2 SAMUEL 8:8 - KITTA' MATANGKASA'

⁸ Pantaranganna anjo jai sikali todong tambaga naalle Daud battu ri Betah siagang Berotai, iamintu kota-kota nakoasaia Hadadezer riolo.

2 SAMUEL 8:8 Iomraidhean Croise

2 SAMUEL 8:7

Sikamma pa'lapa' barambang bulaeng napakea tantarana Hadadezer nirampasaki ri Daud nampa naerang mange ri Yerusalem.

1 KARAENG-KARAENG 11:23

Napa'jari tommi Allata'ala anjo Rezon, ana'na Elyada ammusui Salomo. Rezon iamintu ata laria battu ri karaenna iamintu Karaeng Hadadezer battu ri Zoba.

1 PATTOTTORANG 18:1

Siapa are sallona ribokoanganna, nabundukimi Daud tu Filistin sa'genna nabetamo ke'nanga siagang narampasa'mi kota Gad kammayatompa desa-desa niaka ri tammulilina.

1 PATTOTTORANG 18:8

Pantaranganna anjo angngalle tommi Daud jai sikali parunggu battu ri Tibhat siagang Kun, iamintu kota-kota nakoasaia Hadadezer riolo. (Ri bokoangallo napare'mi Salomo anjo parunggu-parunggua untu' guci-guci, benteng-benteng siagang pakkakasa' sambayanga lalang ri Balla'Na Batara.)

1 PATTOTTORANG 22:14

Na passala'na anjo Balla'Na Batara, le'ba'ma' usaha tojeng-tojeng appasse're 3.400 tong battala'na bulaeng siagang la'bi 34.000 tong battala'na pera'. Napantaranganna anjo nia' todong parunggu siagang bassi, ia takkullea nibilang lanri jaina. Kayu siagang batu kupasadiami, mingka musti nutambai pole.

1 PATTOTTORANG 22:16

bulaeng, pera', parunggu, siagang bassi. Jari appakkaramula mako linta'! Poro Natulungko Batara.”

1 PATTOTTORANG 29:7

Nampa massing-massing assaremo ke'nanga sumbangang untu' anjo pambangunanna Balla'Na Batara, iamintu: bulaeng la'bi 170 tong battala'na, pera' la'bi 340 tong battala'na, parunggu a'biringi 620 tong battala'na, siagang bassi la'bi 3.400 tong battala'na.

YEHEZKIEL 47:16

mange ri Berota siagang Sibraim (kota-kotaya anjo ri alla'nai kota Damsyik siagang kota Hamat pammantanganna), nampa mange ri kota Hazar-Enan, ri pa'baeng-baenna kota Hauran.