'bakKa' a'jari rapang parang lompo mae ri kau yareka rapang butta masassanga? Mingka angngapa nanukana erokko bebasa', siagang taeroka mako ammotere' mae ri Nakke?

YEREMIA 2:5

Nakana Batara, “Kasalang apa nacini' boe-boenu ri Nakke, sa'genna a'boko mae ri Nakke? Naondangi ke'nanga barhala tenaya anggaranna na kale'bakkanna kalenna tonji ke'nanga a'jari tuna.

YEREMIA 26:11

Nakanamo sikamma imanga siagang na'bi-na'bia ri sikamma anjo pagawe-pagawe pamarentaya siagang ra'yaka, “Anne taua siratangi nihukkung mate, lanri le'baki appasulu' kana-kana ambaliangi anne kotata. Kau ngaseng kalennu le'ba'mi nulangngere'.”

YEREMIA 7:25

Baku' assulu'na boe-boenu battu ri Mesir sa'genna anne alloa tuli nia' Kusuro ata-atangKu, sikamma na'bia, battu mae ri kau.

PIRAUNG 4:7

Riolo pamimping-pamimpinna ikambe ci'nongi keboki kontu kapasa' matangkasaka. Mingka kassaki na gassing, akkamalei na tena garrinna.

MIKHA 2:6

Akkato'bai sikamma taua mae ri nakke, angkana, “Teako akkato'bai mae ri kambe. Teako akkato'bai ri passala'na sikammaya ngaseng anjo. Tena nalanipakasiri' ikambe.

LAMPA-LAMPANA 4:18

Le'baki anjo, nakio'mi ke'nanga ammotere' Petrus siagang Yohanes, nanapauang angkanaya tena sikalimo nanipa'biangi ke'nanga ampaui yareka angngajara' lalang arenNa Isa.

LAMPA-LAMPANA 5:28

Nakana imang lompoa, “Le'ba' mako nipisangkai ampangngajarrangi arenNa anjo Taua. Mingka kamma-kamma anne, apa le'ba' nugaukang! Nupa'la'bammi anjo pangngajarannu mae ri sikontu tau niaka ri Yerusalem. Kammayatompa, erokko ba'lalo ampakkanaiki' anne, angkanaya passala' ikambe anne namate anjo Taua.”

LAMPA-LAMPANA 7:51

Teai sipato' kapala batunu ngaseng, siagang teai sipato' sukkara'nu mannuruki ri Allata'ala! Teai sipato' tongolo'na tolinnu mae ri kana-kananNa Allata'ala! Sangkamma le'ba' ngasengko siagang boe-boenu; tuli erokko angngewa ri RohNa Allata'ala!

PAOLE 18:18

Battu ri bansana tonji ke'nanga laKukiring sitau na'bi sangkammaya ikau mae ri ke'nanga. LaKupaui mae ri ia apa mustia napau, nampa napabattu mae ri anjo bansaya sikontu apa Kuparentakanga.

1 SAMUEL 19:20

Lanri kammana anjo, akkirimmi Saul siapa are tau untu' a'lampa anjakkalaki Daud. Mingka narapikammi ke'nanga sipa'rappungang na'bi sitabang a'joge'-joge' siagang akkiok-kio', nipimping ri Samuel. Nampa nikoasaimo ri RohNa Allata'ala anjo sikamma tunisuroa ri Saul, sa'genna appakkaramulamo ke'nanga amminawang todong a'joge'-joge' siagang akkiok-kio'.

1 SAMUEL 3:20

Iaminjo saba'na na sikontu umma' Israel battua ri sikontu anjo pa'rasanganga namangakuimi angkanaya anjo Samuel na'biNa Batara. Kere-kere wattu na'bicara Samuel, sikontu bansa Israel mappilangngeri ngasengi. Tuli Napappicikikang iji KalenNa Batara ri Silo, ri tampa' uru NapappicinikanNa KalenNa mae ri Samuel Na'bicara siagang ia.