AMOS 1:8 - KITTA' MATANGKASA'

⁸ Pandudu'na siagang pamarentana kota Asdod kammayatompa Askelon laKupabellai. Kota Ekron laKuhukkungi, siagang sikontu tu Filistin tassesaya laKupanraki.”

AMOS 1:8 Iomraidhean Croise

2 PATTOTTORANG 26:6

A'bunduki Uzia sipa'bali tu Filistin. Naruntungi tembo'-tembo'na kota Gat, Yabne, siagang Asdod, nampa ambangung kota-kota niaka pattahanganna ri ampi'na Asdod siagang ri daera maraengannaya ri Filistin.

PAMMUJI 81:14

Ah, ebara' angkana eroki ummakKu mappilangngeri ri Nakke, ebara' angkana eroki ke'nanga mannuruki ri Nakke,

YESAYA 1:25

LangngalleA' tindakang mae ri kau. Rapang tau lannangkasia pera' yareka bulaeng, kammaminjo laKutangkasi tongko; sikontu apa ra'masaka laKupabellai battu ri kau.

YESAYA 20:1

Lanri parentana Sargon, iamintu karaenna Asyur, mangemi panglimana tantara Asyur ambunduki Asdod, se'reang kota ri Filistin.

YEREMIA 47:1

Ri tenanapa nabunduki karaeng Mesir anjo kota Gaza, a'bicarai Batara ri nakke, ri sesena pa'rasangang Filistin.

YEHEZKIEL 25:16

Lanri kammana anjo laKupa'la'bangi Kupau angkanaya iNakke lambunduki tu Filistin siagang ampanraki ke'nanga. Sikamma niaka tassesa ri daera pa'birinna Filistin laKubunoi.

YO"EL 3:4

LanuapA' anne, he Tirus, Sidon siagang sikontu daera Filistin? Maka erokko a'balasa' mae ri Nakke? Jari, tarimami pa'balasakKu lintaka battu mae ri kau.

AMOS 1:7

Lanri kammana anjo lakkiringA' pepe' mae ri tembo'-tembo'na Gaza, siagang Kutunu sa'genna cappu' sikamma pattahanganna.

AMOS 3:9

Pa'la'bangi pabattu mae ri tau ammantanga ri balla' karaenga ri Mesir siagang Asdod angkana, “A'rappung ngasengko ri moncong-moncong tammulilina Samaria, siagang parhatikangi karicuang lompoa kammayatompa pammaccokang nigaukanga anjoreng.”

OBAJA 1:18

UmmakKu Israel larapangi pepe' angkanrei jari-jarina Esau, rapang pepe' angkanreai sa'genna cappu' raramea ri kokoa. Tena manna sitau battu ri jari-jarina Esau akkulle lata'lappasa'. INakke, Batara anne akkana!

ZAKHARIA 13:7

Nakana Batara Kaminang Koasaya, “Ammentengko nai' he pa'dang, nampa nubuccu' pakalawaki anjamaya untu' iNakke! Bunoi, natassimbung-simbung sikamma gimbalaka. LaKubunduki ummakKu,

ZAKHARIA 9:5

Kota Askelon siagang Gaza lanaciniki anjo kajarianga sa'genna a'jari malla'. Lanacini' tongi Ekron na tappela'mo sikontu panrannuanna. Gaza latappelaki karaenna, siagang Askelon la'jari sinoi tena bonena.

ZAKHARIA 9:6

Asdod lanipammantangngi ri tau battua ri bansa-bansa a'bengkoroka. Nakana Batara, “Anjo tu Filistin tampoa laKutumpasaki.

1 SAMUEL 6:17

Kammaminjo nale'ba'mo appikatu tu Filistin mae ri Batara, iamintu passare untu' antangkasi dosana ke'nanga pandudu' limaya kota, niparentaya ri lima karaeng Filistin. Anjo kota-kotaya iamintu: Asdod, Gaza, Askelon, Gat, siagang Ekron. Anjo kotaya nia' ammake tembo' pannahang musu, nia' todong tena. Massing-massingi anjo kotaya appikatu se're kambussulu' bulaeng siagang se're bulaeng balao. Buttina anjo kajarianga, iamintu batu lompo tampa'na ke'nanga ampadongkoki Patti ParjanjianNa Batara. Manna sa'genna kamma-kamma anne tuli nia' iji anjo batua ri kokonna Yosua, anjo tu Bet-Semes.