AMOS 1:9 - KITTA' MATANGKASA'

⁹ Nakana Batara, “Pandudu'na Tirus a'mole-molei doraka, lanri kammana anjo ma'nassa laKuhukkungi ke'nanga. Le'baki naengka' ke'nanga se'rea bansa mange ri pammelakkanga, nampa napassareang mae ri Edom; nadakkai ke'nanga parjanjiang passari'battanganna.

AMOS 1:9 Iomraidhean Croise

2 SAMUEL 5:11

Karaeng Hiram battu ri pa'rasangang Tirus akkiringi wakkele' mae ri Daud. Kammayatompa kayu camara Libanon siagang tukang-tukang kayu na tukang-tukang batu untu' ambangung balla' kakaraengang.

PAMMUJI 83:7

bansa Edom, siagang Ismael, tu Moab siagang Hagar;

YEREMIA 47:4

Narapi'mi wattunna bansa Filistin nipanraki kabusu', sa'genna tenamo nanggappa bantuang Tirus siagang Sidon. INakke, Batara, ampanraki kabusuki sikontu tu Filistin niaka tassesa battu ri Kreta.

YEHEZKIEL 27:1

Nakana Batara Kaminang Tinggia ri nakke, “He tau, akkelongko lagu untu' nitarawanna Tirus, kota biring tamparang a'dangganga siagang panduduka ri sikontu biring tamparanga; kamma anne kelonna: O Tirus, tampoko akkana kamma anne, ‘Ga'gaku tena callanna!’

YEHEZKIEL 27:27

Sikontu barang-barang danggangannu nuluranga, sikontu pasombalaka siagang ana' buanu, sikontu tukang kayu siagang padanggannu tunggala' tantara ri anjo kappalaka, lanynya' kabusuki tallang ri wattunnu tallang siagang kappala'nu.

YEHEZKIEL 28:1

Nakana Batara ri nakke,

YEHEZKIEL 28:18

Nakana Batara, “He Tirus, ikau nura'massi tampa'-tampa' ibadanu lanri kasalang siagang kajekkongang nugaukanga ri wattunnu a'balu'-balu'. Lanri kammana anjo nakutunuko sa'gennu a'jari sallappara' buttaya. Sikontu tau ancinikiako poro au mami nacini'.

AMOS 1:11

Nakana Batara, “Pandudu'na Edom a'mole-molei doraka, lanri kammana anjo ma'nassa laKuhukkungi ke'nanga. Tena pangngamaseanna ke'nanga na nabunduki tu Israel, sari'battanna ngaseng ke'nanga. Tulusu' larrona ke'nanga, siagang tulusu' napari pa'mai'na kalarroanna.

AMOS 1:6

Nakana Batara, “Pandudu'na Gaza a'mole-molei doraka, lanri kammana anjo ma'nassa laKuhukkungi ke'nanga. Le'baki naengka' ke'nanga se'rea bansa mange ri pammelakkanga, nampa nabalukang salaku ata mae ri tu Edom.

OBAJA 1:11

Ammenteng bellako, ri allo battuna musua allappoi pakke'bu'na Yerusalem siagang nabeta anjo kotaya. Tena apa-apa nukana ri wattunna naengka' ngaseng ke'nanga kakalumanynyangnganna Yerusalem na nabage-bage ri ke'nanga. Sangkamma jako ja'dala'nu siagang anjo musua.

ZAKHARIA 9:1

Iaminne pasanNa Batara. Le'ba'mi Napattantu untu' anghukkungi pa'rasangang Hadrakh siagang kota Damsyik. Teai poro suku-suku Israel bawang, mingka ibukotana pole Siria Napatang tongi Batara.

MATIUS 11:21

“Cilaka mako ikau ngaseng tau niaka ammantang lalang ri Korazim! Kammayatompa ikau ngaseng tau niaka ammantang lalang ri Betsaida, cilaka ngaseng tommako! Ebara' angkana le'ba' tommi nigaukang anjo gau'-gau' appakalannasaka ri tangnga-tangnganu ri Tirus siagang Sidon, ma'nassa sallomi le'ba'na toba' siagang nasassala' kalenna tau niaka anjoreng.

MATIUS 11:22

U'rangi laloi angkanaya, punna narapi' Allo Kiamaka sallang, akkulleangangi Napammopporang Allata'ala dosa-dosana tau niaka anjoreng ri Tirus siagang Sidon nakala ikau ngaseng!

LUKAS 10:13

“Cilaka mako ikau tau niaka ri Korazim! Siagang cilaka mako ikau tau niaka ri Betsaida. Naka'de' anjoreng ri kota Tirus siagang ri kota Sidon nigaukang anjo gau'-gau' appakalannasa' le'baka nigaukang ri tangnga-tangnganu, mattantu sallomi le'ba'na toba' tau niaka anjoreng. Siagang sallomi le'ba'na ammakeang tau susa siagang nabonei au ulunna ke'nanga, a'jari pammatei ri katobakkanna ke'nanga.

LUKAS 10:14

Ri allonna kiamaka sallang, lakkulleangangi nipammopporang ri Allata'ala tau niaka ri Tirus siagang Sidon kala ikau ngaseng.