AMOS 2:10 - KITTA' MATANGKASA'

¹⁰ Le'ba' mako Kuerang assulu' battu ri Mesir, siagang Kururunganga allalo ri parang kassika patampulo taung sallona. Buttana tu Amori le'ba'mi Kupassareang mae ri kau a'jari pa'rasangannu.

AMOS 2:10 Iomraidhean Croise

NEHEMIA 9:21

Patampulo taung sallona ri parang lompoa, Kipa'gannaki sikamma kaparalluanna ke'nanga. Pakeanna ke'nanga tale'bakai panra'; bangkenna ke'nanga tapa'risai yareka takkambangai.

PAMMUJI 95:10

Patampulo taungA' ero' ta'langnge anciniki ke'nanga; Kukana: Tamaka tamattantuna nyawana anjo bansaya! Tanajampangiai ke'nanga parenta-parentaKu.

KALAPPASSANG 12:51

Anjo alloa Naerammi Batara sikontu bansa Israel assulu' battu ri Mesir.

KALAPPASSANG 20:2

“INakkemi Karaeng Allata'alanu, angngerangako assulu' battu ri Mesir, tampa'nu nipare' ata.

KALAPPASSANG 3:8

Lanri kammana anjo, erokKa' naung untu' allappassangi ke'nanga battu ri limanna tu Mesirka, nampa Kuerang ke'nanga assulu' battu ri anjo pa'rasanganga naKuerang mange ri pa'rasangang luaraka. Buttana coppongi siagang akkalumanynyangi. Kamma-kamma anne anjo pa'rasanganga napammantangi bansa Kanaan, bansa Het, Amori, Feris, Hewi siagang Yebus.

YEREMIA 2:6

Tenamo najampangiA'; iNakke, le'baka angngului ke'nanga ri aganga, siagang angngerangi ke'nanga assulu' battu ri Mesir allalo ri parang kassika, daera roso' a'lekko-lekkoa, butta kalotoro' siagang jaia bahayana – parang tenaya nanipammantangngi siagang tenaya nanipanumaloi!

YEHEZKIEL 20:10

Nampa Kuerang ke'nanga assulu' battu ri Mesir a'lampa mange ri parang kassika.

AMOS 3:1

Pilangngeri anne pasanNa Batara, he Bansa Israel le'baka nierang assulu' battu ri Mesir ri Batara! Nakana Batara,

AMOS 9:7

Nakana Batara, “He umma' Israel, Kuparhatikangi tu Sudan sangkamma batenu Kuparhatikang. Kuerangi tu Filistin battu ri Kreta siagang tu Siria battu ri Kir sangkamma ikau Kuerangko battu ri Mesir.

MIKHA 6:4

Le'ba' mako Kuerang assulu' battu ri butta Mesir, siagang Kulappassangko battu ri nipareka ata; le'ba'mi Kusuro Musa, Harun, siagang Miryam untu' ampimpingko.

PAMMILANGNGANG 13:32

Nampa appa'la'bammo ke'nanga carita balle-balle ri tangnga-tangngana tu Israel ri passala'na anjo pa'rasangang le'baka nasalidiki ke'nanga. Nakana ke'nanga, “Sanna' bahayana anjo pa'rasanganga, ba'lalo bahaya mae ri pandudu' kalenna. Anjo tau nacinika ikambe anjoreng sanna' lompona ngaseng pakkaleanna.

PAMMILANGNGANG 21:25

Lanri kammana anjo naalle ngasemmi tu Israel sikontu kota-kotana tu Amori, kammayatompa Hesybon siagang sikontu kota-kota ca'di niaka ri tammulilina, nampa ammantang tulimo ke'nanga anjoreng.

PAMMILANGNGANG 32:13

Larroi Batara mae ri bansa Israel sa'genna Nalappassang ke'nanga a'la'ba' a'lampa ri parang lompoa patampulo taung sallona, sa'genna sikontu anjo tau angngewaya mae ri ia mate ngasemmi.

LAMPA-LAMPANA 13:18

Sa'baraki Allata'ala anciniki gau'-gau'na ke'nanga ri wattunna a'jappa ke'nanga patampulo taung sallona ri parang lompoa.

LAMPA-LAMPANA 7:42

Jari nibokoimi ke'nanga ri Allata'ala siagang nibalang parekammi ke'nanga anynyomba mae ri sikamma bintoeng-bintoeng niaka ri langika. Sicoco'mi anjo siagang apa niaka tattulisi' lalang ri kitta'na na'bi-na'bia. Kammaminne tattulisika, ‘E ikau tu Israelka! Teai untu' iNakke nanusamballe siagang nukoro'bangkang olo'-oloka ri wattunna patampulo taung ri parang lompoa.

PAOLE 1:39

Nampa Nakana Batara mae ri katte ngaseng, ‘Sikamma ana'-ana'nu ca'di dudua ija, tenayapa nakkulle angngassengi nikanaya baji' yareka ja'dala', nukanaya lanirampasa' ri musu-musunnu, iaminjo ke'nanga ana'-ana' kammaya laKusareang anjo buttaya, siagang iaminjo ke'nanga lampammantangngi.

PAOLE 2:7

U'rangi antekamma bateNa Karaeng Allata'alanu le'ba' ambarakkakiko lalang sikontu apa nugaukanga. Naparakaiko siapa sallonu lalang ri pa'la'bakkannu a'jappa ri anne parang lompoa. Nala'langngiko lalang anne patampulo taunga siagang Nasareko sikontu apa nuparalluanga.

YOSUA 13:4

Kammayatompa musti nialle iji iamintu: sikontu daera Kanaan siagang Meara (daerana bansa Sidon), sa'genna mange ri Afek ri pa'baeng-baenna daera bansa Amori;

YOSUA 24:8

Nampa Kuerangko mange ri pa'rasangang tu Amori, niaka ammantang irayanganna Binanga Yordan. Nabundukiko ke'nanga, mingka iNakke ansareko pammetang mae ri ke'nanga. Nuallei pa'rasanganna ke'nanga, siagang iNakke angngancuruki ke'nanga.