AMOS 1:4 - KITTA' MATANGKASA'

⁴ lanri kammana anjo lakkiringA' pepe' mange ri balla' karaenna Karaeng Hazael, siagang laKutunui sa'genna putta sikamma pattahanganna Karaeng Benhadad.

AMOS 1:4 Iomraidhean Croise

1 KARAENG-KARAENG 19:15

Nakanamo Batara, “Ammoterekko mange ri parang lompoa ri ampi'na Damsyik! Nampa a'lampako mange ri kotaya siagang tiriki minynya' ulunna Hazael a'jari pammatei ri niangka'na a'jari karaeng Siria.

2 KARAENG-KARAENG 13:25

Nampa Yoas karaeng Israel nabetai Benhadad pintallung siagang naallemi ammotere' kota-kota le'baka nialle ri Benhadad ri wattu pamarentahanna Yoahas manggena Yoas.

2 KARAENG-KARAENG 13:3

Lanri kammana anjo larromi Batara mae ri tu Israel sa'genna nalappassang Hazael karaeng Siria siagang Benhadad ana'na, a'mole-mole ambetai tu Israel.

2 KARAENG-KARAENG 6:24

Siapa are wattu ribokoanganna, battumi Benhadad, karaeng Siria, angngerangi sikontu tantarana untu' ambunduki tu Israel. Nakurummi ke'nanga kota Samaria,

2 PATTOTTORANG 16:2

Jari naallemi Karaeng Asa bulaenga siagang peraka battu ri pammolikang barang-baranna Balla'Na Batara siagang balla' karaenga, nampa nakiring mange ri Damsyik iamintu mange ri Benhadad karaeng Siria, siagang appasang angkana,

YEREMIA 17:27

Yangasenna anjo lakajariangi punna mannurukiko mae ri Nakke siagang nusa'la' allo Pammari-marianga untu' iNakke. Teako angngangkaki barang-barang apa mamo allalo ri sikamma pakke'bu' lompona Yerusalem ri anjo alloa. Punna nudakkai anjo parenta-parentaKu, laKutunui pepe' sikamma pakke'bu'na Yerusalem siagang sikamma balla' karaenna sa'genna la'busu'; na anjo pepeka takkulleai nibuno.’ ”

YEREMIA 49:27

Tembo'-tembo'na kota Damsyik laKutunui, siagang sikamma balla' karaenna Karaeng Benhadad laKupa'jari ammutungi. INakke, Batara Kaminang Koasaya, anne akkana.”

YEHEZKIEL 30:8

Punna Kutunu Mesir siagang Kubuno kabusu' naaganga sita'gala', naassemmi ke'nanga angkanaya iNakkemi Batara.

YEHEZKIEL 39:6

Lappa'niakKa' pepe' akkanre ri butta Magog siagang ri sikamma biring tamparanga, ri daera amanga siagang sannanga katallassanna pandudu'na. Jari naasseng ngasemmi ke'nanga angkanaya iNakkemi Batara.

HOSEA 8:14

Ambangungi tu Israel siapa jaina balla' karaeng, mingka nakaluppai ke'nanga angkana inai ampa'jari kalenna. Natambai tu Yehuda kota-kota pattahanganna napila' jai, mingka lappaturungA' pepe' untu' antunui sa'genna cappu' sikamma balla' lompona siagang kota-kotana ke'nanga.”

AMOS 1:10

Lanri kammana anjo lakkiringA' pepe' mae ri tembo'-tembo'na Tirus siagang Kutunu sa'genna cappu' sikamma pattahanganna.”

AMOS 1:12

Lanri kammana anjo, lakkiringA' pepe' mange ri kota Téman, siagang Kutunu sa'genna cappu' sikamma pattahanganna Bozra.”

AMOS 1:14

Lanri kammana anjo, lakkiringA' pepe' mae ri tembo'-tembo'na kota Raba, siagang Kutunu sa'genna cappu' sikamma pattahanganna. Anjo wattua lania' nilangngere' karicuang pa'bundukang, siagang anjo pa'bundukanga hebaki sanrapang anging lompo dudua.

AMOS 1:7

Lanri kammana anjo lakkiringA' pepe' mae ri tembo'-tembo'na Gaza, siagang Kutunu sa'genna cappu' sikamma pattahanganna.

AMOS 2:2

Lanri kammana anjo, lakkiringA' pepe' mange ri pa'rasangang Moab, siagang Kutunu sa'genna cappu' sikamma pattahanganna Keriot. Lamatei tu Moab ri tangnga-tangnga karicuanna pa'bundukanga, iamintu lalang nipasa'rana tarompeka siagang nipakkiokanna pakkio' pa'bundukanga.

AMOS 2:5

Lanri kammana anjo, lakkiringA' pepe' mange ri Yehuda siagang Kutunu sa'genna cappu' sikamma pattahanganna Yerusalem.”

HAKING-HAKING 9:57

Na Nahukkung tommo taua ri Sikhem lanri kaja'dallanna ke'nanga. Yangasenna anjo kajarianga sicoco' le'baki apa le'baka napau Yotam, ana'na Gideon, ri wattunna nasumpai ke'nanga.